Deputat Əli Əsədovdan YAZDI

Deputat Əli Əsədovdan YAZDI
18:33
09.10.2019
1434
Siyasət
A
“2000- ci illərin ortalarında Bakı şəhərində aparılan abadlıq, quruculuq işləri cənab Prezidenti qane etmirdi və şəhərdə yenidənqurma işlərinə şəxsən özü rəhbərlik etməyə başladı. Əsas layihələrin icrasını isə Əli Əsədova həvalə etdi. Qısa müddət keçəndən sonra bir birinin ardınca artıq şəhərimizin simvollarına çevrilmiş saraylar, ən müasir dünya standartlarına uyğun məktəblər tikildi, çoxsaylı mədəniyyət obyektləri, parklar, abadlaşdırıldı. Bakının tarixi hissəsi restavrasiya olundu və s”.

“Ölkə.Az” xəbər verir ki, bunu deputat Nəsib Məhəməliyev yeni baş nazir Əli Əsədov haqqında mövqeyini şərh edən yazısında qeyd edib.

“Adətən ayrı-ayrı subyektlər barədə yox daha çox obyektiv proseslər barədə yazı yazmaq mənim üçün daha rahat olduğuna görə, bu yazını yazmağa bir az tərəddüd edirdim. İndiki halda söhbət açdığım şəxsiyyətin ən yüksək insani keyfiyyətlərə malik olması, istənilən insanla dil tapmaq bacarığı, öz rəhbərinə sədaqəti məni öz stereotiplərimdən imtina etməyə vadar etdi. Zamanında yaxşı işləri qeyd etməsən. sonra vicdanın ağrıya bilər”- deyə deputat bildirib.

O, əlavə edib ki, Azərbaycan  Prezidenti İlham Əliyevin təqdimatına əsasən Əli Əsədovun Baş nazir postuna namizədliyi parlamentdə  təsdiq olundu.
“Bu münasibətlə hörmətli Əli müəllimi təbrik edir, şərəfli və çətin vəzifədə uğurlar arzu edirəm.

Nazirlər kabineti demək olar ki, canlı bir orqanizmdir. Bu canlı orqanizmdə bütün orqanlar saat mexanizmi kimi dəqiq işləməlidir ki, cəmiyyətdə harmoniya təmin olunsun, təbəqələrarası balans pozulmasın. 

Nazirlər kabinetinə başçılıq edən insan isə iqtisadiyyatı, sosial sferanı, tikintini, kommunal təsərrüfatı, aqrar sektoru, kommunikasiyanı və digər sahələri yaxşı bilməli, eyni zamanda ən əsas məsələ olan mərkəzi icra hakimiyyəti orqanlarının koordinasiyasını təmin etməyi bacarmalıdır. Ona görə ki, bütün nazirliklərin və komitələrin işi bir biri ilə sıx şəkildə bağlıdır”, - deyə deputat qeyd edib.

Deputat onu da bildirib ki, Əli Əsədovla 10 ilə yaxın bir müddətdə bir çox layihələrin icrası zamanı, Əli müəllimlə sıx təmasda olduğum üçün cənab Prezidentin tapşırıqlarını operativ, vaxtından əvvəl dəqiqliklə, yüksək zövq və keyfiyyətlə yerinə yetirməsinin şahidi olmuşam: “Bir çox hallarda onun müzakirə olunan istənilən məsələyə müxtəlif rakursdan baxmaq bacarığını müşahidə etmişəm. Məhz bu keyfiyyət hər bir rəhbər vəzifəli şəxs üçün olduqca vacibdir.

Sadalanan bu keyfiyyətlərin hamısı hörmətli yeni Baş nazirimizdə cəmləşmişdir və Nazirlər kabinetinin işini yeni keyfiyyət müstəvisinə çıxaracağına şübhə yoxdur.

Respublikamız üçün uğurlu olsun”.

