Dənizdə faciə — İki azyaşlı boğuldu

Dənizdə faciə
09:21
13.07.2018
1635
Hadisə
A
Qaradağ rayonu ərazisində çimərlikdə 2 azyaşlı oğlan batıb.

“Ölkə.Az”ın məlumatına görə, 2005-ci il təvəllüdlü Rzayev Rüfət Bəşir oğlu və 2008-ci il təvəllüdlü Ağazadə Yusif Ağaəli oğlu ailə üzvləri ilə birlikdə dənizdə çimərkən nəzarətsiz qaldıqlarından batıblar. Uşaqlara valideyinləri də kömək edə bilməyiblər. Azyaşlıların meyiti FHN-nin Sularda Xilasetmə Dövlət xidmətinin əməkdaşları tərəfindən sudan çıxarılıb. Meyitlər müayinə olunmaq üçün Məhkəmə Tibbi Ekspertiza və Pataloji Anatomiya Birliyinin Qaradağ  rayon şöbəsinə aparılıb. 

Faktla əlaqədar Qaradağ rayon prokurorluğunda araşdırmalara başlanılıb.

ŞƏRH YAZ
0

Gədəbəydə yaşayış evindən əl qumbarası və partladıcı tapıldı — FOTO

Gədəbəydə yaşayış evindən əl qumbarası və partladıcı tapıldı
01:00
Bu gün
170
Hadisə
A
Bu gün Gədəbəy rayonu, Nizami küçəsi, ev 3-də 1 ədəd əl qumbarası tapılıb.

"Ölkә.Az" bildirir ki, Azərbaycan Respublikası Ərazilərinin Minalardan Təmizlənməsi Üzrə Milli Agentliyinin (ANAMA) mətbuat xidməti məlumat yayıb.

 ANAMA-nın xüsusi mobil çevik əməliyyat qrupu və Daxili İşlər Nazirliyinin Gədəbəy rayon Polis şöbəsinin əməkdaşları dərhal həmin əraziyə göndərilib.

Agentliyin mütəxəssisləri və Gədəbəy rayon Polis şöbəsinin əməkdaşları tərəfindən  yaşayış evinin zirzəmisinə baxış keçirilib.

Yerli əhalinin təhlükəsizliyini təmin etmək məqsədilə ərazi polis tərəfindən mühasirəyə alınıb. Agentliyin mütəxəssisləri tərəfindən aparılan təcili təxirəsalınmaz əməliyyat-axtarış tədbirləri nəticəsində 1 ədəd F-1 əl qumbarası və 1 ədəd UZRQM partladıcısı aşkar olunub, zərərsizləşdirilməsi üçün götürülərək Agentliyin mərkəzi məhvetmə ərazisinə daşınıb. 

 Aşkar olunmuş əl qumbarasının ətrafında 25 kv.m əraziyə yerüstü baxış keçirilib, əlavə təhlükəli əşya və qurğu aşkarlanmayıb.

Ölkә.Az

ŞƏRH YAZ
0

Qubada iki dost bir-birini bıçaqladı

Qubada iki dost bir-birini bıçaqladı
23:30
22.02.2019
644
Hadisə
A
Quba rayonunda iki tanış bir-birini bıçaqlayıb.

"Ölkə.Az" trend-ə istinadən bildirir ki, hadisə rayonun H.Əliyev prospektində baş verib.

Rayon sakini Məmmədov Zakir Abdulla oğlu rayonun M.Ə.Rəsulzadə küçəsində tanışı, sərxoş vəziyyətdə olan Rafiq Əlməmmədovla rastlaşıb. R.Əlməmmədov Z.Məmmədovu söyüb və tanışlar arasında əlbəyaxa dava başlayıb.

Hadisə zamanı R.Əlməmmədov cibindən bıçağı çıxararaq Z.Məmmədovu qorxutmaq istəyərkən onu əlindən bıçaqlayıb. Z.Məmmədov bıçağı onun əlindən almağa cəhd edib və R.Əlməmmədovu ayaq nahiyəsindən bıçaqlayıb.

Sonra hər iki şəxs bıçağı zibil yeşiyinə ataraq hadisə yerindən qaçıblar.

Quba rayon Polis Şöbəsinin əməkdaşları hadisə yerinə baxış keçirib və ərazidən hadisədə istifadə olunan bıçağı aşkar ediblər.

Faktla bağlı Quba rayon Polis Şöbəsində Cinayət Məcəlləsinin 126.1-ci (qəsdən sağlamlığa ağır zərər vurma) maddəsilə cinayət işi başlanıb.

Ölkə.Az

ŞƏRH YAZ
0
BAĞLA