KORONAVİRUSA YOLUXANLARIN SAYI - CANLI STATİSTİKA

Demi Murun qızları 3 il müddətində onunla danışmayıblar

Demi Murun qızları 3 il müddətində onunla danışmayıblar
23:00
07.11.2019
11830
Maqazin
A
Dünya şöhrətli Hollivud aktrisası Demi Mur şəxsi həyatı ilə bağlı memuarlar yazmaqla uzun müddət gündəmdə qalmağı bacarıb.

Oxu.Az xəbər verir ki, Mur ailəsində baş verənlər haqqında danışdıqdan sonra özünə izləyicilərin neqativ şərhlərini maqnit kimi çəkə bilib. Belə ki, aktrisa qızları ilə birlikdə Jade Pinkett Smitin “Qırmızı masa ətrafında söhbət” proqramına qatılarkən ailələrində illərlə yaşadıqları münaqişə barədə qalmaqallı açıqlamalar verib.

Məlum olub ki, Deminin məşhurluqda özündən geri qalmayan aktyor Eşton Katçer ilə evliliyindən olan kiçik qızları üç il onu danışdırmayıblar. Murun yalnız böyük qızı Rumer Uillis münaqişələrə son qoyub, ailəni barışdırmağa çalışıb.

 

“Anam başqa bir övlad dünyaya gətirmək istədi, buna o qədər diqqət yetirildi ki, sanki bizim olmağımız onun üçün yetərli deyildi. Skaut və Tallula bu dövrü çox pis keçirirdilər. Üç il onlar Demini danışdırmırdılar. Mən ailədə barış elçisi idim. Onunla danışmağa qərar verəndə məni xain kimi qəbul etdilər” - deyə Rumer bildirib.

Proqramda qonaq olan Tallula da unudulduğunu və sevilmədiyini etiraf edib. Baş verənləri təhlil edən Demi, keçmiş həyat yoldaşından sağalmaz bir asılılıq yaşadığını deyib:

“Bir asılılıq idi. Bu asılılıq dağıdıcı idi”.

Tallula da heç vaxt anası ilə olan bağların yaxşı olmadığını etiraf edib:

“Hiss etdim ki, anam bəzi şeyləri gizlətmək qərarına gəlib. Bu da aramızdakı boşluğu hiss etməyə məcbur etdi. Onu ümumiyyətlə tanımadığımı başa düşdüm. Bəli, Nyu-Meksikoda böyüdüyünü, atamla bir dəfə tanış olduğunu bilirdim... Ancaq bütün bunlar belə idi”.

Son illərdə Demi və qızları isti münasibətdədirlər. Aktrisanın qızları kitabın işıq üzü gördüyü zaman ona fəal dəstək olublar. Aktrisa memuarlarında keçmiş həyat yoldaşı Eştonun onu necə aldatdığını, qrup sekslə məşğul olmağa zorla vadar etdiyi, içkiyə qayıtmağını, sağlamlıq vəziyyətinin aşağı olduğuna məhəl qoymadığını və hər şəkildə ələ salındığını qeyd edib.

ŞƏRH YAZ
1

“Gündəmdə qalmaq üçün abırından, mənəviyyatından keçənlər var” — Xalq artisti

“Gündəmdə qalmaq üçün abırından, mənəviyyatından keçənlər var”
09:15
Bu gün
642
Maqazin
A
“Müğənnilər psixoloq olmalıdır. Özünə vurğun olmayan müğənni psixoloqdur. Həyat devizim : “Heç kimə inanma”. Bu həm də özümə olan əmrimdir”.

"Ölkə.Az" xəbər verir ki, bu sözləri Xalq artisti Flora Kərimova “Xəzər” televiziyasında yayımlanan “X maqazin” proqramına verdiyi müsahibədə deyib.

Xalqın sevilən sənətkarı qisasçı olduğunu bildirib:

“Şirin dilə, komplimentə inanma. Səni söyəni sona kimi qov, divara dirə. Bir sözlə, əgər onları cəmləşdirsəm, belə çıxır ki, qisas alanam. Bəli, bu belədir”

F.Kərimova həmkarlarına dayaq olduğunu söyləyib:

“Müğənnilərə arxayam. Heç kimi qapımdan peşman qaytarmamağa çalışmışam. Elə adamlar olub ki, yalan danışıblar. Elə adamlar olub ki, hər şeydən keçib, mənəviyyat deyilən sözün fərqinə, çəkisinə varmayaraq gözünü yumub, ağızlarını açıblar”.

“Çörəyimin duzu yoxdur” deyən Xalq artisti xoşbəxt ana olduğunu söyləyib:

“Lakin əlimin duzu ilə böyüyən övladlarım var. İndi mənə sual verəndə ki, “xoşbəxtsiniz?” deyirəm ki, ana kimi xoşbəxtəm, lakin bir vətəndaş kimi sınığam”.

Taleyinin üzünə gülməyən zamanların olduğunu bildirən 79 yaşlı F.Kərimova gündəmdə qalmaq üçün hətta abırından keçən sənətçilərin olduğunu söyləyib:

“Məni heç kim və heç nəyi ilə təəccübləndirə bilməz. Taleyimin qapazlı zamanı da olub, toy-büsatlı dönəmi də. Tamaşaçım yox, millətim var. O millətim isə arxamda durur. Mənə biz söz deyiləndə millət cavab verir.

Gündəmdə qalmağın yolları çoxdur: abırlı, abırsız, mənəviyyatsız, şəxsiyyətini qoruyan. O, insanın təbiətindən asılıdır”.

ŞƏRH YAZ
0

Hadisə ilə Murat “O səs Türkiyə”dən gedir? — FOTO

Hadisə ilə Murat “O səs Türkiyə”dən gedir?
00:57
Bu gün
1987
Maqazin
A
Reytinqləri alt-üst edən, Azərbaycan ifaçılarının da tez-tez qatıldığı “O səs Türkiyə” mahnı müsabiqəsinin münsiflər heyətində dəyişiklik olub.

"Ölkə.Az" xəbər verir ki, vokal müsabiqəsinin təkrarolunmaz münsifləri Hadisə ilə Murat Boz Acun Ilıcalının “münsiflər dəyişəcək” açıqlamasından sonra sosial media hesablarında paylaşımları ilə “O səs Türkiyə”dən uzaqlaşmalarına işarə vurublar.


Onlar “O səs Türkiyə”də çəkilmiş şəkillərini paylaşaraq, sanki ayrılıq mesajını veriblər. Məsələ ilə bağlı sosial media əhli hər iki sənətçiyə və müsabiqənin rəhbəri A.İlıcalıya suallar ünvanlasalar da, heç bir reaksiya verilməyib.

“O səs Türkiyə”nin digər münsifləri - Beyazit Öztürklə Seda Sayanın müsabiqədə qalıb-qalmayacağına dair isə açıqlama verilməyib. oxu.az

ŞƏRH YAZ
0
BAĞLA