Daha iki qurumun işçilərinin maaşı artırıldı

Daha iki qurumun işçilərinin maaşı artırıldı
12:49
13.08.2019
8189
İqtisadiyyat
A
Dini Qurumlarla İş üzrə Dövlət Komitəsinin tabeliyində Mənəvi Dəyərlərin Təbliği Fondunun işçilərinin aylıq vəzifə maaşları “Dövlət büdcəsindən maliyyələşən bir sıra təşkilatlarda çalışan işçilərin aylıq vəzifə maaşları haqqında” qərarla tənzimlənəcək.

"Ölkə.Az"ın məlumatına görə, Nazirlər Kabineti bununla bağlı “Dövlət büdcəsindən maliyyələşən bir sıra təşkilatlarda çalışan işçilərin aylıq vəzifə maaşları haqqında” və “Mənəvi Dəyərlərin Təbliği Fondunun işçilərinin say həddinin müəyyən edilməsi və aylıq vəzifə maaşlarının təsdiq edilməsi barədə” qərarlara müvafiq dəyişiklik edib. 

Eyni zamanda “Dövlət büdcəsindən maliyyələşən bir sıra təşkilatlarda çalışan işçilərin aylıq vəzifə maaşları haqqında” qərara edilən dəyişikliyə əsasən, Mənəvi Dəyərlərin Təbliği Fondunun işçilərinin aylıq vəzifə maaşları artırılıb. 

Beləliklə, Mənəvi Dəyərlərin Təbliği Fondunun icraçı direktorunun maaşı 1265 manatdan 1710 manata, icraçı direktorun müavininin maaşı 985 manatdan 1380 manata, şöbə müdiri və baş mühasibin maaşı 649 manatdan 910 manata, baş məsləhətçinin maaşı 451 manatdan 630 manata, aparıcı məsləhətçinin maaşı 429 manatdan 600 manata, məsləhətçinin maaşı 418 manatdan 585 manata, kargüzarlıq və arxiv işinin aparılması üzrə mütəxəssisin maaşı 220 manatdan 340 manata, sürücünün maaşı 242 manatdan 320 manata, xadimənin maaşı 180 manatdan 260 manata qaldırılıb. 

Digər dəyişikliyə əsasən, Mənəvi Dəyərlərin Təbliği Fondunun işçilərinin aylıq vəzifə maaşlarına elmlər doktoru elmi dərəcəsi üzrə 100 manat, fəlsəfə doktoru elmi dərəcəsi üzrə 60 manat əlavələr də ödəniləcək. 

Bundan başqa Bakı Beynəlxalq Multikulturalizm Mərkəzinin işçilərinin aylıq vəzifə maaşları artırılıb. 

ŞƏRH YAZ
0

SOCAR və “LUKoil” arasında əməkdaşlıq memorandumu imzalanıb

SOCAR və “LUKoil” arasında əməkdaşlıq memorandumu imzalanıb
21:27
22.01.2020
426
İqtisadiyyat
A
Bu gün İsveçrənin Davos şəhərində Dünya İqtisadi Forumu çərçivəsində Azərbaycan Dövlət Neft Şirkətinin (SOCAR) prezidenti Rövnəq Abdullayev ilə “LUKoil” şirkətinin prezidenti Vahid Ələkbərov arasında görüş keçirilib.

"Ölkə.Az" report-a istinadən xəbər verir ki, görüşdə bir sıra maraq doğuran məsələlər müzakirə edilib. 

Görüşün yekununda SOCAR və “LUKoil” şirkətləri arasında bir sıra sahələrdə qarşılıqlı əməkdaşlığı özündə ehtiva edən memorandum imzalanıb.

Ölkə.Az

ŞƏRH YAZ
0

Davosda "Azəri-Çıraq-Günəşli" müzakirə edildi

Davosda
20:41
22.01.2020
402
İqtisadiyyat
A
Azərbaycan Respublikasının Prezidenti İlham Əliyev yanvarın 22-də Davosda BP şirkətinin baş icraçı direktoru Robert Dadli ilə görüşüb.

"Ölkə.Az" xəbər verir ki, görüşdə TANAP layihəsinin artıq istifadəyə verildiyi, TAP-ın isə bu ilin axırınadək hazır olacağı qeyd edilib.

Söhbət zamanı "Azəri-Çıraq-Günəşli" yataqlar blokunun işlənilməsinin növbəti mərhələsi üzrə yeni layihəyə dair müzakirələr aparılıb. Prezident İlham Əliyev bunun çox mühüm layihə olduğunu bildirib.

Dövlətimizin başçısı bu ilin fevralında Bakıda “Cənub Qaz Dəhlizi” Məşvərət Şurasının nazirlər səviyyəsində görüşünün keçiriləcəyini qeyd edib.

Robert Dadli BP-nin öz fəaliyyətində ətraf mühitin qorunmasına daha böyük əhəmiyyət verəcəyini deyib.

Ölkə.Az

ŞƏRH YAZ
0
BAĞLA