Daha üç kəndə qaz verildi

Daha üç kəndə qaz verildi
20:00
25.06.2019
2449
Ölkə
A
Bu gün - Silahlı Qüvvələr Günü ərəfəsində Gədəbəy rayonunun Yenikənd, Çobankənd və Köhnəqışlaq kəndlərinə təbii qaz verilib.

“Azəriqaz”dan "Ölkə.Az"a verilən məlumata görə, bu məqsədlə keçirilən tədbirdə rayon icra hakimiyyətinin və “Azəriqaz”ın təmsilçiləri, ictimaiyyət nümayəndələri iştirak ediblər. Bildirilib ki, ümumilikdə, 521 fərdi evdən ibarət kəndlərin qazlaşdırılması üçün birpilləli sistem əsasında ümumi uzunluğu 44 016 metr müxtəlif diametrli polad borularla daşıyıcı və paylayıcı qaz xətləri çəkilib, mənzillərə sayğac və fərdi tənzimləyici quraşdırılıb. 

Qeyd edək ki, Azərbaycan Dövlət Neft Şirkətinin (SOCAR) “Azəriqaz” İstehsalat Birliyi tərəfindən cari ildə də ucqar kəndlərin qazlaşdırılması məqsədi ilə hazırlanmış qazlaşdırma proqramına uyğun olaraq, Gədəbəy rayonunun 8 yaşayış məntəqəsinin mərhələli şəkildə qazlaşdırılması nəzərdə tutulub. 

Dağlıq relyef olduğundan texnikanın çətinliklə işlədiyi ərazilərdə, qaz borularını işçilərin əlləri ilə həmin ərazilərə daşınması, hava şəraitinin qeyri-sabit yağıntılı keçməsinə baxmayaraq, artıq görülən işlər tamamlanaraq yaşayış məntəqələrinə sayğac quraşdırma işləri aparılıb. 

Hazırda Gədəbəy rayonunun Qurudərə və Sarıköynək kəndlərində qazlaşdırma işləri aparılır, Novoivanovka, Çiçəkli, həmçinin Şahdağ kəndlərində isə tikinti-quraşdırma işləri yekunlaşdırılaraq istismara qəbul mərhələsindədir. Tezliklə təbii qazın verilişi təmin ediləcək. 

Bildirilib ki, qeyd olunan bölgədə yerləşən kəndlərə təbii qazın verilməsi əhalinin həyat şəraitinin yaxşılaşmasına, ekologiyanın qorunmasına xidmət edir və qazlaşdırılan yaşayış sahələrində qaz şəbəkəsinin qurulmasında “bir pilləli” tənzimləmə sistemi tətbiq olunur ki, bu da hər bir abonentin fərdi qaz tənzimləyicidən istifadə etməsinə, eləcə də istehlakçılara ötürülən qazın sabit rejimdə saxlanılmasına zəmin yaradır. 

Ölkə.Az

ŞƏRH YAZ
0

Başqalarını xilas etmək istəyərkən batan tələbənin meyiti tapıldı

Başqalarını xilas etmək istəyərkən batan tələbənin meyiti tapıldı
16:44
Bu gün
1368
Ölkə
A
Dünən Qızıl Qum çimərliyində boğulan Fərman İsaqovun meyiti tapılıb.

Bu barədə "Ölkə.Az"a Fövqəladə Hallar Nazirliyindən məlumat verilib. 

Qeyd edək ki, Tovuz rayon sakini, 2000-ci il təvəllüdlü F.İsaqov dənizdə bir neçə nəfərin boğulduğunu görüb. Onları xilas etməyə çalışarkən özü batıb. 

O, Azərbaycan Texnologiya Universitetinin üçüncü kurs tələbəsi olub.

Ölkə.Az

ŞƏRH YAZ
0

Bu qadın 20 ildir küçədə yaşayır: — Uşağı olmadığı üçün küçəyə atıblar - VİDEO

Bu qadın 20 ildir küçədə yaşayır:
15:51
Bu gün
1717
Ölkə
A
Şikarə İsayeva 20 ildir Hövsan küçələrində yaşayır.

Əslən Gədəbəy rayonundan olan qadın ailə həyatı quraraq Bakıya gəlib. Deyir ki, 16 il övladı olmadığına görə həyat yoldaşı və qohumları tərəfindən evdən qovularaq küçəyə atılıb:

“Övladım olmadığına görə ayrılmışam, çöldə qalıram. Stolların, betonun üstündə yatıram”.

Vəziyyəti o qədər acınacaqlıdır ki, artıq bir ildir bədəninə su dəymir.

Köməksiz qadın yardım üçün müəyyən qurumlara müraciət etsə də, nəticəsi olmayıb.

"Ölkə.Az" Baku TV əməkdaşlarının Ş.İsayeva haqqında hazırladığı süjeti təqdim edir:

Ölkə.Az

 

ŞƏRH YAZ
0
BAĞLA