Deputat BMT-ni və həmsədrləri sərt tənqid etdi

Deputat BMT-ni və həmsədrləri sərt tənqid etdi
22:08
21.10.2018
1886
Siyasət
A
Azərbaycan Dağlıq Qarabağ münaqişəsinin həlli istiqamətində qətiyyətli mövqe nümayiş etdirir. Prezident İlham Əliyevin rəhbərliyi ilə həyata keçirilən prinsipial siyasətin nəticəsidir ki, beynəlxalq ictimaiyyət tərəfindən münaqişənin həlli məsələsi daim diqqət mərkəzində saxlanılır və bu istiqamətdə müvafiq bəyanatlar verilib, mühüm sənədlər qəbul edilib.

"Ölkə.Az" oxu.az-a istinadla xəbər verir ki, bu fikirləri Xocalıdan olan millət vəkili Elman Məmmədov deyib.

E.Məmmədov bildirib ki, cari il ərzində dövlət başçısının səfərləri və keçirdiyi mühüm görüşlərdə də Dağlıq Qarabağ münaqişəsinin Azərbaycanın ərazi bütövlüyü çərçivəsində həlli prioritetlərdən biri olub. 

Onun sözlərinə görə, o cümlədən, prezident İlham Əliyev və Avropa İttifaqı Şurasının prezidenti Donald Tuskun iştirakı ilə paraflanmış Avropa İttifaqı-Azərbaycan Tərəfdaşlıq Prioritetləri sənədində də diqqətə çatdırılıb ki, Avropa İttifaqı və Azərbaycan qarşılıqlı maraqlar və dəyərlər, həmçinin bir-birilərinin ərazi bütövlüyü, sərhədlərinin toxunulmazlığı, müstəqilliyi və suverenliyinə münasibətdə hörmət və dəstəyə öhdəliklər əsasında Avropa İttifaqı ilə Azərbaycan arasında əlaqələrin inkişaf etdirilməsi məqsədilə birgə tərəfdaşlıq prioritetlərini razılaşdırdılar.

“Azərbaycanın Dağlıq Qarabağ münaqişəsinin həlli prosesində konstruktiv mövqe nümayiş etdirməsinə baxmayaraq, Ermənistan Azərbaycanın işğal olunmuş ərazilərində qeyri-qanuni əməllərini və təxribatçı siyasətini davam etdirir. Ermənistan təxribatçı hərəkətlərinə son qoymalı, qoşunlarını Azərbaycanın işğal olunmuş ərazilərindən çıxarmalıdır.

Eyni zamanda, beynəlxalq ictimaiyyət tərəfindən Ermənistanın danışıqlar prosesini pozmasına imkan verilməməlidir, bu ölkənin üzərinə düşən öhdəliklərin yerinə yetirilməsi təmin olunmalıdır” - deyən,  E.Məmmədov qeyd edib ki, xüsusilə, Qarabağ münaqişəsi ilə bağlı 4 məlum qətnamə qəbul etmiş BMT və onun Təhlükəsizli Şurası, həmçinin, ATƏT-in Minsk qrupu və həmsədrlər öz qərarlarının və missiyalarının məsuliyyətini dərk etməlidirlər:

“Onlar seyrçi mövqe tutmaqdan əl çəkməlidirlər.

BMT Təhlükəsizlik Şurası 4 qətnaməsinin icrasını təmin etməlidir.

Nə vaxta qədər gözləyəcəklər, susacaqlar? Xüsusilə də, Minsk qrupu və həmsədrlər qətiyyətli mövqe nümayiş etdirməlidirlər.

Boş, quru, heç bir mənası olmayan bəyanatlara, vədlərə, turist səfərlərinə bənzər səfərlərə son qoymalıdırlar. Ermənistana ciddi təzyiqlər, sanksiyalar tətbiq etməlidirlər.

Artıq səbrimiz, onlara olan etimad limiti tükənib”.

Ölkə.Az

ŞƏRH YAZ
0

Qarakənd faciəsindən 28 il ötür

Qarakənd faciəsindən 28 il ötür
05:43
Bu gün
334
Siyasət
A
Göyərtəsində Azərbaycanın siyasi elitasının olduğu vertolyotun erməni silahlı birləşmələri tərəfindən vurulmasından 28 il ötür.

“Ölkə.Az” xəbər verir ki, “Mİ-8” hərbi vertolyotu ermənilər tərəfindən 1991-ci il noyabrın 20-də Xocavənd rayonunun Qarakənd kəndi üzərində vurulub.

