Daha bir deputatdan rus dili açıqlaması: “Rus dilini bilmək altı qulağın olmaq deməkdir”

Daha bir deputatdan rus dili açıqlaması: “Rus dilini bilmək altı qulağın olmaq deməkdir”
16:38
17.06.2017
60
Siyasət
A
Milli Məclisin İntizam komissiyasının sədri, deputat-professor Ağacan Abıyev deputat həmkarı Arif Rəhimzadənin son müsahibəsi zamanı rus dili ilə bağlı səsləndirdiyi fikirlərə münasibət bildirib.

A.Abıyev “Ölkə.Az”-a açıqlamasında deyib ki, rus dili Azərbaycanın dünyaya yox, Rusiyaya çıxışına imkanlar yaradır:

“Bu gün mən rus dilində gedib Fransada danışa bilmərəm. Rus dili ilə ancaq rusdilli ölkələrdə danışmaq olur. Dünyaya çıxış üçün ilk növbədə ingilis dilini bilmək lazımdır. Ümumiyyətlə, bacaran insan həm Azərbaycan, həm ingilis, həm rus, həm də digər dilləri bilsə daha yaxşı olar. Ancaq ilk növbədə öz doğma dilini bilmək əsas şərtdir. Sonra isə rus və ingilis dillərini bilmək lazımdır. Əgər bu gün övladlarımız ingilis dilini bilirsə, bu onların yüksək bacarığıdır. Bilirsiniz, biri var ki, adamın iki qulağı olsun, həmin qulaqlarla eşitsin. Biri də var ki, adamın altı qulağı olsun və həmin qulaqlarla daha çox ünsiyyət saxlayıb eşitsin. Rus, ingilis dilini bilmək altı qulağın olmaq deməkdir. Belə olanda, daha çox dünya görüşün, informasiya almaq bacarığın olacaq”.

Rusiyanın təhsil və elm naziri Olqa Vasilyevanın MDB məkanında vahid kiril əlifbasına keçməklə bağlı çağırışına da toxunan A.Abıyev qeyd edib ki, Rusiya uzun illərdir kiril əlifbası ilə işləyir: 

“Azərbaycan isə həm kiril, həm də latın əlifbasını bilir. Bu baxımdan da bizim imkanımız var ki, ruslarla kiril əlifbası ilə yazışaq. Ancaq hesab edirəm ki, indi Azərbaycanda mövcud əlifbanı dəyişməyə ehtiyac yoxdur. Mən kiril əlifbasının tətbiqinin əleyhinəyəm. Azərbaycan artıq 20 ildir ki, latın əlifbası ilə işləyir. Eyni zamanda biz kiril əlifbasında da yaza bilirik. Azərbaycan əhalisinin əksəriyyəti rus dilində də danışmağı bacarır. Ancaq bu o demək deyil ki, biz mövcud əlifbamızı dəyişməliyik. Xeyr, buna ehtiyac yoxdur. Hesab edirəm ki, Azərbaycan üçün latın əlifbası daha yaxşıdır. Çünki biz ingilis dilini də latın əlifbası ilə daha yaxşı öyrənirik”.

Professor Azərbaycanda tez-tez əlifbanının dəyişdirilməsinə qarşı olduğunu söyləyib:

“Mənim qəti fikrim odur ki, bu camaatın üzərində eksperiment aparmaq daha bəs edər. Azərbaycan tarixində tez-tez əlifba dəyişdirilib. Hazırkı əlifbamız ən məqsədə uyğunudur. Ona görə də daha əlifba dəyişməyə ehtiyac yoxdur. Ümumiyyətlə, nəyisə dəyişdirəndə əvvəlcə onun modelini yaradıb dəyişmək lazımdır ki, görək uğurlu olur, yoxsa yox”.

A.Abıyev vurğulayıb ki, rus dilli təbəqənin digər insanlardan daha çox savadlı olması barədə səsləndirilən bəzi fikirlər isə düzgün deyil:

“Əgər kim öz dilində savadlıdırsa, deməli o buna layiqdir. Yoxsa ki, savad dillə, irqlə olmur. Hər hansı bir bilikləri, məlumatları biz həm rus, həm Azərbaycan, həm də ingilis dillərində əldə edə bilirik. Burada dil amili rol oynamır. Əgər kimsə ağıllıdırsa, bunun onun dili ilə əlaqəsi yoxdur”. 
Xatırladaq ki, Milli Məclisin deputatı və regional məsələlər komitəsinin sədri, Yeni Azərbaycan Partiyası Siyasi Şurasının və İdarə Heyətinin üzvü, keçmiş dövlət müşaviri Arif Rəhimzadə “Ölkə.Az”-a müsahibəsində bildirib ki, Azərbaycan dünyaya daha çox rus dili vasitəsi ilə çıxmalıdır. 

Vasif Həsənli
Ölkə.Az

ŞƏRH YAZ
0

Prezident rus millət vəkillərini qəbul etdi

Prezident rus millət vəkillərini qəbul etdi
10:58
Bu gün
31
Siyasət
A
Prezident İlham Əliyev Rusiya Dövlət Dumasının nümayəndə heyətini qəbul edib.