Mürtəza
Ölkə.Az

ŞƏRH YAZ
0

İlham Əliyev Pirşağı dəmir yolu stansiyasının açılışında — FOTO (YENİLƏNİB)

İlham Əliyev Pirşağı dəmir yolu stansiyasının açılışında
16:49
Bu gün
1221
Siyasət
A
Noyabrın 19-da “Azərbaycan Dəmir Yolları” Qapalı Səhmdar Cəmiyyətinin Abşeron dairəvi dəmir yolu xəttində aparılmış yenidənqurma işlərindən sonra Pirşağı stansiyasının açılışı olub.

"Ölkə.Az" xəbər verir ki, Azərbaycan Respublikasının Prezidenti İlham Əliyev açılışda iştirak edib.

Dövlətimizin başçısı stansiyanın rəmzi açılışını bildirən lenti kəsib.

“Azərbaycan Dəmir Yolları” Qapalı Səhmdar Cəmiyyətinin sədri Cavid Qurbanov Prezident İlham Əliyevə Abşeron dairəvi dəmir yolu xəttində aparılan yenidənqurma işləri və perspektiv planlar barədə məlumat verib.

Dövlətimizin başçısı Pirşağı stansiyasından qatarla “Zabrat-2” stansiyasına yola düşüb.

Abşeron dairəvi dəmir yolu xəttində ümumilikdə 17 stansiya və dayanacaq var.

Prezident İlham Əliyev “Zabrat-2” stansiyasına gəldi. Yenidənqurma işləri çərçivəsində bu stansiya da müasir səviyyəyə çatdırılıb.

Sonra dövlətimizin başçısı “Zabrat-2” stansiyasından Bakı Dəmir Yolu Vağzalına yola düşüb.

Bakı Dəmir Yolu Vağzalına gələn Prezident İlham Əliyevə burada “Defektoskop” infrastruktur-diaqnostika kompleksi barədə məlumat verilib.

Dövlətimizin başçısı burada bir qrup dəmiryolçu ilə görüşüb, son illərdə Azərbaycan dəmir yollarının inkişafı istiqamətində görülən işlərdən danışıb.

Sonra dövlətimizin başçısı metronun “28 May” stansiyasının qarşısında vətəndaşlarla görüşdü, onlarla söhbət edib.

Daha sonra Prezident İlham Əliyev Dəmir Yolu Muzeyi ilə tanış olub.

***

Noyabrın 19-da “Azərbaycan Dəmir Yolları” Qapalı Səhmdar Cəmiyyətinin Abşeron dairəvi dəmir yolu xəttində aparılmış yenidənqurma işlərindən sonra Pirşağı stansiyasının açılışı olub.

"Ölkə.Az" xəbər verir ki, Azərbaycan Respublikasının Prezidenti İlham Əliyev açılışda iştirak edib.

Dövlətimizin başçısı stansiyanın rəmzi açılışını bildirən lenti kəsib.

“Azərbaycan Dəmir Yolları” Qapalı Səhmdar Cəmiyyətinin sədri Cavid Qurbanov görülən işlər barədə Prezident İlham Əliyevə məlumat verib.

ŞƏRH YAZ
0

Prezident bu yolun yenidən qurulmasına beş milyon manat ayırdı

Prezident bu yolun yenidən qurulmasına beş milyon manat ayırdı
16:45
Bu gün
540
Siyasət
A
Azərbaycan Respublikası Prezidenti İlham Əliyev Ağsu–Kürdəmir–Bəhrəmtəpə (53 km)–Zərdab avtomobil yolunun yenidən qurulması ilə bağlı tədbirlər haqqında sərəncam imzalayıb.

Sərəncama əsasən. otuz beş min nəfər əhalinin yaşadığı 24 yaşayış məntəqəsini birləşdirən Ağsu–Kürdəmir–Bəhrəmtəpə (53 km)–Zərdab avtomobil yolunun yenidən qurulması məqsədilə Azərbaycan Respublikasının 2019-cu il dövlət büdcəsində nəzərdə tutulmuş Azərbaycan Respublikası Prezidentinin ehtiyat fondundan Azərbaycan Avtomobil Yolları Dövlət Agentliyinə ilkin olaraq beş milyon manat ayrılıb.

ŞƏRH YAZ
0
BAĞLA