Deputat: “Faşist siyasəti yürüdən Ermənistanı dəstəkləyən beynəlxalq təşkilatların sonu yoxdur”
Bunu “Ölkə.Az”a açıqlamasında millət vəkili Aydın Hüseynov deyib.
Onun sözlərinə görə, çox təəssüflər olsun ki, bu gün AŞPA, ATƏT kimi beynəlxalq təşkilatlar dildə bir söz deyib, əməldə isə tamamilə başqa cür hərəkət etməsi işğalçılığı, terroru, faşizm ideyalarına dəstək verməsi insanda ikrah hissi oyadır.
”Adını çəkdiyim və çəkmədiyim bəzi qurumlar bu gün faşizmi dövlət siyasəti səviyyəsində açıq formada həyata keçirən Ermənistanı dolayı yolla dəstəkləməsi onlara inam və etimadı sarsıdır. Çünki adı çəkilən beynəlxalq təşkilatlar faşistlərlə əməkdaşlıq etmiş Qareqin Njdenin İrəvanda heykəlinin qoyulmasına münasibət bildirilməməsi dediklərimizin bariz numunəsidir. Bu isə o anlama gəlir ki, AŞPA və bu kimi beynəlxalq təşkilatlar üzv olduqları ölkələrin heç də hamısına eyni münasibət bəsləmir və ayrı-seçkilik edirlər. Bu belə olmasaydı o zaman AŞPA və digər beynəlxalq təşkilatlar həm faşistlərlə əməkdaşlıq edən Qaregi Njdehə heykəl qoyulmasına, həm də ermənilərin milyona yaxın insanın hüquqlarını pozub, Azərbaycana qarşı işğalçılıq siyasətinə öz kəskin münasibətini bildirərdi. Təəssüf ki, bu kimi hallarda AŞPA rəhbərliyi tərəfindən məsələyə adekvat reaksiya verilmir. Cənab Prezidentin dediyi kimi:
“AŞPA kimin tərəfindədir? Faşistlərlə əməkdaşlıq etmiş Qaregin Njdeni dövlət səviyyəsində qəhrəmanlaşdıran Ermənistanın, yoxsa mədəniyyətlərarası və dinlərarası dialoqu özünün xarici siyasətinin əsas prioritetlərindən birinə çevirmiş Azərbaycanın?! Utanmasan, oynamağa nə var ki? Gör kim kimə faşist deyir? Sanki qədim Azərbaycan şəhərini həyasızcasına özününküləşdirmiş İrəvan şəhərində faşistə abidəni də Azərbaycan qoyub”.
Bu bir daha sübut edir ki, AŞPA erməni lobbisinin təsiri altındadır və sifariş icra edən bir quurma çevrilib. Lakin AŞPA-nın qərəzli, ədalətsiz və beynəlxalq hüququ nəzərə almadan qarayaxma kampaniyası Azərbaycanı siyasi iradəsindən , doğru və qanuni bildiyi yoldan uzaqlaşdıra bilməyəcək. Azərbaycan öz hədəflərinə doğru irəliləyəcək”, - deputat qeyd edib.
A.Hüseynov bildirib ki, hədəflər isə işğal altında olan torpaqların işğaldan azad edilməsi, Azərbaycanın qüdrətli, inkişaf etmiş ölkəyə çevrilib, sosial rifahın təmin olunduğu bir dövlətə çevrilməsidir:
“Ona görə də Azərbaycan ona qarşı səslənən uydurma ittihamların heç birini qəbul etməyəcək. Azərbaycanla hədə, şantaj dilində danışmaq olmaz. Azərbaycan AŞPA-nın qərəzli qətnamələrinin heç birini icra etməyəcəkdir. AŞPA isə bundan sonra da Azərbaycanla bütün körpüləri yandırmaq siyasətini davam etdirmək istəyirsə, bu onun öz seçimidir. Çünki Azərbaycan haqq yolundadır və kimsə bizi bu yoldan döndərə bilməz.Xalq cənab Prezident İlham Əliyevin ətrafında sıx birləşərək hədəflərə çatmaq istiqamətində ölkə başçısına hərtərəfli dəstək verir. Ona da əminik ki, yaxın gələcəkdə Azərbaycanın əsas problemi olan Qarabağ münaqişəsi də öz müsbət həllini tapacaq və torpaqlarımız işğaldan azad olunacaq. Azərbaycan bütün hədəflərinə çatacaq. O gün isə uzaqda deyil.Məqam yetişən kimi torpaqlar işğaldan azad dolunacaq. Buna kimsənin şübhəsi olmasın. 2016-cı il “Aprel döyüşləri” və 2018-ci il Naxçıvan döyüşləri bunun əyani sübutudur. O gün isə uzaqda deyil. Sadəcə Azərbaycan məqam gözləyir”.
Mürtəza
Ölkə.Az
