David Lappartyen: "Azərbaycan Prezidenti İlham Əliyevə minnətdaram"

David Lappartyen:
22:17
06.06.2018
1126
İdman
A
“Prezident İlham Əliyevlə görüşmək mənim üçün çox böyük şərəfdir. Ölkənizdə idmanın bütün növləri kimi, velosiped idmanının da inkişafına göstərilən yüksək diqqət və qayğıya görə Prezident İlham Əliyevə minnətdaram”.

"Ölkə.Az" Trend-ə istinadən xəbər verir ki, bu sözləri BMX üzrə dünya çempionatı ilə əlaqədar Bakıda olan Beynəlxalq Velosipedçilər İttifaqının (UCI) prezidenti David Lappartyen jurnalistlərə müsahibəsində deyib.

Ölkəmizə səfərə gələrkən ilk növbədə dünya çempionatının keçirildiyi Bakı Veloparkına baş çəkdiyini vurğulayan D.Lappartyen bildirib: “Nəinki Veloparkın ərazisi, ümumiyyətlə burada yaradılmış yüksək şərait, xoş atmosfer məndə çox böyük təəssürat oyatdı. Mən 2015-ci ildə ilk Avropa Oyunları zamanı burada olmuşam. O vaxtdan bu günədək trek yenidən qurulub, səviyyəsi artırılıb. Bu, bizi çox sevindirir. Bu il BMX üzrə dünya çempionatında 43 ölkədən 1500-dən çox idmançının iştirak etməsi bu idman tədbirinin uğurunun göstəricisidir. Biz dünya çempionatının yüksək səviyyədə təşkil olunduğunu müşahidə etdik. Məşqçilər, idmançılar və onların valideynləri ilə söhbətlərimizdə çempionatın yüksək səviyyədə təşkil edildiyini bildirildi”.

Beynəlxalq Velosipedçilər İttifaqının prezidenti kimi 2017-ci ilin sentyabrında fəaliyyətə başladığını vurğulayan D.Lappartyen deyib: “UCI-nin prezidenti seçildikdən sonra bir sıra mühüm tədbirlər həyata keçirmişik. İlk növbədə, milli federasiyalara dəstək göstərməyə çalışırıq. Əsas məqsədimiz bütün ölkələrdə velosiped idmanının inkişafına nail olmaqdır. Buna görə bütün ölkələri bu prosesə cəlb edəcəyik. Biz dopinqə və digər mənfi hallara qarşı amansız mübarizə aparmaqda davam edəcəyik. Əsas məqsədlərimizdən biri də velosiped idmanını əsrin idman növünə çevirməkdir”.

Ölkə.Az

ŞƏRH YAZ
0

Boksçularımız Dünya Kubokunda 1 qızıl və 2 bürünc medal qazandı

Boksçularımız Dünya Kubokunda 1 qızıl və 2 bürünc medal qazandı
21:15
Bu gün
325
İdman
A
Rusiyanın Xantı-Mansiysk şəhərində Sibirdə nefti kəşf edən həmyerlimiz Fərman Salmanovun xatirəsinə həsr olunmuş Neft Ölkələrinin XVI Dünya Kuboku keçirilib. Yarışda Azərbaycan millisinin boksçuları da güclərini yoxlayıblar.

Azərbaycan Boks Federasiyasından "Ölkə.Az"a verilən məlumata görə, təmsilçilərimizdən Məhəmməd Abdullayev turniri qızıl medalla başa vurub. Doxsan bir kiloqramdan yuxarı çəki dərəcəsində mübarizə aparan idmançımız finalda fransalı Camili Aboudo-Moindzeni 5:0 hesabı ilə məğlub edib.

Məhəmməd Abdullayevlə yanaşı, Məsud Yusifzadə (52 kq) və Rauf Rəhimov (81 kq) da fəxri kürsüdə yer alıblar. Boksçularımız yarışı üçüncü pillədə başa vurublar. Onlar yarımfinalda müvafiq olaraq, rusiyalı Bator Saqulayev (1:4) və fransalı Ntambve Qaetana (0:5) uduzublar.

Beləliklə, Neft Ölkələrinin Dünya Kubokunda 1 qızıl və 2 bürünc medal qazanan kişilərdən ibarət yığmamız komanda hesabında üçüncü yeri tutub. Ev sahibi Rusiya isə həm kişilərin, həm də qadınların mübarizəsində birinci olub. Onlar 16 ölkənin qatıldığı turnirdə 32 (10-9-13) medala yiyələniblər.

Ölkə.Az

ŞƏRH YAZ
0

İdmançılarımız üç medal qazandı

İdmançılarımız  üç medal qazandı
18:13
Bu gün
1368
İdman
A
Karate üzrə yeniyetmə və gənclərdən ibarət milli komandamız Venesiyada keçirilən ilin sonuncu liqa turnirində üç medal qazanıb.

Azərbaycan Milli Karate Federasiyasından "Ölkə.Az"a bildiriblər ki, 14-15 yaşlı yeniyetmələrin yarışında Hüseyn Məmmədli (57 kq) və Tale Yaqubov (63 kq) qızıl medal qazanıblar. Turnirdə 16-17 yaşlı idmançıların mübarizəsində isə Əminağa Quliyev (61 kq) gümüş medala sahib olub. 

Qeyd edək ki, 16-17 yaşlı gənclərdən ibarət komandamızın liderlərindən olan Polina Qurenko (53 kq) məşqlərdə zədələndiyi üçün yarışa qatıla bilməyib. 

Dünya Karate Federasiyasının (WKF) bu ildən etibarən təşkil etməyə başladığı gənclər liqası beynəlxalq turnirinin yekun yarışında 67 ölkədən 2600-dən çox karateçi mübarizə aparıb. 

Bu yarış baş məşqçi Anar Allahverdiyevin rəhbərlik etdiyi yeniyetmə və gənclərdən ibarət komandamız üçün fevralda Danimarkada keçiriləcək Avropa çempionatına hazırlıq xarakteri daşıyıb. 

Ölkə.Az

ŞƏRH YAZ
0
BAĞLA