Deputat: Hər bir türk Qarabağ məsələsində dəstəyini göstərməlidir

Deputat: Hər bir türk Qarabağ məsələsində dəstəyini göstərməlidir
20:19
21.10.2018
700
Siyasət
A
"Bugünkü və gələcək nəsillərə birlik və bərabərliyimizin nə qədər vacib və önəmli olduğunu daha çox anlatmalıyıq. Bunun üçün isə ilk növbədə biz biri-birimizi daha yaxından tanımalıyıq, ortaq tariximizi, köklərimizi, mədəniyyətimizi, ədəbiyyatımızı, musiqimizi, keçmiş və bu günümüzü, problemlərimizi, gələcəyə baxışlarımızı gənclərimizin daha yaxşı bilməsinə çalışmalıyıq".

"Ölkə.Az" xəbər verir ki, bunu oxu.az-a açıqlamasında millət vəkili Qənirə Paşayeva deyib.

O, bildirib ki, bu gün həm Azərbaycan, həm Türkiyə bır sıra çətinliklərlə üz-üzədir.

Onun sözlərinə görə, Azərbaycan 30 ildən çoxdur ki, işğal, təcavüz faktından, qardaş Türkiyə isə ötən əsrin 80-ci illərinin ortalarından PKK terrorundan əziyyət çəkir, həmçinin, son illər Ərəb dünyasında, Yaxın və Orta Şərqdə yaşanan məlum qanlı olaylarla bağlı PYD, YPG, İŞİD terrorçu qruplaşmaları Türkiyəni hədəf almaqdadır:

“Ona görə də bizim daim bir arada olmağımız, aydınlarımızın, gənclərimizin hər zaman koordinasiyalı şəkildə fəaliyyət göstərməsi lazımdır.

Hər şeyi dövlətdən, dövlət rəhbərlərindən gözləmək olmaz.

Bizlər də öz fəaliyyətimizi ortaya qoymalı, birliyimizə töhfələrimizi verməliyik”.

Millət vəkili eyni zamanda, Azərbaycan xalqının hər zaman qardaş Türkiyənin yanında olduğunu xüsusi vurğulayıb və bütün Türk dünyasını, harada doğulub, harada yaşamasından asılı olmayaraq, hər bir türk insanını da buna çağırıb:

“Azərbaycan bizim olduğu qədər Türkiyənin, Türkiyə də Türkiyənin, qardaş türklərin olduğu qədər də bizimdir, bizim də Vətənimizdir.

Bu düşüncəyə və birliyə gəncliyimizin daha çox sahib olması gərəkir və inanıram ki, gənclərimizin əksəriyyəti məhz bu ruh və düşüncəyə sahib olacaqlar”.

Q. Paşayeva həmçinin deyib ki, hər bir türk insanı Qarabağ həqiqətlərinin dünyaya çatdırılması üçün çalışmalıdır, bu məsələdə Azərbaycana birmənalı dəstəyini verməlidir:

 “Bir türk xalqının, toplumunun problemi, bütün türk xalqlarının ortaq problemidir.

Ona görə də Türk dünyası ilə bağlı məsələlərdə bir-birimizə hər zaman böyük dəstək olmalıyıq.

Bu məsələdə xüsusilə, gənclərimizin üzərinə çox böyük missiya düşür ki, onlar da daha fəal olmalıdırlar”.

Ölkə.Az

ŞƏRH YAZ
0

Slovakiyanın Azərbaycanda səfirliyi açıla bilər

Slovakiyanın Azərbaycanda səfirliyi açıla bilər
23:13
13.11.2018
541
Siyasət
A
“Biz istərdik ki, səfərimiz münasibətlərimizin daha dinamik şəkildə inkişafına xidmət etsin”.

“Ölkə.Az” xəbər verir ki, bu sözləri Slovakiyanın Baş naziri Peter Pelleqrini Azərbaycan Respublikasının Prezidenti İlham Əliyevlə keçirilən geniş tərkibdə görüşdə deyib.

