DİN: Ötən gün 115 cinayət törədilib

DİN: Ötən gün 115 cinayət törədilib
11:00
14.02.2018
856
Ölkə
A
Ötən gün daxili işlər orqanları tərəfindən 115 cinayət faktı qeydə alınıb, onların da 26-sı “isti izlər”lə açılıb.

DİN-in mətbuat xidmətindən "Ölkə.Az"a verilən məlumata görə, həmçinin axtarışda olduğuna görə 20 nəfər saxlanılaraq aidiyyıti üzrə təhvil verilib.

Bildirilir ki, respublikanın avtomobil yollarında 1 yol-nəqliyyat hadisəsi baş verib, nəticədə 6 nəfər xəsarət alıb.

Daxili işlər orqanları əməkdaşlarının həyata keçirdikləri əməliyyat-axtarış tədbirləri nəticəsində narkotiklərlə əlaqəli 15 fakt müəyyən edilib.

Cinayət törətməkdə şübhəli bilinən 34 nəfər saxlanılıb.

ŞƏRH YAZ
0

Taxıl sahəsini qəsdən yandıran şəxs tutuldu

Taxıl sahəsini qəsdən yandıran şəxs tutuldu
18:33
Bu gün
182
Ölkə
A
Sentyabrın 16-da Şəki şəhərinin Cumakənd kəndi ərazisində kənd sakinlərinə məxsus 50 hektar biçilmiş taxıl sahəsindəki küləş yanıb.

DİN-dən "Ölkə.Az"a  verilən xəbərə görə, yanğın söndürülüb, xəsarət alan olmayıb. ​Şəki Şəhər Rayon Polis Şöbəsi əməkdaşları tərəfindən aparılan araşdırmalar zamanı sahənin yandırıldığı müəyyən edilib.

​Görülmüş tədbirlərlə yanğını törətməkdə şübhəli bilinən Baş Layısqı kənd sakini İdris Nəbiyev polis əməkdaşları tərəfindən saxlanılıb. O, İnzibati Xətalar Məcəlləsinin müvafiq maddəsinə əsasən məsuliyyətə cəlb olunub.

ŞƏRH YAZ
0

Rövşən Rzayev məcburi köçkünlərlə görüşdü

Rövşən Rzayev məcburi köçkünlərlə görüşdü
18:20
Bu gün
253
Ölkə
A
Qaçqınların və Məcburi Köçkünlərin İşləri üzrə Dövlət Komitəsində məcburi köçkünlərin növbəti qəbulu keçirilib.

"Ölkə.Az" xəbər verir ki, qəbulda Dövlət Komitəsinin sədri Rövşən Rzayev, sədr müavinləri, şöbə və departament rəhbərləri iştirak edib.

Məcburi köçkünlər fərdi qaydada qəbul edilib və onların müraciətləri dinlənilib. Onlar, əsasən, mənzil, status, vahid aylıq müavinətin təyin edilməsi, məşğulluq, kommunal xidmətlər və digər məsələlərlə bağlı müraciət edib.

Məlumat verilib ki, məcburi köçkünlərlə bağlı məsələ Prezident İlham Əliyevin rəhbərliyi ilə uğurla həyata keçirilən sosial siyasətin prioritet istiqamətlərindən biridir. Məcburi köçkünlərin məşğulluğunun təmin edilməsi və mənzil şəraitinin yaxşılaşdırılması üçün layihələr uğurla icra edilir. Birinci vitse-prezident xanım Mehriban Əliyeva ən ağır və ən qəzalı şəraitdə yaşayan məcburi köçkünlərlə bağlı aparılan işin sürətləndirilməsi üçün tapşırıq verib. Həyata keçirilən tədbirlər məcburi köçkünlərin dövlət tərəfindən diqqət və qayğı ilə əhatə olunduğunu göstərir.

Qəbulda iştirak edən məcburi köçkünlərin müraciətləri müvafiq qaydada qeydə alınıb. Müraciətlərin hər biri ayrı-ayrılıqda araşdırılacaq və qanuna uyğun tədbirlər görüləcəkdir.

ŞƏRH YAZ
0
BAĞLA