DİN avtoqəzada ölən azərbaycanlı jurnalistlə bağlı məlumat yaydı

“Ölkə.Az”-ın Rusiya KİV-nə istinadən yaydığı məlumata görə, bu barədə Rusiya DİN-in Həştərxan vilayəti üzrə idarəsinin məlumatında bildirilir.

Məlumata görə, ötən gün yerli vaxtla saat 18.20-də Həştərxan şəhərində  30 yaşlı sürücünün idarə etdiyi “Volkswagen Passat” markalı avtomobil yolun hərəkət hissəsinin piyada zolağından keçən, Həştərxan universitetlərindən birində təhsil alan 1986-cı il təvəllüdlü tələbə qızı vurub.
Azərbaycanlı tələbə aldığı xəsarətlərdən hadisə yerində keçinib.

Məlumatda deyilir ki, Həştərxanın 1 nömrəli Yol-patrul xidmətinin xüsusi batalyonunun əməkdaşları hadisənin başvermə şəraitini araşdırır.

Qeyd edək ki, hadisə zamanı ölən Ülviyyə Şamilqızı Azərbaycanın müxtəlif media qurumlarında jurnalist kimi çalışıb.

Zaur Əziz
Ölkə.Az