Slovakiya Respublikasının Baş naziri Peter Pelleqrini nümayəndə heyəti üzvlərinin Bakıda öz həmkarları ilə hökumətlərarası komissiyanın yaradılması, iqtisadi sahədə müqavilə-hüquq bazasının genişləndirilməsi ilə bağlı səmərəli danışıqlar apardıqlarını bildirib.
Görüşdə beynəlxalq təşkilatlar çərçivəsində əməkdaşlıq, investisiya, təhsil, turizm sahələrində əlaqələrin perspektivləri müzakirə olunub. Söhbət zamanı Slovakiyanın Azərbaycanda səfirliyinin açılmasının ikitərəfli münasibətlərin inkişafı baxımından əhəmiyyəti qeyd olunub.

Ölkə.Az

ŞƏRH YAZ
0

“Baş nazir təyin olunmasından qısa müddət sonra Azərbaycanı ziyarət edir” — İlham Əliyev işçi naharda

“Baş nazir təyin olunmasından qısa müddət sonra Azərbaycanı ziyarət edir”
22:58
13.11.2018
456
Siyasət
A
Azərbaycan Respublikasının Prezidenti İlham Əliyevin Slovakiya Respublikasının Baş naziri Peter Pelleqrini ilə təkbətək görüşü başa çatdıqdan sonra danışıqlar geniş tərkibdə davam etdirilib.

"Ölkə.Az" xəbər verir ki, görüşdə çıxış edən Azərbaycan Prezidenti İlham Əliyev deyib:

"Hörmətli cənab Baş nazir, hörmətli qonaqlar, Azərbaycana xoş gəlmisiniz. İndicə cənab Baş nazirlə ölkələrimiz arasında olan münasibətlər, gələcək planlar barədə çox önəmli və maraqlı söhbətimiz oldu. Bizi ziyarət etdiyiniz üçün Sizə bir daha təşəkkürümü bildirmək istəyirəm. Görüşdə dediyim kimi, münasibətlərimizin tarixində bu, Slovakiyanın Baş nazirinin ölkəmizə ilk səfəridir. Digər vacib fakt ondan ibarətdir ki, Baş nazir təyin olunmasından qısa müddət sonra Azərbaycanı ziyarət edir. Biz bunu hörmət, tərəfdaşlıq və Azərbaycana maraq əlaməti hesab edirik. Biz əməkdaşlığımızı inkişaf etdirmək istəyirik. Biz tərəfdaşlığın genişləndirilməsində böyük potensialı görürük və əminəm ki, səfər zamanı müzakirə olunan məsələlər gələcək tərəfdaşlıq üçün möhkəm zəmin yaradacaqdır.

İkitərəfli münasibətlərlə bağlı çoxlu işlər görülməlidir. Biznes dairələrinin bir araya toplaşması və gələcək planları müzakirə etməsi də bizi məmnun edir. Əlbəttə ki, biz siyasi, iqtisadi, nəqliyyat və digər sahələrdə əməkdaşlığımızı davam etdirəcəyik. Biz daşımalar sahəsində potensialı müzakirə etdik.

Əməkdaşlığımızın vacib hissəsi, həmçinin Azərbaycan-Avropa İttifaqı münasibətləridir. Bu münasibətlər yaxşı formadadır. Bu il biz "Tərəfdaşlıq prioritetləri” sənədini parafladıq və Azərbaycan ilə Avropa İttifaqı arasında bütün sahələri, o cümlədən siyasi, iqtisadi, sosial, nəqliyyat, enerji sahələrini əhatə edəcək yeni razılaşma üzrə danışıqların fəal mərhələsindəyik. Azərbaycan enerji təhlükəsizliyi sahəsində Avropa İttifaqı tərəfindən çox mühüm tərəfdaş hesab olunur. Bizim icra etdiyimiz layihələrin qitədə böyük miqyası var. Buna görə, cənab Baş nazir, əminəm ki, Sizin səfəriniz ölkələrimiz arasında münasibətlərin sürətli inkişafı üçün çox yaxşı imkanlar yaradacaq. Mən Sizə uğurlu səfər arzu edirəm".

Daha sonra Slovakiyanın Baş naziri Peter Pelleqrini çıxış edib.

Daha sonra Azərbaycan Prezidenti İlham Əliyev və Slovakiyanın Baş naziri Peter Pelleqrini işçi nahar ediblər.

Ölkə.Az

ŞƏRH YAZ
0
BAĞLA