\"Demokratlar\" partiyası Trampın inpiçmentinə hazırlaşır

"Ölkə.Az" xəbər verir ki, partiyanın nümayəndəsi Devid Brok ABŞ prezidenti Donald Trampın inpiçmentinə yönəlik plan hazırlayıb.

Plan "Demokratiyanın əhəmiyyəti var: strateji fəaliyyət planı" adlanır və demokratların Florida ştatında səhmdarlarla görüşündən sonra açıqlanıb. Brok əmindir ki, proqrama əsasən 2020-ci ilə qədər Trampın inpiçmentinə nail olmaq mümkündür. O, bütün vətəndaşları və investorları yeni prezidentlə mübarizəyə səsləyib.

Brokun çağırışı belədir: "Donald Tramp Amerikanın ən məşhur olmayan prezidentidir. Trampın hakimiyyətə qanuni haqqı var. Bizim isə mənəvi hüququmuz və məsuliyyətimiz var, mübarizə aparmalıyıq. Biz günbəgün mübarizə aparacağıq. Ümid edirik ki, siz də bizimlə mübarizəyə qoşulacaqsınız".

Plana əsasən, Trampın bütün səhvləri tənqid ediləcək, ailə üzvlərinin bütün hərəkətləri izlənəcək. Bununla da prezidentə qarşı xidməti vəzifəsindən sui-istifadə etmə ittihamını irəli sürmək fikrindədirlər. Bundan başqa, Trampın digər dövlət başçıları ilə münasibətlərini izləmək, yeni adiminstrasiyanın bütün addımlarını analiz etmək, beləcə respublikaçılara zərbə endirmək məqsədi ilə böyük bir komandanın yaradılması nəzərdə tutulub.

Demokratların əsas vəzifələrindən biri də dövlət başçısını dəstəkləyən konservativ mətbuata qarşı mübarizə aparmaq olacaq. Eyni zamanda partiyanın şəxsi informasiya mənbəyi yaradılacaq. Yeni informasiya qurumu Trampın Tvitter səhifəsi və konservativ mətbuata qarşı mübarizə aparacaq.

Nəticə olaraq demokratlar 2018-ci ildə Senatda nəzarəti ələ keçirərək Trampın inpiçmentinə nail olmaq istəyirlər.

Hikmət
Ölkə.Az