Deputat Avropa Parlamentini "Məşədi İbad"la müqayisə etdi — Heç bilirsiniz ki, Əfqan Muxtarlı kimdir?

Deputat Avropa Parlamentini
16:50
16.06.2017
210
Siyasət
A
“Biz Avropa Parlamenti ilə əməkdaşlığı dayandırmışdıq. Onlar yenidən elçilər göndərib bizimlə əməkdaşlıq qurmağa çalışdılar və söz verdilər ki, Azərbaycana qarşı daha səhvlər yol verilməyəcək. Ancaq yenə də səhvlər buraxmağa başlayıblar. Mən yenə deyirəm ki, bunlar artıq böhtan atmağa, ölkələri qaralamağa adət ediblər”.

Bu fikirləri “Ölkə.Az”-a açıqlamasında Milli Məclisinin deputatı, Qarabağ müharibəsi veteranı Elman Məmmədov Avropa Parlamentinin Əfqan Muxtarlı ilə bağlı qəbul etdiyi qərəzli qətnaməyə münasibət bildirərkən deyib.

E.Məmmədov bildirib ki, Avropa Parlamentini idarə edən ermənipərəst şəxslər var. 

Onun sözlərinə görə, bu cür qərarların qəbul edilməsini həmin şəxslər tapşırırlar:

“Allah Üzeyr Hacıbəyova rəhmət etsin. Onun yazdığı “O olmasın, bu olsun”-da bir məqamı var. Orada Məşədi İbad deyir ki, bir növ adətkaram. İndi Avropa Parlamenti də Azərbaycana qarşı qarayaxma və şər kampaniyası həyata keçirməyə adət edib. Artıq onlar buna vərdiş ediblər. İstər Əfqan Muxtarlı ilə bağlı olsun, istər olmasın, Avropa Parlamentinin hədəfində Azərbaycan var. İndi Avropa Parlamentindən soruşmaq lazımdır ki, məgər siz Əfqan Muxtarlını tanıyırsınız? Heç bilirsiniz ki, Əfqan Muxtarlı kimdir, nə işlə məşğul olub, nə üçün həbs edilib? Odur ki, bütün bu bəyanatların hamısı Azərbaycana qarşı əvvəlcədən hazırlana ssenarilərdir. Yaxşı, hər gün Avropada milyonlarla ac, yazıq miqrantların hüquqları pozulur. Milyonlarla miqrant tikanlı məftillər arasına və həbs düşərgələrinə salınır. Hitlerin vaxtındakı düşərgələr yaradılır. Bəs Avropa Parlamenti kordur, bütün bunları nə üçün görmür? Ancaq Azərbaycanın nə addım atmasını izləyir? Bu gün Avropanın o qədər acınacaqlı problemləri var. Yaxşı olar ki, Avropa Parlamenti gedib öz problemlıərini həll etsin, Avropanın qara günləri ilə, onları gözləyən böyük fəlakətlərlə məşğul olsun. Avropanın Azərbaycanın daxili işlərinə qarışmaq haqqı yoxdur”.

Vasif Həsənli   
Ölkə.Az

ŞƏRH YAZ
0

Kolinda Qrabar-Kitaroviçdən İlham Əliyevə təbrik

Kolinda Qrabar-Kitaroviçdən İlham Əliyevə təbrik
20:39
19.04.2018
1302
Siyasət
A
Xorvatiya Respublikasının Prezidenti Kolinda Qrabar-Kitaroviç Prezident İlham Əliyevi təbrik edib.

"Ölkə.Az" xəbər verir ki, təbrik məktubunda deyilir:

Hörmətli cənab Prezident.

Yenidən Azərbaycan Respublikasının Prezidenti seçilməyiniz münasibətilə Sizi Xorvatiya Respublikasının vətəndaşları adından və şəxsən öz adımdan ürəkdən təbrik edirəm.

Xorvatiya Respublikası ölkələrimiz arasında xalqlarımızın getdikcə daha çox müxtəlif sahələrdəki ortaq maraqlarına xidmət edən tərəfdaşlığı və dost münasibətlərini yüksək qiymətləndirir. İnanıram ki, prezidentliyinizin yeni dönəmində də ölkələrimiz üçün xüsusilə böyük əməkdaşlıq potensialına malik olan və hər iki dövlət üçün mühüm əhəmiyyət kəsb edən iqtisadi və enerji sahələrində sıx münasibətlərimiz davam edəcək. Əminəm ki, Xorvatiya və Azərbaycan şirkətləri arasında əməkdaşlığı genişləndirmək üçün hər iki tərəfdə sərmayə qoyuluşuna maraq oyatmaq xüsusilə çox əhəmiyyətlidir.

