"Dedi "ağzını bağla" və mənə yumruq vurdu" — Ruslan Qurbanov

21:52
24.09.2017
36
İdman
A
"Qəbələ"nin futbolçusu Ruslan Qurbanov Topaz Premyer Liqanın 6-cı turunda "Neftçi" ilə oyundan (2:1) sonra komanda yoldaşı Stiven Jozef-Monrozla yaşadığı insidentdən danışıb.

Ölkə.Az qol.az-a istinadən xəbər verir ki, millimizin yarımmüdafiəçisi fransalı hücumçunun klounluq etdiyini bildirib: "Əsəbi hallar olur. Meydana daxil olarkən, Jozef-Monrozdan xahiş etdim ki, mənə ötürmə versin. Baş məşqçiyə fərqlənməyə qadir olduğumu sübut etdirmək istəyirdim. Əvəzində o, mənə ingiliscə, "Ağzını bağla" cavabını verdi. Oyun başa çatdıqdan sonra Jozef-Monroza yaxınlaşıb "Burda tək oynamırsan, kloun səhnəsi qurmaq lazım deyil. Driblinq etmək yox, cərimə meydançasına ötürmə vermək lazımdır" dedim. Əvəzində o, sifətimə zərbə vurdu. Araya girən komanda yoldaşlarımız bizi araladılar".

26 yaşlı oyunçu matçdan sonra baş məşqçi Roman Qriqorçukun ona heç nə demədiyini də əlavə edib: "Qriqorçuk bizə heç nə demədi. Paltardəyişmə otağından əşyalarımı götürdüm və çıxdım. Əsəbi halda otağı tərk etdiyim üçün baş məşqçinin Monroza nəsə deyib-demədiyini görmədim". 

ŞƏRH YAZ
0

Marselodan Ronaldu etirafı

Marselodan Ronaldu etirafı
18:30
10.12.2017
1133
İdman
A
"Real"ın müdafiəçisi Marselo La Liqanın 15-ci turunda "Sevilla" üzərində qazanılan qələbədən sonra (5:0) açıqlama verib.

Ölkə.Az goal.az-a istinadən xəbər verir ki, braziliyalı futbolçu, ilk növbədə, komanda yoldaşı Kriştianu Ronaldunun dünyanın ən yaxşısı olması barədə fikrini dəstəkləyib. 

"Mən Ronaldunun fanatıyam. Kriştianu və Messi fərqlidir. Hər birinin futbolda öz tarixi və xidmətləri var. Onlarla eyni dövrdə yaşamaq şərəfinə nail olmuşuq. Mənim üçün Ronaldu dünyanın ən yaxşı oyunçusudur. Maradona və ya Pelenin oyununu görməmişəm. Bildiyim şey Ronaldunun bənzərsiz olmasıdır. 
Marselo yanvarda səs-küylü transferlərə ehtiyac gömədiyinə də işarə vurub. 

"Biz heyətimizdən razıyıq. Yeni kimsə gəlsə, isti qarşılanacaq. Amma gənclərin oyunu da məni razı salır. Nə qədər gənc olsan da, "Real"da oynamaq yetkin futbolçu olmaq deməkdir. Klublararası Dünya çempionatından sonra "El Clasico" barədə düşünməyə başlayacağıq".

ŞƏRH YAZ
1

Dortmund "Borussiya"sının baş məşqçisi dəyişib

Dortmund
17:49
10.12.2017
674
İdman
A
Almaniyanın "Borussiya" (Dortmund) futbol komandasının baş məşqçi postunda dəyişiklik baş verib.

Ölkə.Az xəbər verir ki, "Report"un məlumatına görə, ardıcıl 8 oyun davam edən qələbəsizliyin ardından Peter Boş istefaya göndərilib.

Hollandiyalı mütəxəssisi "Köln"ün sabiq baş məşqçisi Peter Ştyoger əvəzləyib. Avstriyalı mütəxəssis və köməkçiləri ilə müqavilə 30 iyun 2018-ci ilədək nəzərdə tutulub.

Qeyd edək ki, Peter Ştyogerin ilk iş yeri elə "Köln" olub. 51 yaşlı baş məşqçi Bundesliqada 14 oyunluq qələbəsizlikdən sonra qovulub. Peter Boş isə "Borussiya"ya iyundan rəhbərlik edirdi. 54 yaşlı mütəxəssis əvvəllər Hollandiya "Ayaks"ında çalışıb.

ŞƏRH YAZ
0
BAĞLA