Damla onların cavabını verdi: "Gülməlidirlər"

"Ölkə.Az" xəbər verir ki, sənətçi "Show news"a açıqlamasında onlara güldüyünü deyib:

"Dinləmirlər, canları sağ olsun. Sevgi elə bir şeydir ki, orada məcburiyyət ola bilməz. Onlara cavab versəm, çıxıb deyəcək ki, məcburam səni sevməyə? Mən nə deyə bilərəm? Bəzən elə mövzuda danışılır ki, mən danışmağa belə utanıram ki, nə danışım? Belə vaxtlarda çarəsiz duruma düşürəm.

Onlara gülürəm, özümə deyirəm ki, bunlar məni nəyə bənzədirlər? Mən cəngəllikdəki heyvanam, o qədər qorxulu, təhlükəliyəm ki, aqresivdirlər?

"Bunun qabağına savadsızlar, uşaq-muşaqlar qaçır, ona qulaq asanın nə savadı var?" kimi ifadələri həzm edə bilmərəm. İnsanın sevənini təhqir etmək olmaz".

Qeyd edək ki, Damlanı tənqid edənlər arasında Xalq artisti Tünzalə Ağayeva, Əməkdar artist Elza Seyidcahan, Kəmalə Müzəffər, müğənni Eldar Qasımov var.