Xorvatiya Respublikasına planlaşdırdığınız səfəriniz zamanı Sizinlə görüşməyi səbirsizliklə gözləyirəm və inanıram ki, bu görüşümüz həm ölkələrimiz, həm də vətəndaşlarımız arasında mövcud olan dostluq və konstruktiv əməkdaşlıq münasibətlərinin bundan sonra da inkişaf etməsinə təkan verəcək.

Cənab Prezident, Sizə ən səmimi salamlarımı və ən yüksək ehramımı çatdırıram.

Ölkə.Az

 

ŞƏRH YAZ
0

Misirin dövlət başçısı və Mərakeşin Kralı İlham Əliyevi təbrik etdi

Misirin dövlət başçısı və Mərakeşin Kralı İlham Əliyevi təbrik etdi
20:26
19.04.2018
738
Siyasət
A
Misir Ərəb Respublikasının Prezidenti Əbdülfəttah əs-Sisi Azərbaycan Respublikasının Prezidenti İlham Əliyevə təbrik məktubu ünvanlayıb.

"Ölkə.Az"ın xəbərinə görə, təbrik mətnində deyilir:

"Zati-aliləri.

Prezident seçkilərində qələbəniz və dövlət başçısı səlahiyyətlərini yenidən icra etməyiniz münasibətilə Sizə ən səmimi təbriklərimi çatdırmaqdan böyük sevinc hissi duyur, dost xalqınızın ümid və istəklərini yerinə yetirmək istiqamətində şərəfli yolunuzun davamında uğurlar arzulayıram.

Sözsüz ki, seçkilərdə yüksək səs çoxluğu ilə qələbəniz xalqınızın Sizin müdrik rəhbərliyinizlə əldə etdiyi uğurları davam etdirmək əzminin əyani sübutudur.

Cənab Prezident, bu xoş fürsətdən istifadə edərək, dost ölkələrimiz və xalqlarımız üçün firavanlıq və rifaha yeni üfüqlər açan bütün sahələrdə qarşılıqlı əməkdaşlıq yollarının inkişafının əhəmiyyətini vurğulamaq istərdim.

Sizə möhkəm cansağlığı və xoşbəxtlik diləyir, Azərbaycan xalqına isə davamlı tərəqqi və rifah arzulayıram".

Bundan başqa, Mərakeşin Kralı Əlahəzrət VI Məhəmməd də Azərbaycan Respublikasının Prezidenti İlham Əliyevə təbrik məktubu ünvanlayıb. Məktubda deyilir:

"Hörmətli Prezident, Əziz Qardaşım.

Yenidən Azərbaycan Respublikasının Prezidenti seçilməyiniz münasibətilə Sizə ən səmimi təbriklərimi çatdırmaqdan böyük məmnunluq hissi duyuram. Ali dövləti vəzifənizdə uğurlarınızın davamlı olmasını, qardaş Azərbaycan xalqının maraqları naminə və ölkənizi bundan sonra da tərəqqiyə doğru aparmaq fəaliyyətinizdə Sizə yeni-yeni nailiyyətlər arzulayıram.

Azərbaycan xalqı Sizə yenidən etimad göstərərək Zati-alinizin müdrik dövlət xadimi kimi keyfiyyətlərini, eləcə də Azərbaycanın hərtərəfli və davamlı inkişafı istiqamətində apardığınız əzmkar və yorulmaz fəaliyyətinizi çox yüksək qiymətləndirdiyini nümayiş etdirdi.

Ölkələrimiz arasında səmərəli və dinamik inkişaf edən əməkdaşlıq münasibətlərinin indiki səviyyəsindən məmnunluq duyuram.

Zati-aliləri, ölkələrimiz arasında bütün sahələrdə əməkdaşlığı möhkəmləndirmək istiqamətində Sizinlə işləməyə davam etmək istərdim. Bu isə xalqlarımızın maraqlarına xidmət etməyin və onların arasındakı qardaşlıq əlaqələrinin təcəssümüdür".

Ölkə.Az

ŞƏRH YAZ
0
BAĞLA