"Dənizdə batmış gəncin cəsədini xilasedici çıxarıb" — FHN

21:12
17.07.2018
2498
Ölkə
A
Bu gün bəzi media orqanlarında Fövqəladə Hallar Nazirliyinin (FHN) əməkdaşının dənizdə batan gənci xilas etməməsi ilə bağlı yazı dərc olunub.

Məlumata görə, söhbət bu il iyulun 12-də axşam saatlarında Bilgəh ərazisində dənizdə batmış 1998-ci il təvəllüdlü Məmmədov Cavid Rəhman oğlundan gedir. Onun dostu Nadir Hüseynov iddia edib ki, ərazidə olan xilasedici dostunun köməyinə çatmayıb.

"Ölkə.Az" xəbər verir ki, nazirlikdən APA-nın sorğusuna cavab olaraq bildirilib ki, iyulun 12-də saat 21:45-də FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin növbətçi hissəsinə “Bilgəh” Sularda Xilasetmə Məntəqəsindən Bakı şəhəri Sabunçu rayonu Bilgəh çimərliyi istiqamətində, məntəqə ərazisində çimmək qadağan olunduğu vaxtda bir nəfərin suda batması barədə məlumat daxil olub: “Məlumat alındıqdan dərhal sonra FHN-in müvafiq xidmətinin xilasediciləri axtarışa başlayb, hətta əlavə qüvvə olaraq saat 21:59-da xidmətin strukturuna daxil olan “Zağulba” Dalğıc Axtarış Qruplarının(DAQ) xüsusi dalğıc avadanlıqları ilə təchiz olunmuş şəxsi heyəti də hadisə yerinə göndərilib. Həmin gün saat 22:50-də Bakı şəhəri, Xətai rayonu Ə.Şıxlinski 47 ünvanında yaşayan, 1998-ci il təvəllüdlü Məmmədov Cavid Rəhman oğlunun cəsədi batdığı yerdən 15 metr kənarda “Zağulba” DAQ-ın dalğıcı daxili xidmət sıravisi Hacıbalayev Vladislav Davidoviç tərəfindən sudan çıxarılıb.  Cəsəd Sabunçu rayon 14-cü polis bölməsinin sahə müvəkkili, polis kapitanı Muradov Akif Telman oğluna təhvil verilib”.

Qeyd edək ki, qaydalara əsasən, çimərlik ərazisindən istifadə saat 08.00-20.00 aralarında məqsədəuyğundur.

Ölkə.Az

ŞƏRH YAZ
0

Zibil yeşiyindən silah-sursat tapıldı

Zibil yeşiyindən silah-sursat tapıldı
17:02
Bu gün
518
Ölkə
A
Qanunsuz saxlanılan silah-sursatın aşkar edilərək götürülməsi, eyni zamanda, könüllü təhvil verilməsi məqsədilə polis orqanları tərəfindən əməliyyat-axtarış və profilaktiki tədbirlər davam etdirilir.

Daxili İşlər Nazirliyinin mətbuat xidmətindən "Ölkə.Az"a verilən məlumata görə, noyabrın 16-da daxil olmuş məlumat əsasında paytaxtın Nizami Rayon Polis İdarəsi əməkdaşlarının keçirdikləri tədbirlər nəticəsində rayon ərazisindəki məişət tullantıları atılan qutların birindən 2 ədəd “F-1” qumbarası, 2 ədəd nömrəsi silinmiş “Makarov” markalı və “Naqan” tipli tapançalar, 2 ədəd patron darağı və 24 ədəd patron aşkar edilərək götürülüb.

Araşdırma aparılır.

ŞƏRH YAZ
0

Bu il ölkədə 192,5 min yeni iş yeri açılıb

Bu il ölkədə 192,5 min yeni iş yeri açılıb
16:35
Bu gün
646
Ölkə
A
Bu il Azərbaycanda 192,5 min yeni, o cümlədən 94,5 min daimi iş yerləri açılıb.

Dövlət Statistika Komitəsindən "Ölkə.Az"a verilən xəbərə görə, regionların sosial-iqtisadi inkişafına istiqamətlənmiş üçüncü Dövlət Proqramının icrasını əhatə edən 1 yanvar 2014-cü ildən 1 oktyabr 2018-ci il tarixinə qədər olan dövr ərzində, ümumilikdə, 913,6 min olmaqla 624,9 min daimi iş yerləri yaradılıb. 2018-ci ilin doqquz ayı ərzində ölkədə 192,5 min yeni, o cümlədən 94,5 min daimi iş yerləri açılıb. Bu dövrdə yaradılmış iş yerlərinin 42,4 faizi qeyri-dövlət sektorunda açılıb. 

Yeni iş yerlərinin 24,0 faizi Bakı şəhərinin, 1,0 faizi Naxçıvan Muxtar Respublikasının, 75,0 faizi regionların, o cümlədən 44,3 faizi Aran, 7,5 faizi Lənkəran, 7,0 faizi Gəncə-Qazax, 4,4 faizi Abşeron, 4,3 faizi Yuxarı Qarabağ, 2,8 faizi Şəki-Zaqatala, 2,4 faizi Quba-Xaçmaz, 2,1 faizi Dağlıq Şirvan, 0,2 faizi isə Kəlbəcər-Laçın iqtisadi rayonlarının payına düşüb.

Daimi iş yerlərinin 8,2 faizi yeni yaradılmış müəssisə və təşkilatlarda, 33,9 faizi mövcud müəssisə və təşkilatlarda, 0,4 faizi fəaliyyətini bərpa etmiş müəssisə və təşkilatlarda, 57,5 faizi isə fərdi sahibkarlıq subyektləri tərəfindən yaradılıb.

Ölkə.Az

ŞƏRH YAZ
0
BAĞLA