Dələduzluqda ittiham olunan əməkdar müəllim həbsdə qaldı

Dələduzluqda ittiham olunan əməkdar müəllim həbsdə qaldı
14:43
22.05.2018
3078
Hadisə
A
Bakı Apellyasiya Məhkəməsində dələduzluqda təqsirləndirilən 1955-ci il təvəllüdlü Nuriyyə Fərhad qızı Ağayeva barəsində olan hökmdən verilən apellyasiya şikayəti üzrə məhkəmə prosesi başa çatıb.

“Ölkə.Az”ın xəbərinə görə, hakim Həsən Əhmədovun sədrliyi ilə keçirilən sonuncu prosesdə qərar elan olunub.

Qərara əsasən, N.Ağayevanın apellyasiya şikayəti təmin edilməyib, birinci instansiya məhkəməsinin çıxardığı hökm dəyişdirilmədən qüvvədə saxlanılıb.
Qeyd edək ki, ittihama aktına əsasən, N.Ağayeva 5 nəfərə qarşı dələduzluq edib. O, vətəndaşların etibarından sui-istifadə edərək onların pullarını ələ keçirib.

Belə ki, N.Ağayeva zərərçəkmiş Rövşən Həsənovdan 4 min manat pul alıb. Bunun qarşılığında R.Həsənovun oğlunu Azərbaycan Dövlət Mədəniyyət və İncəsənət Universitetinə qəbul etdirəcəyi vədini verib. Lakin N.Ağayeva qeyd edilən məbləği alsa da, vədinə əməl etməyib.

Bundan başqa, N.Ağayeva Mənsurə Əliyevadan nəvəsini universitetə qəbul etdirmək adı ilə 7 min manat, Zenfira İmanovadan oğlunu ali məktəbə qəbul etdirəcəyi adı ilə 30 min manat, Məhərrəm Quliyevdən isə oğlunu işə düzəltmək adı ilə 3 min manat pul alıb.

N.Ağayeva daha bir vətəndaşdan övladını ali məktəbə qəbul etdirmək adı ilə 25 min manat alıb.  

O, Cinayət Məcəlləsinin 178.3.2-ci (dələduzluq; külli miqdarda törədildikə) maddəsi ilə ittiham edilir. Onun barəsində həbs qətimkan tədbiri seçilmişdi.

Bakı Ağır Cinayətlər Məhkəməsinin hökmü ilə N.Ağayevanın əməli qanunda edilən dəyişikliyə görə 178.2.2-ci (xeyli miqdarda dələduzluq) maddəsinə tövsif edilib və N.Ağayeva 3 il 6 ay müddətinə azadlıqdan məhrum olunub. Hökmdən narazı qalan məhkum qadın və zərərçəkmişlər apellyasiya şikayəti veriblər.

Xatırladaq ki, filologiya elmləri namizədi olan N.Ağayeva 2000-ci il martın 18-də  "Əməkdar müəllim" adına layiq görülüb. O, həbs edilməmişdən bir müddət əvvəl işlədiyi təhsil müəssisəsindən ayrılıb.

ŞƏRH YAZ
0

Tovuzda avtomobil təmiri zamanı bədbəxt hadisə — FOTO

Tovuzda avtomobil təmiri zamanı bədbəxt hadisə
12:21
Bu gün
336
Hadisə
A
Tovuzda 32 yaşlı kişi ehtiyatsızlıq ucbatından xəsarət alıb.

"Ölkə.Az"ın  Oxu.Az-a istinadən verdiyi məlumatına görə, hadisə rayonun Yanıqlı kəndində baş verib.

Kənd sakini, 1987-ci il təvəllüdlü Röyal Qurbanov avtomobil təmir edən zaman diqqətsizlik səbəbindən yanıq xəsarəti alıb. 

R.Qurbanov dərhal yaxınlıqdakı xəstəxanaya çatdırılıb. Vəziyyətinin kafi olduğu bildirilir. 

Faktla bağlı araşdırma aparılır.

Ölkə.Az

ŞƏRH YAZ
0

Goranboyda dəhşətli qəza — İki nəfər yanaraq can verdi

Goranboyda dəhşətli qəza
10:05
Bu gün
1157
Hadisə
A
Goranboyda ağır yol-nəqliyyat hadisəsi nəticəsində iki nəfər maşında yanaraq ölüb.

Fövqəladə Hallar Nazirliyindən "Ölkə.Az"a verilən məlumata görə, “Mercedes” markalı yük avtomobili ilə “Ford” markalı minik avtomobilinin toqquşması nəticəsində “Ford”da yanğın baş verib. 

Yanğının kəşfiyyatı zamanı minik avtomobilində şəxsiyyəti bilinməyən iki nəfərin yanmış meyiti aşkarlanıb. Cəsədlər yanğınsöndürənlər tərəfindən nəqliyyat vasitəsindən çıxarılaraq aidiyyəti üzrə təhvil verilib. 

Yük avtomobili yanğından mühafizə olunub. Yanğın yanğından mühafizə bölmələri tərəfindən söndürülüb. 

Hadisə ilə əlaqədar müvafiq qurumlar tərəfindən təhqiqat aparılır.

Ölkə.Az

ŞƏRH YAZ
0
BAĞLA