Daha bir deputatdan ATƏT-lə əməkdaşlığı dayandırmağa ÇAĞIRIŞ

Daha bir deputatdan ATƏT-lə əməkdaşlığı dayandırmağa ÇAĞIRIŞ
13:25
17.04.2018
1822
Siyasət
A
"Seçki günü hər hansı seçki məntəqəsi və seçki dairəsində seçki pozuntusu hallarının baş verdiyini konkret faktlarla göstərə bilməyən ATƏT-in Demokratik Təsisatlar və İnsan Haqqları Bürosunun təmsilçiləri qərəzli, standart və daha çox siyasi xarakter daşıyan hesabat ortaya qoyublar. Bu da haqqlı olaraq Azərbaycanda hər kəsin narazılığına səbəb olub".

Bu fikirləri "Ölkə.Az"a açıqlamasında Ana Vətən Partiyasının sədri, Milli Məclisin deputatı Fəzail Ağamalı bildirib. F.Ağamalı deyib ki, ATƏT-in Demokratik Təsisatlar və İnsan Haqqları Bürosunun təmsilçilərinin qərəzli bəyanatı həm də seçki prosesində iştirak edən namizədlərin, siyasi partiyaların, jurnalistlərin və Mərkəzi Seçki Komissiyasının haqlı narazılığına səbəb olub:

 "ATƏT-in Demokratik Təsisatlar və İnsan Haqqları Bürosu hər zaman Azərbaycana qarşı qərəzli mövqe nümayiş etdirib. Biz onlarla əməkdaşlığa son qoymalıyıq. Çünki ATƏT-in Demokratik Təsisatlar və İnsan Haqqları Bürosunu ədalətə çağırmağımız, obyektiv şəkildə aparılan seçki proseslərinə cəlb etməyimiz artıq mümkün deyil. Görünən reallıq odur ki, ATƏT-in Demokratik Təsisatlar və İnsan Haqqları Bürosunun fəaliyyətində anti-Azərbaycan qüvvələri xüsusi yer tutur. Onların içərisində isə ermənilər üstünlük təşkil edir. Ona görə də belə bir qurumla əməkdaşlığa ehtiyac olmadığını düşünürəm. Hesab edirəm ki, Mərkəzi Seçki Komissiyası bununla bağlı birmənalı qərar qəbul etməlidir".

Deputat qeyd edib ki, ATƏT-in Demokratik Təsisatlar və İnsan Haqqları Bürosunun Azərbaycana qarşı qərəzli münasibəti uzun illərdən bəri ortadadır:
 "Onlar hər zaman Azərbaycana qarşı böhtan xarakteri daşıyan və həqiqəti əks etdirməyən bəyanatlar hazırlayaraq, Bakıya səfər edirlər. Seçki başa çatandan sonra isə hazırlamış olduqları şablon bəyanatı gündəliyə gətirirlər. Bununla da öz missiyalarını bitmiş hesab edirlər. Çox təəssüf ki, ATƏT-in Demokratik Təsisatlar və İnsan Haqqları Bürosunun fəaliyyəti bu dəfə də eyni oldu". 

F.Ağamalı əlavə edib ki, aprelin 11-də Azərbaycanda keçirilən prezident seçkiləri olduqca mükəmməl və şəffaf olub:

"Seçki prosesinin bütün mərhələrində seçkilərə yüksək hazırlıq var idi. Azərbaycan qanunvericiliyinə uyğun olan bütün müddüəlar nəzərə alınmışdı və seçkilərin demokratik və şəffaf keçirilməsi üçün tam hazır vəziyyətə gətirilmişdi. Seçkilərin bütün mərhələləri Avropa standartlarına uyğun idi". Xatırladaq ki, Milli Məclisin deputatı Arif Rəhimzadə də ATƏT-lə əməkdaşlığın dayandırılamsını istəyib. 

