KORONAVİRUSA YOLUXANLARIN SAYI - CANLI STATİSTİKA

Daha bir pəhləvanımız medal qazandı

Daha bir pəhləvanımız medal qazandı
21:47
14.08.2019
1768
İdman
A
Estoniyanın paytaxtı Tallində gənc güləşçilər arasında dünya çempionatı davam edir.

"Ölkə.Az" Güləş Federasiyasına istinadən xəbər  verir ki, ikinci yarış günündə 61, 74, 86, 92 və 125 kq-da çıxış edən sərbəst güləşçilər mübarizə aparıb.

Əsgər Məmmədəliyev əvvəlcə İsveçrə, daha sonra isə Monqolustan təmsilçisinə vaxtından əvvəl qalib gələrək yarımfinala yüksəlib. Ancaq finalın bir addımlığında Ukraynadan olan rəqibinə uduzub. Əsgər avqustun 14-də bürünc medal uğrunda mübarizədə Rusiya güləşçisiylə də bacarmayıb.

Hacımurad Hacıyev gürcü və yunan həmkarlarını üstələyərək yarımfinala çıxsa da, bu mərhələdə amerikalı güləşçiylə bacarmayıb. Avqustun 14-də üçüncü yer uğrunda qarşılaşmaya çıxan Hacıyev Rusiya pəhləvanına rahat qalib gələrək dünya çempionatının bürünc medalına sahib çıxıb.

Məhəmməd Asiyatilov debütdə İran pəhləvanına müqavimət göstərə bilməyib.

Asxab Həmzətov ilk mərhələdə koreyalı, 1/8 finalda isə Cənubi Afrikadan olan pəhləvanlara göz açmağa imkan verməyib. Ancaq Balakən güləş məktəbinin yetirməsi 1/4 finalda Rusiya güləşçisinə məğlub olub. Ancaq rəqib finala yüksəldiyi üçün Həmzətov avqustun 14-də təsəlliverici görüşə çıxıb və iranlı pəhləvana uduzub.

İslam Abuyev təsnifat mərhələsində Qazaxıstan idmançısını mübarizədən kənarlaşdırsa da, hindli güləşçiyə yenilib.

61 kq
1/8 final - Əsgər Məmmədəliyev - Nino Leutert (SUİ) 10:0
1/4 final - Əsgər Məmmədəliyev - Tuqsyarqal Erdenebat (MGL) 11:0
1/2 final - Əsgər Məmmədəliyev - Andrey Celep (UKR) 5:11
Bürünc medal görüşü - Əsgər Məmmədəliyev - Alik Xadartsov (RUS) 0:6

74 kq
1/8 final - Hacımurad Hacıyev - Qoqa Mamiauri (GEO) 7:2
1/4 final - Hacımurad Hacıyev - Georgios Kuqiumtsidis (GRE) 12:2
1/2 final - Hacımurad Hacıyev - David Aaron Karr (USA) 0:10
Bürünc medal görüşü - Hacımurad Hacıyev - Devid Betanov (RUS) 7:0

86 kq
Təsnifat - Məhəmməd Asiyatilov - Səccad Səid Həbibiehsani (İRİ) 0:10

92 kq
Təsnifat - Asxab Həmzətov - Vonvi Çoi (KOR) 11:0
1/8 final - Asxab Həmzətov - Maykl Cons Grobler (RSA) 10:0
1/4 final - Asxab Həmzətov - Alan Baqayev (RUS) 1:3
Təsəlliverici görüş - Asxab Həmzətov - Əli Rza Abbasəli Abdullahi (İRİ) 0:4

125 kq
Təsnifat - İslam Abuyev - Bakdaulet Osserbay (KAZ) 2:0
1/8 final - İslam Abuyev - Vişal Vişal (İND) 1:5

Ölkə.Az

ŞƏRH YAZ
0

Viktor Valdes baş məşqçi oldu

Viktor Valdes baş məşqçi oldu
11:27
29.05.2020
1345
İdman
A
İspaniyanın "Barselona" klubunun sabiq qapıçısı Viktor Valdes "Horta" komandasının baş məşqçisi olub.

"Ölkə.Az" report-a istinadən xəbər verir ki, 38 yaşlı keçmiş qolkiper növbəti mövsümdən 4-cü liqa təmsilçisinə rəhbərlik edəcək. 

Qeyd edək ki, Viktor Valdes 2017-ci ildə karyerasını başa vurub. O, 2019-cu ildən "Barselona"nın gənclər komandasında işləyib. Təcrübəli qapıçı 6 dəfə İspaniya La Liqasının, 3 dəfə isə UEFA Çempionlar Liqasının qalibi olub. Valdes İspaniya millisi ilə 2010-cu ildə dünya, 2012-ci ildə isə Avropa çempionatında qızıl medal qazanıb. 

1922-ci ildə təsis edilən "Horta" klubu Kataloniyada yerləşir. Komandanın ən böyük uğuru 1952-ci ildən 1959-cu ilədək İspaniyanın 3-cü liqasında çıxış etməsidir.

Ölkə.Az

ŞƏRH YAZ
0

Tarix açıqlandı: İyulun 5-də...

Tarix açıqlandı: İyulun 5-də...
17:02
28.05.2020
4819
İdman
A
“Formula-1” üzrə dünya çempionatı Qran-Prilərinin yeni təqvimi açıqlanıb.

"Ölkə.Az"ın xəbərinə görə, koronavirus pandemiyası səbəbindən dayandırılan və ləğv edilən yarışın iyulun əvvəllərində startı planlaşdırılır.

İlk olaraq iyulun 5-də və 12-də Avstriya Qran-Prisi keçirilməlidir. Yarışın Azərbaycan mərhələsi sentyabrın 20-də baş tutacaq. Əvvəlcə həmin tarixdə Bakıda yalnız "Formula-2"nin keçiriləcəyi dəqiqləşmişdisə, təşkilatçılar artıq “Formula-1”in də həmin vaxt ölkəmizdə baş tutmasını nəzərdə tutur.

Dünya çempionatının Avropa bölümünün yekun təqviminin iyunun 1-də açıqlanması gözlənilir. Hazırkı duruma əsasən təqvim aşağıdakı kimi formalaşıb:

5 iyul – Avstriya

12 iyul – Avstriya

19 iyul - Macarıstan

2 avqust – Böyük Britaniya

9 avqust – Böyük Britaniya

16 avqust – İspaniya

30 avqust – Belçika

6 sentyabr – İtaliya

20 sentyabr – Azərbaycan

27 sentyabr – Rusiya

4 oktyabr - Çin

11 oktyabr - Yaponiya

25 oktyabr - ABŞ

1 noyabr - Meksika

8 noyabr - Braziliya

22 noyabr - Vyetnam

29 noyabr – Bəhreyn

6 dekabr - Bəhreyn

13 dekabr – BƏƏ.

Qeyd edək ki, əvvəlki mərhələlər, o cümlədən Azərbaycan Qran-Prisi koronavirus səbəbindən baş tutmayıb. Bəzi yarışlar ləğv edilib, bəziləri təxirə salınıb. (Apasport)

ŞƏRH YAZ
0
BAĞLA