Dalğalar 13 metrlik balina cəsədini sahilə atdı
Misirin şimalındakı İskəndəriyyə şəhərində 13 metrlik balina cəsədini dalğalar sahilə atıb.
"Ölkə.Az" xəbər verir ki, 13 metr uzunluğu olan balinanın çəkisi 3.5 tondur.
Misir mətbuatının xəbərinə əsasən, balina iki gün əvvəl ölüb. Atlantik okeandan sonra Cəbbəlütariq boğazından keçərək Aralıq dənizinə keçən balinanın cəsədini şiddətli külək Misir sahillərinə atıb.
Misirin dəniz qüvvələri balinanı muzeydə nümayiş etdirmək üçün cəsədi araşdırma stansiyasına nəql edib.
Hesabatda balinanın ölüm səbəbinə aid məlumat verilməyib.
Hikmət Həsənov
Ölkə.Az