Vasif Həsənli 
Ölkə.Az

ŞƏRH YAZ
0

Kasprşik Paşinyanla Dağlıq Qarabağ münaqişəsini müzakirə edib

Kasprşik Paşinyanla Dağlıq Qarabağ münaqişəsini müzakirə edib
22:20
22.03.2019
272
Siyasət
A
ATƏT-in fəaliyyətdə olan sədrinin şəxsi nümayəndəsi Anjey Kasprşik cümə günü İrəvanda Ermənistanın baş naziri Nikol Paşinyan ilə görüşüb.

“Report” xəbər verir ki, bu barədə Ermənistan hökumətinin mətbuat xidməti məlumat yayıb.

Tərəflər görüş zamanı Dağlıq Qarabağ münaqişəsinin nzamlanması prosesini müzakirə ediblər. Görüşdə qarşılıqlı etimad mühitinin yaradılması və sülh yolu ilə həll üçün zəruri addımların atılması məsələsinin əhəmiyyəti qeyd olunub.

Ölkə.Az

ŞƏRH YAZ
0

Məmmədyarov Argentina parlamentində görüşlər keçirdi

Məmmədyarov Argentina parlamentində görüşlər keçirdi
13:31
22.03.2019
338
Siyasət
A
Azərbaycan xarici işlər naziri Elmar Məmmədyarov Argentina Deputatlar Palatasının sədri, deputat Emilio Monzo ilə görüşüb.

XİN-dən "Ölkə.Az"a verilən məlumata görə, görüşdə Azərbaycan və Argentina arasında ikitərəfli münasibətlərin müxtəlif aspektləri, həmçinin parlamentlərarası əlaqələrin daha da dərinləşdirilməsinə dair fikir mübadiləsi aparılıb. 

Hər iki ölkənin qanunverici orqanında dostluq qruplarının fəaliyyət göstərdiyi qeyd edilərək parlament üzvlərindən ibarət nümayəndə heyətlərinin qarşılıqlı səfərlərinin əməkdaşlıq imkanlarının araşdırılması baxımından faydalı ola biləcəyi vurğulanıb.

Azərbaycan və Argentina arasında münasibətlərin daha da inkişaf etdirilməsi üçün geniş potensialın olduğunu vurğulayan nazir Argentinaya səfərinin iqtisadi-ticari əlaqə və mübadilənin gücləndirilməsinə töhvə verəcəyinə ümidvar olduğunu bildirib. O həmçinin qarşı tərəfə Azərbaycanın iqtisadiyyat və ticarət üzrə strategiyasının əsas aspektləri barəsində məlumat verərək energetika, nəqliyyat, infrastruktur, kənd təsərrüfatı və turizm sahəsinin bu strategiyanın əsas istiqamətləri olduğunu bildirib.

Görüşdən sonra Argentina Deputatlar Palatasında Azərbaycan-Argentina Parlamentlərarası Dostluq Qrupunun sədri Hektor Olivares və qrupun üzvləri, həmçinin Palatanın Xarici işlər və etiqad komissiyasının sədri Kornelia Şmit ilə keçirilmiş görüşdə, əsasən, iqtisadiyyat, kənd təsərrüfatı və sərmayə qoyuluşu sahəsində münasibətlərin irəlilədilməsi üçün geniş potensialın olduğu, bu xüsusda, iş adamları arasında birbaşa təmasların yaradılmasının vacibliyi qeyd edilib.

Elmar Məmmədyarov həmçinin Argentina Senatının müvəqqəti sədri Federiko Pinedo ilə görüşüb. F.Pinedo Azərbaycana səfərini məmnunluqla xatırlayaraq ölkəmiz və xalqımız haqqında xoş təəssüratlarını bölüşüb. Görüşdə ikitərəfli münasibətlərin gündəliyində duran məsələlər müzakirə edilib və ikitərəfli münasibətlərin möhkəmləndirilməsində parlamentlərarası əlaqələrin önəmi qeyd olunub.

Ölkə.Az

ŞƏRH YAZ
0
BAĞLA