Deputat dollar kreditləri ilə bağlı Prezidentə müraciət etdi

Deputat dollar kreditləri ilə bağlı Prezidentə müraciət etdi
12:42
12.02.2019
8855
İqtisadiyyat
A
Azərbaycan prezidentindən növbəti fərmanının dollarla olan kreditlər probleminin həlli ilə bağlı olmasını xahiş edirik.

“Ölkə.Az” xəbər verir ki, bunu deputat Vahid Əhmədov parlamentin bu gün keçirilən plenar iclasında deyib.

 Onun sözlərinə görə, Azərbaycan prezidenti tərəfindən həyata keçrilən siyasi, iqtisadi və sosial islahatlar cəmiyyət tərəfindən müsbət qarşılanır.
 “Ölkə başçısının şəhid ailələri, minimum əmək haqqının artırılması ilə bağlı verdiyi sərəncamlar təqdir olunası haldır”- deyən deputat əlavə edib ki, bu gün ciddi məsələlərdən biri də  banklardakı əmanətlərin tam sığortalanması ilə bağlıdır:

”Bildiyiniz kimi banklardakı əmanətlərin 42 faizi 3 aylıq əmanətlərdir. Artıq ölkə başçısı tərəfindən əmanətlərin tam sığortalanması ilə bağlı qanun hazırlanıb və Milli Məclisə daxil olub. Növbəti iclaslarda bu məsələyə baxılacaq. Bu qanun da çox müsbət addımdır. Bu qanunun qəbulu həm əmanətçilərin  əmanətinin qorunmasına, həm də bankların fəaliyyətinin canlanmasına öz müsbət təsirini göstərəcək”..

 Deputat həmçinin cəmiyyəti narahat eədn  digər bir cidid məsləni gündəmə gətirib. O bildirib ki, bu, banklardakı dollarla götürülən kreditlər məsələsidir:
 “Bu gün məhkəmlərdə kredit problemi ilə bağlı 300 minə yaxın iş var. İstərdik ki, ölkə başçısının fərmanı məhz bu problemli kreditlərlə bağlı olsun. Xahiş edərdik ki, ölkə başçısı bu problemin ciddiliyini nəzərə alıb, məslənin tənzimləyən bir fərman imzalasın”.

 Mürtəza
 Ölkə.Az

ŞƏRH YAZ
0

Qızıl-gümüş ucuzlaşıb

Qızıl-gümüş ucuzlaşıb
23:35
24.04.2019
210
İqtisadiyyat
A
Azərbaycanda qızıl və gümüş ucuzlaşıb

"Ölkə.Az" trend-ə istinadən xəbər verir ki, aprelin 24-də qızılın qiyməti aprelin 23-ü ilə müqayisədə 7,7945 manat azalaraq 1 unsiya üçün 2159,0255 manat təşkil edib.

Gümüş 0,3352 manat ucuzlaşaraq 1 unsiya üçün 25,1932 manata bərabər olub.

Platinin qiyməti 20,247 manat azalaraq 1509,0135 manat, palladiumun qiyməti isə 8,1175 manat azalaraq 2358,3165 manat təşkil edib.

Ad

24.04.2019

23.04.2019

Qızıl

XAU

2159.0255

2166.8200

Gümüş

 

XAG

25.1932

25.5284

Platin

XPT

1509.0135

1529.2605

Palladium

XPD

2358.3165

2366.4340

 

Qeyd edək ki, troy unsiyası 31,1034768 qrama bərabər ölçü vahididir.

Ölkə.Az

ŞƏRH YAZ
0

Azərbaycan "Peugeot"ları MDB ölkələrinə ixrac ediləcək

Azərbaycan
22:52
24.04.2019
420
İqtisadiyyat
A
"Azərmaş" ASC-nin Neftçala Sənaye Məhəlləsindəki avtomobil zavodunda "Khazar" adı altında istehsal olunan “Peugeot” markalı avtomobillər artıq bir sıra dövlət və özəl qurumlara təhvil verilib.

"Ölkə.Az" bildirir ki, bunu trend-ə “Azərmaş” şirkətinin mətbuat xidmətinin rəhbəri Günay Namidar deyib.

Onun sözlərinə görə, hazırda ASC-də "Peugeot"nun bir markası istehsal olunur:

"Zavod mart ayından seriya istehsalata start verib. Öncədən sifariş olunan "Peugeot 407" markalı avtomobillər bir çox dövlət və özəl qurumlara təhvil verilib. Həmin avtomobillərin qiyməti isə 17,5 - 19,5 min manat arası dəyişir".

G.Namidar bildirib ki, istehsal olunan "Peugeot"lar ilkin mərhələdə yerli bazara ixrac olunur:

"Hazırda istehsal olunan avtomobillər yerli bazar üçün nəzərdə tutulub. Müəyyən vaxtdan və xaricdə satışı üçün lisenziya əldə edildikdən sonra həmin avtomobillər MDB ölkələrinə də ixrac olunacaq. İlkin olaraq isə Azərbaycan "Peugeot"ları Ukrayna bazarına göndəriləcək".

Qeyd edək ki, “Azərmaş” Açıq Səhmdar Cəmiyyətinin və “İran Khodro” şirkətinin birgə yaratdığı “Khazar” Avtomobil Zavodu Neftçala Sənaye Məhəlləsində ən iri müəssisədir. 2018-ci il martın 29-da açılan zavodun səhmlərinin 75 faizi “Azərmaş” ASC-yə, 25 faizi isə “İran Khodro” şirkətinə məxsusdur. Ümumi dəyəri 15 milyon dollar olan zavodun tikintisinə Azərbaycan dövləti tərəfindən xüsusi dəstək göstərilib, müxtəlif vergi güzəştləri tətbiq edilib.

Ölkə.Az

ŞƏRH YAZ
0
BAĞLA