Dayısı oğlunun arvadına tövlədə təcavüz etdi
“Ölkə.Az” xəbər verir ki, hadisə Yevlax rayonunda baş verib. Eşqin İsmayılzadə ötən ilin mayın 10-dan 11-nə keçən gecə kənd ərazisində bir neçə tanışı ilə içki məclisində olub. Səhər saat 8 radələrində sərxoş vəziyyətdə fermaya qayıdan Eşqin dayısı oğlunun arvadı Səbinənin fermanın tövləsində tək olduğunu görüb. Bu zaman Səbinənin tək olmağından istifadə edən Eşqin qadınla qeyri-təbii yolla cinsi əlaqədə olmaq məqsədilə onun üstünə cumub. Qadının müqavimət göstərdiyini görən Eşqin ona qarşı zorakılıq edib. Bu zaman qadın müxtəlif dərəcəli bədən xəsarəti alıb. Eşqin İsmayılzadə zorakılıq göstərərək, Səbinə ilə qeyri-təbii yolla cinsi əlaqədə olub. Qohumu tərəfindən təcavüzə məruz qalan qadın hüquq-mühafizə orqanlarına şikayət edib. İstintaq orqanı tərəfindən Eşqin İsmayılzadənin barəsində Cinayət Məcəlləsinin 150.1-ci (zərərçəkmiş şəxsə və ya başqa şəxslərə zor tətbiq etməklə və ya belə zor tətbiq etmə hədəsi ilə və ya zərərçəkmiş şəxsin köməksiz vəziyyətindən istifadə etməklə uşaqbazlıq və ya seksual xarakterli digər zorakılıq hərəkətləri etmə) maddəsi ilə ittiham elan edilib. Yevlax rayon Məhkəməsinin hökmü ilə Eşqin İsmayılzadə 4 il müddətinə azadlıqdan məhrum edilib. Hökmdən narazı qalan Eşqin İsmayılzadə apelyasiya şikayəti verib. Təqsirləndirilən şəxs apelyasiya şikayətində himayəsində üç azyaşlı uşağının olması, əvvəllər cinayət törətməməsi, zərərçəkmişin barışıq ərizəsi ilə müraciət etməsinin nəzərə alınmadığını bildirib. Onun şikayəti araşdırılması üçün Şəki Apelyasiya Məhkəməsinə göndərilib. Hakim İmanverdi Şükürovun sədrliyi ilə keçən prosesdə apelyasiya şikayəti araşdırıldıqdan sonra qərar elan edib. Qərara əsasən Eşqin İsmayılzadənin apelyasiya şikayəti təmin olunmayıb.
Natiq Allahverdiyev
Ölkə.Az