Daha bir məşhur Prezidentə müraciət etdi — Mənzillə bağlı

Daha bir məşhur Prezidentə müraciət etdi
16:47
24.07.2019
4400
Mədəniyyət
A
Lənkəran Dövlət Dram Teatrı baş rejissoru, Əməkdar incəsənət xadimi Oruc Qurbanov mənzilə probleminə görə Prezident İlham Əliyevə müraciət edib.

Bu gün 70 yaşını qeyd edən sənətkar "Ölkə.Az"-ın əməkdaşı ilə söhbətində uzun müddətdir evsizlikdən əziyyət çəkdiyini bildirib:

“Mən bu haqda möhtərəm Prezidentimiz İlham Əliyev cənablarına müraciət etmişəm. İnşallah, inanıram ki, tezliklə problemim öz həllini tapar”.

Sənətkar əməkdaşımızın "doğum gününüzdə sizi kimlər təbrik edib" sualını belə cavablandırıb:

"Heç kimdən və heç nədən narazı deyiləm. Sağ olsunlar, həmkarlar, dostlar, digər teatrların əməkdaşları təbrik ediblər. Yəqin ki, Mədəniyyət Nazirliyindən də təbrik edən olacaq. Amma mənim əsas problemim mənzillə bağlıdır. Bakıda doğulub, böyümüşəm. Ancaq 13.5 kvadratmetrlik mənzilimiz var. Bu evdə beş nəfər yaşayırıq, iki ailə üzvüm əlildir. Bu problemlə yaradıcılıqla da normal məşğul ola bilmirəm. Əslində, mən Lənkərana mənzil prolemimə görə gəldim ki, evdə darısqallıq olmasın, bir nəfərin yeri boşalsın, bir az rahatlıq olsun".

Qeyd edək ki, Prezident İlham Əliyev son günlər bir neçə tanınmış teatr və kino adamını mənzillə mükafatlandırıb. 

Vüsalə Balayeva
Ölkə.Az

ŞƏRH YAZ
0

Habil Əliyev kamança ilə AĞLAYARAQ VİDALAŞIBMIŞ — VİDEO

Habil Əliyev kamança ilə AĞLAYARAQ VİDALAŞIBMIŞ
22:31
17.08.2019
1279
Mədəniyyət
A
Xalq artisti Habil Əliyevin vida konsertindən görüntülər yayılıb.

"Ölkə.Az" xəbər verir ki, əfsanəvi sənətkar ölümündən bir neçə il öncə Təbrizdə vida konserti ilə çıxış edibmiş.

Konsertin sonunda sevimli aləti ilə vidalaşdığını deyən ustad, göz yaşlarını saxlaya bilmir. Habil Əliyevin çıxışı tamaşaçıları da göz yaşlarına boğur.

Qeyd edək ki, Habil Əliyev 1927-ci ilin 28 may tarixində Ağdaşda dünyaya gəlib. Azərbaycan tarixinin ən önəmli musiqiçilərindən olan Habil Əliyev 2015-ci ilin sentyabrında vəfat edib.

Ölkə.Az

ŞƏRH YAZ
0

Mehriban Əliyevadan Maqomayevlə bağlı paylaşım

Mehriban Əliyevadan Maqomayevlə bağlı paylaşım
21:46
17.08.2019
795
Mədəniyyət
A
“Yeganə, təkrarolunmaz, dahi Müslüm Maqomayev”.

“Ölkə.Az” xəbər verir ki, Azərbaycan Respublikasının Birinci vitse-prezidenti Mehriban Əliyeva öz "Instagram" hesabında dünya şöhrətli Müslüm Maqomayevi bu sözlərlə anıb.

Qeyd edək ki, bu gün SSRİ-nin və Azərbaycanın Xalq artisti Müslüm Maqomayevin anadan olmasının 77-ci ildönümüdür.

Ölkə.Az

ŞƏRH YAZ
0
BAĞLA