Deputat: “Ələt İqtisadi Zonasında beynəlxalq qanunlara uyğun məhkəmə olmalıdır”

Deputat: “Ələt İqtisadi Zonasında beynəlxalq qanunlara uyğun məhkəmə olmalıdır”
16:51
13.02.2018
921
İqtisadiyyat
A
““Ələt azad iqtisadi zonası” haqqında qanunda mövcud olan ziddiyyət hüquqşünaslarla iqtisadçılar arasında olan məsələdir. Mən hüquqşünas həmkarlarıma haqq verirəm”.

“Ölkə.Az” xəbər verir ki, bu sözləri millət vəkili Elşən Musayev “Ələt azad iqtisadi zonası” haqqında qanunun birinci oxunuşda müzakirəsi zamanı deyib.

Deputat bildirib ki,  Ali Qanunumuz Konstitusiyadır və ondan ali qanun yoxdur:

“Peşəkar hüquqşünaslar məsələni bir daha müzakirə etməlidir. Hüquqşünas qiyafəsindən çıxanda qanunun mahiyyətinin iqtisadi qanununverciliyin hüquqi qanunvercilikdən üstün olmasının əsas prinsip olduğunu anlamağa imkan verir. 

Bununla yanaşı Ələt azad iqtisadi zonasında məhkəmə yaradılmalıdır. Qazaxıstanda yalnız beynəlxalq qanunlara uyğunlaşdırılan  məhkəmə var. Buna uyğun bir məhkəmə Ələt azad iqtisadi zonasından yaratmalıyıq. Nəzərə almalıyıq ki, bu qanun investorlar üçündür. Bu gün biz beynəlxalq qaydalara uyğun hazırlamasaq, heç bir investor həmin əraziyə gəlməyəcək. Hesab edirəm ki, bu mənada qanuna səs verməliyik. Dünya təcrübəsində belə təcrübə var ki, daha çox güzəşt edənlər ölkəsinə daha çox qazanc gətirilməsinə imkan yaradır. Bütün deputat yoldaşlarımızı bu qanuna səs verməyə çağırıram”.

Vasif Həsənli
Ölkə.Az

ŞƏRH YAZ
0

SOCAR və BP arasında saziş imzalandı

SOCAR və BP arasında saziş imzalandı
21:15
Bu gün
130
İqtisadiyyat
A
SOCAR və BP bu gün Xəzər dənizinin Azərbaycan sektorunda Şimali Abşeron hövzəsindəki D230 blokunun birgə kəşfiyyatı və işlənməsi üçün hasilatın pay bölgüsü haqqında yeni saziş (HPBS) imzalayıblar.

"Ölkə.Az"ın SOCAR-ın saytına istinadən verdiyi məlumata görə, saziş Azərbaycan prezidenti İlham Əliyev və Böyük Britaniyanın baş naziri Tereza Meyin iştirakı ilə London şəhərində SOCAR-ın prezidenti Rövnəq Abdullayev və BP Qrupunun baş icraçı direktoru Bob Dadli tərəfindən imzalanıb.

İmzalanma mərasimində çıxış edən SOCAR-ın prezidenti Rövnəq Abdullayev bildirib ki, imzalanan saziş bərabər və ədalətli əsaslar üzərində qurulub:

 “Bizim BP ilə artıq uzunmüddətli əməkdaşlıq ənənəmiz formalaşıb. Əminəm ki, hər iki şirkətin malik olduğu müasir neft-qaz texnologiyaları və unikal tarixi təcrübə sayəsində bu əməkdaşlıq öz uğur silsiləsini davam etdirəcək.

Bu gün imzalanan saziş bərabər və ədalətli əsaslar üzərində qurulub və Azərbaycanın təbii ehtiyatlarının ortaq şəkildə maksimum səmərə ilə reallaşdırılması istiqamətində mühüm rol oynayacaq.”

B. Dadli isə qeyd edib ki, bu saziş Azərbaycanda uzunmüddətli hasilatı dəstəkləmək, SOCAR və BP-nin Xəzərdə əlavə imkanların araşdırılması məqsədi ilə yeni birgə səylərinə söykənir:

“25 ildən çoxdur ki, biz bu regionda fəaliyyət göstəririk və inanırıq ki, burada hələ də əhəmiyyətli neft və qaz potensialı mövcuddur. Biz SOCAR və digər tərəfdaşlarımızla sıx işləyərək geoloji kəşfiyyat işləri aparmaqla və qarşıdan gələn onilliklərdə Xəzərin gələcəyini təmin etməyə yardımçı olmaqla Azərbaycandakı əhəmiyyətli biznesimizi artırmaqda davam edəcəyik”.

D230 bloku Xəzər dənizində Bakının şimal-şərq istiqamətində təxminən 135 kilometr (84 mil) məsafədə yerləşir. Blok təxminən 3200 kvadrat kilometr ərazini əhatə edir.

Blokun məhsuldar laylarının gözlənilən dərinliyi təxminən 3500 metrdir. 25 illik müddəti əhatə edən HPBS-ə əsasən BP 50 faiz iştirak payına malik olmaqla kəşfiyyat dövründə operator olacaq, iştirak payının digər 50 faizi isə SOCAR-a məxsus olacaq.

Bundan əvvəl, 2016-cı ilin may ayında, D230 blokunda geoloji kəşfiyyat işlərinin aparılması haqqında SOCAR-la Qarşılıqlı Anlaşma Memorandumu imzalanıb.

Ölkə.Az

ŞƏRH YAZ
0

Dolların sabaha olan məzənnəsi

Dolların sabaha olan məzənnəsi
18:15
Bu gün
186
İqtisadiyyat
A
Azərbaycan Mərkəzi Bankı (AMB) sabaha olan USD/AZN rəsmi məzənnəsini açıqlayıb.

AMB-dən "Ölkə.Az"a verilən məlumata görə, USD/AZN rəsmi məzənnəsi 1,7000 səviyyəsində müəyyən olunub.

ŞƏRH YAZ
0
BAĞLA