Vertolyotun vurulması nəticəsində Azərbaycanın dövlət xadimləri, hökumət nümayəndələri, deputatlar, jurnalistlər və ekipaj üzvləri həlak olublar.

Terror aktı nəticəsində həlak olanların tam siyahısını təqdim edirik:

- Tofiq Kazım oğlu İsmayılov - dövlət katibi

- İsmət İsmayıl oğlu Qayıbov - Baş prokuror

- Məhəmməd Nəbi oğlu Əsədov - dövlət müşaviri

- Zülfi Saleh oğlu Hacıyev - Baş nazirin müavini

- Vaqif Cəfər oğlu Cəfərov - millət vəkili

- Vəli Hüseyn oğlu Məmmədov - millət vəkili

- Osman Mirzə Hüseyn oğlu Mirzəyev - Prezident Aparatında şöbə müdiri

- Qurban Hüseyn oğlu Namazəliyev - nazir müavini

- İqor Aleksandroviç Plavski - DQMV-nin prokuroru

- Vladimir Vladimiroviç Kovalyov - DQMV Daxili İşlər İdarəsinin rəisi

- Sergey Semyonoviç İvanov - Dağlıq Qarabağ üzrə milli təhlükəsizlik şöbəsinin rəisi

- Nikolay Vladimiroviç Jinkin - fövqəladə vəziyyət rayonunun komendantı

- Sanlal Dasumoviç Serikov - Qazaxıstan daxili işlər nazirinin müavini

- Mixail Dmitriyeviç Lukaşov - milis general-mayoru

- Oleq Nikoloyeviç Koçerev - polkovnik-leytenant

- Rafiq Məmməd oğlu Məmmədov - dövlət katibinin köməkçisi

- Alı Mustafa oğlu Mustafayev - telejurnalist

- Arif İsmayıl oğlu Hüseynzadə - AzTV-də işıqçı

- Fəxrəddin İbrahim oğlu Şahbazov - video-operator

- Vyaçeslav Vladimiroviç Kotov - vertolyot heyətinin komandiri

- Gennadi Vladimiroviç Domov - vertolyot heyətinin üzvü

- Dmitri Borisoviç Yarovenko - vertolyot heyətinin üzvü

ŞƏRH YAZ
0

"ABŞ strateji sabitliyi qəsdən pozur" — Lavrov

23:41
19.11.2019
492
Siyasət
A
Rusiyanın xarici işlər naziri Sergey Lavrov ABŞ-ın dünyanın memarlıq quruluşunu və strateji sabitliyini qəsdən pozduğunu söyləyib.

"Ölkə.Az" TRT-yə istinadən istinadən xəbər verir ki, Lavrov ABŞ ilə NATO-nun hərbi sahədəki əməliyyatlarını qiymətləndirib:

"Silahlara nəzarət barədə vəziyyət pisləşib. ABŞ dünyanın memarlıq quruluşunu və strateji sabitliyini qəsdən pozur. Rəsmi Vaşinqton “Orta mənzilli raketlərin ləğvi haqqında” müqavilənin əsaslarını pozaraq, gərginliyin dərinləşməsinə səbəb olub".

Lavrov ölkəsinin sərhədləri yaxınlığında NATO-nun hərbi siyasi qurğusunu gücləndirmə sahəsindəki təşəbbüslərdən narahat olduqlarını qeyd edib.

ABŞ və Avropa İttifaqının (Aİ) təktərəfli sanksiyalar tətbiq etdiyinə diqqət çəkən Lavrov “ABŞ və Aİ təktərəfli sanksiyalarla BMT-nin qərarlarını pozur. Təktərəfli sanksiyalar etimada ciddi zərbə vurur və qlobal iqtisadiyyatın inkişafına mane olur” deyə bildirib.

Nazir Lavrov Normandiya dördlüyünün (Almaniya, Fransa, Rusiya, Ukrayna) liderlər zirvəsinin 9 dekabrda keçiriləcəyini xatırladıb:

“Zirvə yığıncağı üçün lazım olan şərtlər yarandı. Xüsusilə zirvəyə ev sahibliyi edəcək Fransanın Ukrayna mövzusundakı namüəyyənlikləri aradan qaldırmaq üçün istənilən cəhdi göstərəcəğinə ümid edirik”.

Ölkə.Az

ŞƏRH YAZ
0
BAĞLA