Dənizkənarı Milli Parkın bir hissəsinə giriş qadağan olunacaq

Dənizkənarı Milli Parkın bir hissəsinə giriş qadağan olunacaq
16:02
19.06.2017
91
Ölkə
A
Bakıda keçiriləcək Formula-1 yarışları ilə əlaqədar olaraq Dənizkənarı Milli Park ərazisinin bir hissəsinə giriş qadağan olunacaq.

"Ölkə.Az"ın məlumatına görə, Dənizkənarı Bulvar İdarəsinin rəis müavini Nazim Məcidov APA-ya bildirib ki, ümumi ərazisi 14 km olan Dənizkənarı Milli Parkın yalnız 3 km-dən bir qədər az – “köhnə bulvar” olan hissəsi bağlanacaq.

Onun sözlərinə görə, bu il də, keçən il olduğu kimi, Neftçilər prospekti boyunca olan bulvar hissəsi şəhər sakinləri, yarışa bileti olmayanlar və qonaqlar üçün bağlı olacaq. N.Məcidov qeyd edib ki, yarış günlərində Azneft meydanından Dəniz Vağzalına qədər olan bulvar ərazisi bağlanacaq: “Həmin əraziyə yalnız xüsusi buraxılışı olan insanlar daxil ola biləcək. Yarışlara bilet alan insanlar da həmin günlərdə bulvar ərazisinə daxil ola biləcək. Çünki biletlərin özü buraxılış hesab olunur. Onlar həmin ərazilərdə həm əylənə, həm dincələ, həm də yarışları izləyə biləcəklər". 

N.Məcidov vurğulayıb ki, bulvarın digər hissələri - “Ağ şəhər bulvarı”, “Bayıl bulvarı” və parkın “Yeni bulvar” adlanan hissəsi 24 saat şəhər sakinlərinin və qonaqların üzünə açıqdır. Onun sözlərinə görə, bulvarın həmin hissələrində müəyyən əyləncə və istirahət yerləri olsa da, “köhnə bulvar” hissəsinə nisbətən azdır: “Bu qadağalar keçən il də olub. Yəqin ki, şəhər sakinlərinin müəyyən məlumatı var. Çünki  belə qadağa tətbiq olunması ilk dəfə deyil. Bu da Formula-1 yarışlarının qaydalarına əsasən həyata keçirilir. Yarışların keçirildiyi günlərdə bulvarda çalışan əməkdaşlar üçün xüsusi buraxılış verilib. Parkın ərazisi gündə bir neçə dəfə təmizlənməlidir, bundan başqa, orada müəyyən kommunal xidmətlərlə məşğul olanlar, ağaclara, güllərə, kollara qulluq edənlər var. Ona görə də bulvar işçilərinə də Formula-1 təşkilatçıları tərəfindən xüsusi buraxılışlar verilib və onlar həmin müddətdə işləri ilə məşğul olacaqlar”.  

ŞƏRH YAZ
0

Novruz Məmmədov yeni qərar imzaladı

Novruz Məmmədov yeni qərar imzaladı
01:20
Bu gün
3316
Ölkə
A
Nazirlər Kabineti "Yaşıllıqların bərpası Qaydası"na əlavə edib.

"Ölkə.Az" xəbər verir ki, müvafiq qərarı baş nazir Novruz Məmmədov imzalayıb.

Qərara əsasən yaşıllıqların götürülməsi (kəsilməsi) halında yaşıllıqların bərpası yaşıllığı götürən (kəsən) subyektlər tərəfindən və ya onların vəsaiti hesabına istifadəsində olan torpaqlarda mərkəzi icra hakimiyyəti orqanları, digər torpaq sahələrində isə yerli icra hakimiyyəti orqanları və ya Azərbaycan Respublikası Nazirlər Kabinetinin Azərbaycan Respublikası Mənzil İnşaatı Dövlət Agentliyinin sərəncamına verdiyi torpaq sahələrinə münasibətdə Azərbaycan Respublikasının Mənzil İnşaatı Dövlət Agentliyi, bələdiyyələr, fiziki və hüquqi şəxslər, qeyri-hökumət təşkilatları tərəfindən aparılır.

Ölkə.Az

ŞƏRH YAZ
0

Nazirlər Kabinetindən yeni qərar — Siyahı dəyişdirildi

Nazirlər Kabinetindən yeni qərar
01:08
Bu gün
1932
Ölkə
A
Nazirlər Kabineti "Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin strukturuna daxil olmayan tabeliyindəki qurumların Siyahısı"nda dəyişiklik edib.

"Ölkə.Az"ın məlumatına görə, dəyişikliyə əsasən “Elektron Hökumətin İnkişafı Mərkəzi” publik hüquqi şəxs Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin strukturuna daxil olmayan tabeliyindəki qurumların siyahısına daxil edilib.

Bununla da Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin strukturuna daxil olmayan tabeliyindəki qurumların sayı 3-ə çatıb. İndiyə qədər bu siyahıya "İnnovasiyalar Mərkəzi” Məhdud Məsuliyyətli Cəmiyyət və “ABAD” publik hüquqi şəxs daxil olub.

Qeyd edək ki, “Elektron Hökumətin İnkişafı Mərkəzi” publik hüquqi şəxs Azərbaycan prezidenti İlham Əliyevin “Elektron hökumətin inkişafı və rəqəmsal hökumətə keçid ilə bağlı tədbirlər haqqında” 14 mart 2018-ci il tarixli fərmanına əsasən yaradılıb. Fərmanda qeyd edilib ki, Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində “Elektron Hökumətin İnkişafı Mərkəzi” publik hüquqi şəxs yaradılsın.

Ölkə.Az

ŞƏRH YAZ
0
BAĞLA