Danimarka kraliçası sevgililər günü yasa boğuldu — Əri vəfat etdi

Danimarka kraliçası sevgililər günü yasa boğuldu
09:57
14.02.2018
1165
Dünya
A
Danimarka kraliçası II Marqretenin həyat yoldaşı şahzadə Henrik vəfat edib.

"Ölkə.Az" xəbər verir ki, 84 yaşlı şahzadənin ölüm xəbərini Kral Sarayının mətbuat xidməti verib.

"Zat Aliləri şahzadə Henrik 13 fevral tarixində Fredensborq sarayında dünyasını dəyişib. Ailəsi onun yanında olub",-məlumatda belə deyilir.

Bir müddət əvvəl Henrikin vəziyyəti pisləşdiyi üçün 28 yanvar tarixində xəstəxanaya yerləşdirilmişdi. Onun sağ ağ ciyərində xoşxassəli şiş aşkar edilmişdi. Şahzadə müalicə olunmaq üçün xəstəxananın digər bölməsinə köçürülmüşdü. 2017-ci ilin payız ayından isə şahzadə demensiya xəstəliyindən əziyyət çəkir.

Kraliça II Marqrete 1940-cı ildə anadan olub. Həyat yoldaşı ilə 1960-cı illərin ortalarında İngiltərədə tanış olub. Marqrete London iqtisadiyyat məktəbində təhsil alıb. Cütlük ilk dəfə ümumi dostların kampaniyasında görüşüb. Növbəti görüş 1966-cı ilin yaz aylarında, Şotlandiyadakı toy mərasiminə təsadüf edib. Kraliça burada aşiq olduğunu anlayıb. Cütlük 1967-ci ilin yay aylarında evlənib. İki oğul, 8 nəvələri var.

Hikmət Həsənov
Ölkə.Az

ŞƏRH YAZ
0

Türkiyə ən genişmiqyaslı əməliyyatına hazırlaşır

Türkiyə ən genişmiqyaslı əməliyyatına hazırlaşır
00:55
Bu gün
322
Dünya
A
Türkiyə Silahlı Qüvvələrinin Suriyada başlayacağı hərbi əməliyyat bu ölkənin indiyə qədər keçirdiyi ən genişmiqyaslı əməliyyat ola bilər.

“Ölkə.Az” xarici KİV-ə istinadən xəbər verir ki, əməliyyat üçün 80 minədək hərbçi hazır vəziyyətə gətirilib.

Daha əvvəl, “Fərat qalxanı” və “Zeytun budağı” əməliyyatlarında müvafiq olaraq 8 minədək və 6,5 min hərbçi iştirak etmişdi.

Qeyd edək ki, 1974-cü ildə Türkiyənin Şimali Kiprdə keçirdiyi hərbi əməliyyata 40 minədək hərbçi qatılmışdı.

Ölkə.Az

ŞƏRH YAZ
0

Tbilisidə yaşayış binasında partlayış baş verib

Tbilisidə yaşayış binasında partlayış baş verib
23:31
16.01.2019
1140
Dünya
A
Gürcüstanın paytaxtı Tbilisi şəhərinin Didi Diğomi rayonunda yerləşən yaşayış binalarının birində partlayış baş verib.

“Ölkə.Az” “Report”a istinadən xəbər verir ki, partlayışa qaz sızması səbəb olub.

Nəticədə binada dağıntı baş verib, pəncərələr sınıb. Hadisə yerinə xilasedicilər, yanğınsöndürən və "təcili tibbi yardım" maşınları cəlb olunub.

Dağıntılar altında bir neçə şəxsin qaldığı bildirilir.

Ölkə.Az

ŞƏRH YAZ
0
BAĞLA