Deputat BMT-ni və həmsədrləri sərt tənqid etdi

Deputat BMT-ni və həmsədrləri sərt tənqid etdi
22:08
21.10.2018
1994
Siyasət
A
Azərbaycan Dağlıq Qarabağ münaqişəsinin həlli istiqamətində qətiyyətli mövqe nümayiş etdirir. Prezident İlham Əliyevin rəhbərliyi ilə həyata keçirilən prinsipial siyasətin nəticəsidir ki, beynəlxalq ictimaiyyət tərəfindən münaqişənin həlli məsələsi daim diqqət mərkəzində saxlanılır və bu istiqamətdə müvafiq bəyanatlar verilib, mühüm sənədlər qəbul edilib.

"Ölkə.Az" oxu.az-a istinadla xəbər verir ki, bu fikirləri Xocalıdan olan millət vəkili Elman Məmmədov deyib.

E.Məmmədov bildirib ki, cari il ərzində dövlət başçısının səfərləri və keçirdiyi mühüm görüşlərdə də Dağlıq Qarabağ münaqişəsinin Azərbaycanın ərazi bütövlüyü çərçivəsində həlli prioritetlərdən biri olub. 

Onun sözlərinə görə, o cümlədən, prezident İlham Əliyev və Avropa İttifaqı Şurasının prezidenti Donald Tuskun iştirakı ilə paraflanmış Avropa İttifaqı-Azərbaycan Tərəfdaşlıq Prioritetləri sənədində də diqqətə çatdırılıb ki, Avropa İttifaqı və Azərbaycan qarşılıqlı maraqlar və dəyərlər, həmçinin bir-birilərinin ərazi bütövlüyü, sərhədlərinin toxunulmazlığı, müstəqilliyi və suverenliyinə münasibətdə hörmət və dəstəyə öhdəliklər əsasında Avropa İttifaqı ilə Azərbaycan arasında əlaqələrin inkişaf etdirilməsi məqsədilə birgə tərəfdaşlıq prioritetlərini razılaşdırdılar.

“Azərbaycanın Dağlıq Qarabağ münaqişəsinin həlli prosesində konstruktiv mövqe nümayiş etdirməsinə baxmayaraq, Ermənistan Azərbaycanın işğal olunmuş ərazilərində qeyri-qanuni əməllərini və təxribatçı siyasətini davam etdirir. Ermənistan təxribatçı hərəkətlərinə son qoymalı, qoşunlarını Azərbaycanın işğal olunmuş ərazilərindən çıxarmalıdır.

Eyni zamanda, beynəlxalq ictimaiyyət tərəfindən Ermənistanın danışıqlar prosesini pozmasına imkan verilməməlidir, bu ölkənin üzərinə düşən öhdəliklərin yerinə yetirilməsi təmin olunmalıdır” - deyən,  E.Məmmədov qeyd edib ki, xüsusilə, Qarabağ münaqişəsi ilə bağlı 4 məlum qətnamə qəbul etmiş BMT və onun Təhlükəsizli Şurası, həmçinin, ATƏT-in Minsk qrupu və həmsədrlər öz qərarlarının və missiyalarının məsuliyyətini dərk etməlidirlər:

“Onlar seyrçi mövqe tutmaqdan əl çəkməlidirlər.

BMT Təhlükəsizlik Şurası 4 qətnaməsinin icrasını təmin etməlidir.

Nə vaxta qədər gözləyəcəklər, susacaqlar? Xüsusilə də, Minsk qrupu və həmsədrlər qətiyyətli mövqe nümayiş etdirməlidirlər.

Boş, quru, heç bir mənası olmayan bəyanatlara, vədlərə, turist səfərlərinə bənzər səfərlərə son qoymalıdırlar. Ermənistana ciddi təzyiqlər, sanksiyalar tətbiq etməlidirlər.

Artıq səbrimiz, onlara olan etimad limiti tükənib”.

Ölkə.Az

ŞƏRH YAZ
0

Türkiyə səfiri Ərdoğanın Bakı səfərini “Haber Global”a şərh etdi — VİDEO

Türkiyə səfiri Ərdoğanın Bakı səfərini “Haber Global”a şərh etdi
20:54
27.02.2020
2578
Siyasət
A
Türkiyə Prezidenti Rəcəb Tayyib Ərdoğanın Bakıya səfəri qardaş ölkə mətbuatının diqqət mərkəzindədir.

“Haber Global” kanalı səfərlə bağlı hazırladığı geniş video-süjetdə iki ölkə arasındakı dostluqdan bəhs etməkə yanaşı, prezidentlərin görüşləri, müzakirə olunan məsələlər və əldə olunmuş razılıqları önə çıxarıb.  

Bildirilib ki, İlham Əliyev və Rəcəb Tayyib Ərdoğanın görüşləri zamanı bir sıra strateji qərarlar, anlaşmalar imzalanıb. Bunlardan biri də iki ölkə arasında turist vizasının müddətinin 30 gündən 90 günə qədər artırılmasıdır.  

R.T.Ərdoğanın səfərini “Haber Global”a şərh edən Türkiyənin Azərbaycandakı səfiri Erkan Özoral əldə edilən 13 anlaşmanın əhəmiyyətini vurğulayıb.  

ŞƏRH YAZ
0

Pənah Hüseyn Prezident Administrasiyasına çağırılıb

Pənah Hüseyn Prezident Administrasiyasına çağırılıb
17:24
27.02.2020
4268
Siyasət
A
Müxalifət partiyasının lideri Prezident Admnistrasiyasının siyasi partiyalar və qanunverici hakimiyyətlə əlaqələr şöbəsinin müdiri Ədalət Vəliyevlə görüşü olub.

“Ölkə.Az” xəbər verir ki, bu barədə Azərbaycan Xalq Partiyasının sədri Pənah Hüseyn məlumat verib.

P.Hüseyn bildirib ki,  bu gün Prezident Admnistrasiyası binasında PA siyasi partiyalar və qanunverici hakimiyyətlə əlaqələr şöbəsinin müdiri Ədalət Vəliyevlə görüşüm olub.

Görüşdə bir müddət öncə bir neçə ilə birgə siyasi partiya və dövlət münasibətləri, ofis və s məsələlərlə əlaqədar əvvəllər etdiyimiz müraciətlə bağlı fikir mübadiləsi apardıq.

P.Hüseyn görüş barəsində daha geniş bilgi vermək istəmədi. O bildirib ki, bir müddət öncə bir neçə siyasi partiya ilə birgə siaysi partilayalarla hakimiyyət münasibətlərinin tənzimlənməsi, siaysi partiyaların ofislərlə təmin edilməsi və onlaırn fəaliyyətinə normal şərait yaradılması ilə bağlı müraciətimiz olub. Görüşdə də əsasən bu məsələlər ətrafında fikir mübariləsi aparıldı.

Mürtəza
Ölkə.Az

ŞƏRH YAZ
0
BAĞLA