Daha bir marketdən kassa aparatı oğurlandı
Xətai rayonunda yerləşən marketlərdən birindən oğurluq edilib.
"Ölkə.Az" xəbər verir ki, obyektə daxil olan naməlum şəxs oradan içərisində 3600 manat olan kassa aparatını oğurlayıb.
Xətai Rayon Polis İdarəsinin əməkdaşları tərəfindən həyata keçirilən əməliyyat-axtarış tədbirləri nəticəsində həmin cinayət hadisəsini törətməkdə şübhəli bilinən Biləsuvar rayon sakini İkram Quluzadə saxlanılıb. O, ifadəsində bundan başqa daha 3 marketdən oğurluq və oğurluğa cəhd etdiyini etiraf edib.
Faktla bağlı Xətai Rayon Polis İdarəsinin İstintaq Şöbəsində Cinayət Məcəlləsinin müvafiq maddəsi ilə cinayət işi başlanılıb, zəruri əməliyyat və istintaq tədbirləri davam etdirilir.
