KORONAVİRUSA YOLUXANLARIN SAYI - CANLI STATİSTİKA

Deputat cənubluların ən vacb problemini Milli Məclisdə QALDIRDI

Deputat cənubluların ən vacb problemini Milli Məclisdə QALDIRDI
15:01
02.06.2020
4112
Siyasət
A
"3 il öncə pay torpaqları ilə bağlı qəbul edilən qanun bu günə kimi işləmir"

“Ölkə.Az” xəbər verir ki, bunu millət vəkili Cavanşir Paşazadə Milli Məclisin bu gün keçirilən növbədənkənar iclasında deyib.

Deputat qeyd edib ki, 3 il bundan öncə Milli Məclisdə “Kənd təsərrüfatı pay torpaqlarının könüllü şəkildə birləşdirilməsi, becərilməsi, əkilməsi haqqında” haqqında qanun qəbul edilsə də,  həmin qanun bu günə kimi  işləmir. “Bilirsiniz ki, cənub bölgəsind, xüsusən də Lənkəran, Masallı, Astara rayonlarında  əkinə yararlı torpaqlar az olduğundan  kəndlilər  onlara verilən pay torpaqlarından  effektiv istifadə edə bilmirlər. İnsanlar daha çox kollektiv şəkildə topraqlarından istifadəyə üstünlük verirlər və bunda maraqlıdırlar. Çünki əhaliyə 40-50 sot pay torpaqları düşüb və orada da aqrar texniki qaydaların heç birinə riayət etmək olmur. Ona görə də insanların çoxu bu torpaqları əkmir. Əkənlər də gözlədiyi məhsulu ala bilmədiyi üçün əllərini o torpaqlardan çəkirlər. Bu da dövlətimizin neftdən asılılığını aradan qaldırmasına böyük kölgə salır. Mən istərdim ki, bu qanun işləsin. İkinci məsələyə gəlincə, bilirsiniz ki, cənub bölgəsi hər zaman çayçılıq və subtropik  meyvələr əkib becərməklə məşul olub. Hələ  sovet dönəmidən Lənkəranda 28 min ton yaşıl çay əkilmişdi. 70-80 il bundan öncə əkilən çay plantasiyaları var idi. 90-ci illərdə o çay sahələri məhv edilib yerində  sarımsaq əkdilər. Sonrakı dövrdə cənab prezidentin tapşırığı və səyi nəticəsində bu sahəyə böyük vəsait ayırdı. Çay plantasiyaları əkildi və fabriklər tikildi. Bilirsiniz ki, çay sahələri 5-7 ilə məhsul verir. Suyun olmaması çay sahələrin yanmasına, insanların qoyduğu vəsaitin heçə getməsinə səbəb olur. Əvvəl böyük su tutumları var idi. Həmin su tutumları 60-70 ildir ki, işlədilmir. Ona görə də onların içərisi gillə dolub. Xanbulan çayın böyük hissəsi içməli suya yönəlib. Ona görə də Azərbaycan Meliorasiya və Su Təsərrüfatı Açıq Səhmdar Cəmiyyətindən xahiş edərdim ki, artizan quyuları qazılslın və suvarma ilə bu bölgələr təmin edilsin"- deputat qeyd edib.

Mürtəza
Ölkə.Az

ŞƏRH YAZ
0

Paşinyan növbəti etirafı ilə özünü çətinə saldı

Paşinyan növbəti etirafı ilə özünü çətinə saldı
22:25
11.07.2020
896
Siyasət
A
“Bu ilin 10 iyul tarixində Yerevanda keçirilən Təhlükəsizlik Şurasının iclasında Ermənistanın Milli Təhlükəsizlik Strategiyasının müzakirəsi zamanı bu ölkənin bölgədə sülh və təhlükəsizliyə birbaşa hədə törədən təcavüzkar siyasəti baş nazir N.Paşinyanın dilindən növbəti dəfə etiraf edildi”.