"Ölkə.Az" xəbər verir ki, Azərbaycan Prezidenti İlham Əliyev dekabrın 11-də Rusiya Federasiyası Dövlət Dumasının MDB məsələləri, Avrasiya inteqrasiyası və həmvətənlərlə iş üzrə komitəsinin sədri Leonid Kalaşnikovun başçılıq etdiyi nümayəndə heyətini qəbul edib.

ŞƏRH YAZ
0

DİN-in Əlahiddə Çevik Polis Alayında ulu öndər anıldı

DİN-in Əlahiddə Çevik Polis Alayında ulu öndər anıldı
19:05
09.12.2017
6499
Siyasət
A
DİN-in Əlahiddə Çevik Polis Alayında müstəqil Azərbaycan dövlətinin qurucusu və memarı, görkəmli dövlət xadimi Heydər Əliyevin anım günü ilə əlaqədar tədbir keçirilib.

DİN-in Mətbuat xidmətindən "Ölkə.Az"- a verilən məlumata görə, tədbirin əvvəlində ümummilli lider Heydər Əliyevin xatirəsi bir dəqiqəlik sükutla yad edilib.

Alay komandiri, polis general-mayoru Zaur Abdullayev ulu öndərin müasir Azərbaycan dövlətinin qurulmasında müstəsna xidmətindən söz açaraq bildirib ki, ümummilli lider xalqın ardıcıl çağırışları və iradəsi ilə böyük siyasətə Azərbaycanın yenidən bərpa olunan müstəqilliyinin böyük təhlükə ilə üz-üzə qaldığı dönəmdə qayıtdı: "Dahi rəhbərin siyasi zəkasının və sarsılmaz qətiyyətinin sayəsində ölkəmiz parçalanmaqdan, xaosdan, vətəndaş müharibəsindən qurtuldu. Müasir Azərbaycan dövlətinin memarı olan ulu öndərimiz dövlətimizin iqtisadiyyatını dirçəltdi, ölkənin gələcək yüksəlişini təmin edəcək neft müqavilələrinin bağlanmasına nail oldu. Eyni zamanda Azərbaycanın balanslaşdırılmış xarici siyasətin təməlini qurdu, beynəlxalq nüfuzunun artmasını təmin etdi. Müasir, güclü, tərəqqi edən Azərbaycan dövləti Heydər Əliyevin ömrünün mənası, onun şah əsəridir".

Bakı Dövlət Universitetinin Tarix fakültəsinin professoru Nuru Məmmədov deyib ki, ümummilli lider Heydər Əliyevin mənalı ömrü xalqa xidmət, Vətənə məhəbbət nümunəsidir: "Xalqımızın ulu öndəri Azərbaycan dövlətçiliyinin siyasi-ideoloji əsaslarını və milli inkişaf konsepsiyasını yaradıb. Bu konsepsiya əsasında xalqımız öz həqiqi dövlət müstəqilliyinə qovuşub. Ümummilli liderimizin hələ SSRİ-nin mövcud olduğu dövrdə cəsarətlə və uzaqgörənliklə həyata keçirdiyi bu tədbirlər Azərbaycanın gələcək müstəqilliyinin və xalqımızın firavan həyatının möhkəm təməlini yaradıb. Ötən əsrin 90-cı illərində xalqımızın böyük oğlunun siyasi arenadan uzaqlaşması ilə Azərbaycanın ağır və çətinliklərlə dolu dövrü başlayıb". O qeyd edib ki, 1993-cü il iyunun 15-də ümummilli liderimizin respublikamızda ali hakimiyyətə qayıdışı müstəqil Azərbaycanın dövlətçilik tarixinin şanlı səhifəsini təşkil edir. Bu qayıdışla xalqımız müstəqil dövlətçiliyini itirmək təhlükəsindən xilas olub. Professor diqqətə çatdırıb ki, ölkəmizin tarixinə sabitlik və inkişaf dövrü kimi daxil olan 1993-2003-cü illər ərzində Heydər Əliyev tərəfindən müstəqil dövlətçiliyimizin ideoloji əsasları yaradılıb, Azərbaycançılıq məfkurəsi formalaşdırılıb, bazar iqtisadiyyatı prinsiplərinə əsaslanan yeni iqtisadi münasibətlər bərqərar olub. Azərbaycan Respublikasının yeni Konstitusiyasının qəbul edilməklə hüquqi dövlət quruculuğu yolunda inamlı addımlar atılıb, demokratik və ümumbəşəri dəyərlərə əsaslanan vətəndaş cəmiyyətinin qurulması istiqamətində böyük işlər görülüb.

Qeyd olunub ki, görkəmli dövlət xadiminin müəyyənləşdirdiyi inkişaf xətti hazırda ölkə başçısı İlham Əliyev tərəfindən uğurla davam etdirilir. Azərbaycan öz güclü iqtisadiyyatı və daha da artan beynəlxalq nüfuzu ilə dünya dövlətləri sırasında önəmli yer tutur.

Mərasimin sonunda ulu öndərimizin həyat və siyasi fəaliyyətinə həsr olunmuş sənədli film nümayiş olunub. 

ŞƏRH YAZ
0
BAĞLA