Daşkəsəndə iki avtomobil toqquşdu, sürücülər xəsarət aldı

Daşkəsəndə iki avtomobil toqquşdu, sürücülər xəsarət aldı
15:30
14.01.2018
660
Hadisə
A
Daşkəsən şəhərində 2 avtomobilin toqquşması ilə nəticələnən yol qəzası baş verib.

"Report"un Qərb bürosunun məlumatına görə, "VAZ-2107" və "VAZ-2106" markalı avtomobillərin toqquşması zamanı ikinci maşın zərbənin gücündən yol kənarına aşıb.

Qəza nəticəsində hər iki avtomobilin sürücüsü xəsarət alıb. Bunlar 1989-cu il təvəllüdlü Göygöl rayon sakini İsmayılov Seymur İsa oğlu və 1994-cü il təvəllüdlü Daşkəsən rayon sakini Həsənov İsmət Vasif oğludur. 

Hər iki yaralının vəziyyəti normaldır. Həmçinin avtomobillərə ciddi ziyan dəyib.

Hazırda ərazidə DYP əməkdaşları tərəfindən qəzanın dəqiq baş vermə səbəbləri araşdırılır.

Ölkə.Az

ŞƏRH YAZ
0

Tərtərdən Qazaxa gedərkən yolda itkin düşən qadın tapılıb — FOTO

Tərtərdən Qazaxa gedərkən yolda itkin düşən qadın tapılıb
11:56
Bu gün
332
Hadisə
A
Avqustun 7-də Tərtər rayonundan avtobusla Qazaxa gedərkən yolda naməlum şəraitdə itkin düşən qadın tapılıb.

"Ölkə.Az" Report-a istinadən xəbər verir ki, 1989 -cu il təvəllüdlü Hüseynova Könül Pünhan qızı yolda avtobusdan düşərək mağazaya getdiyini deyib, lakin geri qayıtmayıb.

Yaxınlarının bildirdiyinə görə, qadının itkin düşməsi barədə xəbəri "Report" İA-dan oxuyan şəxs onun Bərdə rayonunda olduğunu polisə məlumat verib. Rayon Polis şöbəsinin əməkdaşları qadını taparaq ailəsinə təhvil veriblər.

Qadının ruhi xəstə olduğu bildirilir.

Ölkə.Az

ŞƏRH YAZ
0

Lənkəran sakini sinəsinə dəryaz batması nəticəsində ölüb

Lənkəran sakini sinəsinə dəryaz batması nəticəsində ölüb
11:03
Bu gün
419
Hadisə
A
Lənkəran sakini bədbəxt hadisə nəticəsində dünyasını dəyişib.

"Ölkə.Az" Report-a istinadən xəbər verir ki, Lənkəran rayon Hirkan qəsəbə sakini 48 yaşlı Quliyev Teymur Aləmşah oğlu ot biçərkən ürəktutmasında yerə yıxılıb.

Yıxılarkən onun əlində olan dəryaz sinəsinə batıb. Köməksiz vəziyyətdə qalan T.Quliyev hadisə yerində keçinib. Dünyasını dəyişən T.Quliyevin epilepsiya xəstəsi olduğu bildirilir.

Hazırda hüquq-mühafizə orqanları əməkdaşları hadisə yerindədir.

Faktla bağlı rayon prokurorluğunda araşdırmalara başlanıb.

Ölkə.Az

ŞƏRH YAZ
1
BAĞLA