"Ölkə.Az" Xarici İşlər Nazirliyinə istinadən xəbər verir ki, Azərbaycanın beynəlxalq tanınmış torpaqlarına qarşı əsassız ərazi iddialarını, beynəlxalq hüququ kobudcasına pozaraq hərbi işğala əsaslanan siyasətini ölkənin milli strategiyasında əks etdirən Ermənistan bölgədə ciddi təhlükə ocağı olaraq qalmaqdadır:

“Azərbaycanın ərazilərini hərbi işğal edib bu ərazilərdə yaşayan erməni icmasının öz müqəddəratını müəyyən etməsindən danışan və bunu “milli məqsəd” kimi təhlükəsizlik strategiyasında əks etdirən işğalçı Ermənistan beynəlxalq hüququn, o cümlədən 1975-ci il Helsinki Yekun Aktının prinsiplərini yenidən görməzlikdən gəlir. Xalqların öz müqəddəratını təyin etməsi prinsipinin heç bir halda Azərbaycanın Dağlıq-Qarabağ bölgəsində yaşayan erməni icmasına şamil olunmadığını və ümumiyyətlə, Helsinki Yekun Aktının 8-ci bəndində öz müqqəddəratını təyin etmə prinsipinin BMT Nizamnaməsi, beynəlxalq hüququn norma və prinsipləri, xüsusilə ərazi bütövlüyünə uyğun şəkildə ifadə edilməsini təsbit edildiyini xatırladırıq.

Ermənistan rəhbərliyinin Azərbaycanın hərbi işğal altında saxladığı ərazilərində “suverenlik” iddiası, işğalçı siyasətinin nəticələrinin qorunub saxlanılmasının münaqişənin həlli üzrə aparılan danışıqların məqsədi kimi müəyyən etməsi bu ölkənin münaqişənin həlli prosesinə ciddi əngəl törətdiyini və beynəlxalq ictimaiyyətin qərar və qətnamələrinə hörmətsizlik nümayiş etdirdiyini açıq şəkildə göstərir.

Ermənistan rəhbərliyi anlamalıdır ki, hazırda apardıqları siyasətə görə Ermənistan-Azərbaycan Dağlıq Qarabağ münaqişəsinin həlli məsələsində tamamilə tək qalıblar. Bu ölkənin beynəlxalq reallıqlardan uzaq və sadəlövh milli təhlükəsizlik strayegiyası iflasa uğrayan daxili siyasəti sakitləşdirmək cəhdindən başqa bir şey deyildir.

Beynəlxalq tanınmış əraziləri, o cümlədən müvəqqəti işğal altında olan Dağlıq Qarabağ və ətraf rayonları da daxil olmaqla ərazi bütövlüyünü və azərbaycanlı məcburi köçkünlərin öz evlərinə geri qayıtmasını təmin etmək üçün Azərbaycanın cavab tədbirləri beynəlxalq hüquqa, BMT Nizamnaməsinə, BMT Təhlükəsizlik Şurasının qətnamələrinə və ölkə Konstitusiyasının ona verdiyi haqqa əsaslanır. Bölgədə artan gərginliyin məsuliyyəti isə bilavasitə işğalçı Ermənistanın üzərindədir”.

Ölkə.Az

ŞƏRH YAZ
0

Baş Nazir Əli Əsədov Konstitusiya Məhkəməsinə sorğu göndərib

Baş Nazir Əli Əsədov Konstitusiya Məhkəməsinə sorğu göndərib
21:05
11.07.2020
878
Siyasət
A
Baş Nazir Əli Əsədov Konstitusiya Məhkəməsinə sorğu göndərdi.

"Ölkə.Az" Nazirlər Kabinetinin mətbuat xidmətinə istinadən xəbər verir ki, Əmanətlərin Sığortalanması Fondunun “Atabank” ASC, “NBCBank” ASC və “AGBank” ASC-də sığorta hadisəsinin baş verməsi ilə əlaqədar həmin banklarda olan müvafiq əmanətlərin qorunan əmanət hesab edilib-edilməməsi məsələsinə Azərbaycan Respublikasının Konstitusiya Məhkəməsi tərəfindən şərh verilməsi üçün Nazirlər Kabinetinə göndərdiyi müraciət öyrənilib və Konstitusiya Məhkəməsinə sorğu göndərilməsi qərar alınıb.

Nazirlər Kabinetinin Konstitusiya Məhkəməsinə ünvanladığı sorğuda həmin banklarda əmanətçilərin mənafelərinin qorunması məqsədilə “Əmanətlərin sığortalanması haqqında” Azərbaycan Respublikasının Qanununun 2.1.2.6-cı maddəsinə şərh verilməsinin zəruriliyi əsaslandırılır. 

Qeyd edək ki, “Əmanətlərin sığortalanması haqqında” qanunun 2.1.2.6-cı maddəsinə əsasən, cəlb edildiyi günə qorunan əmanətlər üzrə illik faiz dərəcəsinin yuxarı həddini maliyyə bazarlarına nəzarət orqanı və Mərkəzi Bankla razılaşdırmaqla müəyyən edilmiş həddən yuxarı illik faiz dərəcəsi ilə qəbul edilir.

Ölkə.Az

ŞƏRH YAZ
0
BAĞLA