Daha bir xəstə həkim səhvinin qurbanı olub — VİDEO

Daha bir xəstə həkim səhvinin qurbanı olub
21:00
17.07.2017
23
Hadisə
A
Daha bir xəstə səhv əməliyyat olunduğunu iddia edir. Əməliyyatdan sonra xəstənin ayağı daha da pisləşib.

Ölkə.Az bildirir ki, damar genişlənməsi şikayəti ilə xəstəxanaya gedib, ancaq səhv əməliyyat ucbatından aylardır şəfa tapa bilmir.

Hadisə 53 yaşlı Şölə Quliyevanın başına gəlib. O, uzun illər varikoz kimi tanınan damar genişlənməsindən əziyyət çəkib və ötən ilin noyabr ayında Xüsusiləşdirilmiş Angioloji Mərkəzdə ayağını əməliyyat etdirib. Düz 2 ay xəstəxanada yatdıqdan sonra evə göndərilib.

Yenə həkimə müraciət edib. Bu dəfə də yarada qalan bint və ya sap çıxarılıb. Amma xəstənin ayağı sağalmaq əvəzinə hər gün daha da pisləşib. Məcburən Şölə Quliyeva müayinə üçün başqa özəl bir xəstəxanaya müraciət edib. Həmin xəstəxanadan əməliyyatın səhv edildiyi bildirilib.

Xəstəni Angioloji Mərkəzdə həkim Azər Şəmsəddinski əməliyyat edib. İddia ilə bağlı suallarımızı Azər Şəmsəddinskiyə ünvanlamaq istədik, amma cəhdlərimiz boşa çıxdı. Çünki onun telefonuna zəng çatmadı.

Angioloji Mərkəzin şöbə müdiri Vəli Nəsibov isə əməliyyatın səhv olduğunu eşidəndə təəccübləndi və mərkəzin indiki baş həkimi ilə əlaqə saxlamağımızı söylədi.

Gəldik, amma bizi xəstəxanaya buraxmadılar və baş həkim Yunis Eyyubovun bizi yalnız iş saatında qəbul edə biləcəyi deyildi. Biz isə xəstaxanaya çatanda saat 15:56 idi. Məsələ ilə bağlı Səhiyyə Nazirliyinə də müraciət etdik. Nazirlikdən deyildi ki, xəstə Səhiyyə Nazirliyinə rəsmi müraciət etməlidir və komissiya tərəfindən araşdırma aparılmalıdır. /xezerxeber.az

 

ŞƏRH YAZ
0

Bakıda yaşlı qadını maşın vurub

Bakıda yaşlı qadını maşın vurub
00:45
Bu gün
136
Hadisə
A
Bakının Binəqədi rayonunda piyadanının vurulması ilə nəticələnən yol-nəqliyyat hadisəsi baş verib.

“Ölkə.Az” “Report”a istinadən xəbər verir ki, 1961-ci il təvəllüdlü Səfərəliyeva Məlahət Vəkil qızı Biləcəri qəsəbəsində yolu keçmək istəyən zaman onu "Mercedes" markalı minik avtomobili vurub.

Yaralı 1 saylı Kliniki Tibbi Mərkəzə yerləşdirilib. Qadının vəziyyəti ağırdır. Hadisə barəsində Binəqədi Rayon Polis İdarəsinə məlumat verilib.

Ölkə.Az

ŞƏRH YAZ
0

Abşeronda qadın bələdiyyə sədrini amansızlıqla öldürən şəxsin qardaşı qətl törədib

Abşeronda qadın bələdiyyə sədrini amansızlıqla öldürən şəxsin qardaşı qətl törədib
00:23
Bu gün
216
Hadisə
A
Abşeron rayonunun Saray qəsəbəsində qətl hadisəsi baş verib.

“Ölkə.Az”Report”a istinadən xəbər verir ki, 1963-cü il təvəllüdlü Saray qəsəbə sakini Muğan Əfqan oğlu Salikov öz həmyerlisi "Kürd Vüqar" ləqəbli şəxs tərəfindən qəsəbədəki "Qatar" restoranında vəhşicəsinə döyülüb, onunla gələn bir neçə nəfərin hücumuna məruz qalıb.

Yaralı Sumqayıt şəhər Təcili Tibbi Yardım Xəstəxanasının zədə məntəqəsinə çatdırılıb. Ancaq onun vəziyyəti ağır olduğundan Reanimasiya şöbəsinə yerləşdirilib. Həkimlərin səylərinə baxmayaraq, yaralı komaya düşdükdən sonra ayılmayıb. Onun meyiti morqa yerləşdirilib. Muğan Salikovla "Kürd Vüqar" arasında əvvəllər də ədavətin olduğu bildirilir.

2015-ci ilin iyun ayında Abşeron rayonunun Saray qəsəbəsində yaşayan qəsəbə bələdiyyəsinin sədri, 1976-cı il təvəllüdü Vəsilə Əbdilhəsənova və onun həyat yoldaşı, 1976-cı il təvəllüdlü Vəfadar Əbdilhəsənov evlərində qətlə yetirilib. Onların boğazında və bədəninin bir neçə nahiyəsində bıçaq xəsarətləri olub. Hadisəni törətməkdə şübhəli sayılan 1980-cı il təvəllüdlü Fədail Güloğlan oğlu Hüseynov polisin keçirdiyi əməliyyat nəticəsində saxlanılıb. Eyni zamanda həmin vaxt hadisəni törətməkdə şübhəli bilinən Vüqar Hüseynov adlı şəxs də tutulub. O, bundan əvvəl tutulmuş 1980-ci il təvəllüdlü Fədail Güloğlan oğlu Hüseynovun qardaşıdır. V.Hüseynov ifadəsinin alınması üçün Abşeron Rayon Prokurorluğuna aparılıb. Onun baş verən cinayətdə əlinin olub-olmaması araşdırılır. Fədail, Vüqar və Nuru Hüseynov qardaşları Abşeron rayon Saray qəsəbəsində ev və torpaq alqı-satqısı ilə məşğul olub və bələdiyyə sədri V.Əbilhəsənovanın yaxın adamları kimi tanınıb. Hadisə zamanı V.Əbilhəsənova və onun həyat yoldaşı qətlə yetiriləndən sonra evdən pul və heç bir qiymətli əşyalar oğurlanmayıb.

Faktla bağlı araşdırma aparılır.

Ölkə.Az

ŞƏRH YAZ
0
BAĞLA