Deputat: “Kadr islahatları xalqımızın rifah halının yaxşılaşmasına yönəldiyindən hamının ürəyincədir”
Bunu “Ölkə.Az”a açıqlamasında deputat Müşfiq Cəfərov Prezident İlham Əliyevin rayonlara yeni RİH başçılarını təyin etməsi və bir sıra digər rayon icra başçılarını azad etməsiə mövqeyini açıqlayarkən deyib.
Onun sözlərinə görə, bütün ictimaiyyət prezidentin həyata keçirdiyi kadr islahatlarını yüksək qiymətləndirir. “Kadr islahatları da daxil olmaqla bütün bu baş verənlər cəmiyyətin ən arzuladığı məsələlərdən biri idi. Prezident 2003-cü ildən etibarən davamlı olaraq islahatlar aparıb. Lakin 2018-ci ildə keçirilən prezident seçkilərindən sonra ölkəmizdə ciddi və hərtərəfli islahatlar prosesinə start verilib. 2018-ci ildən sonra Azərbaycan islahtlar prosesini yeni bir erasını yaşamaqdadır. Prezidentin korrupsiyaya qarşı həyata keçirdiyi mübarizə və son kadr islahatlarıda əvvəlki kimi bütövlükdə cəmiyyətin ürəyincə olduğundan siyasi qüvvələr və bütövlükdə cəmiyyət tərəfindən də dəstəklənir. Əminik ki, bu keçirilən islahatların nəticəsi həm dövlətimizin möhkəmlənməsinə həm də xalqımızın rifahına və mənafeyinə xidmət edəcək”- deputat bildirib.
Deputat onu da bildirib ki, son dövrlədə həyata keçirilən kadr islahatı isə yeni bir mərhələnin tələbidir və biz buna şahidlik edirik. “Xüsusən də cənab Prezidentin zamanında etdiyi xəbərdarlıqlardan nəticə çıxarmayan korrupsioner, rüşvətxor, yerində olmayan, vətəndaşları, sahibkarları incidən, onların pay torpaqlarına, aztəminatlı ailərlərə ayrılan sosial yardımlara göz dikən RİH başçıları və digər məmurların cəzalandırılması bunu deməyə əsas verir. Yeni təyinatları regionların inkişafı baxımdan yeni yol xəritəsi kimi dəyərləndirmək lazımdır. Çünki cənab Prezident onları qarşısında bölgələrin və rəhbərlik edəcəkləri rayonların inkişafı ilə bağlı konkret tapşırıqlar qoyar, onun icrasının yerinə yetirilməsini tələb edir.Ölkə başçısı yeni təyin olunan kadrlardan ancaq və ancaq rəhbərlik edəcəkləri rayonlarda xalqla sıx təmasda olub, onların bütün problemləri ilə yaxından maraqlanıb həllinə nail olmaqdır.
Prezidetin əsas məqsədi ölkədə vətəndaş mənunluğunun yaradılması, ölkənin iqtisadi inkişafının dayanıqlığını təmin edərək insanların sosial rifah halında yaşamasıdır. Bu hədəflərə nail olmaq üçünsə davamlı olaraq genişmiqyaslı islahatlar paketi qəbul olunaraq icra olunmaqdadır. Kadr islahatları da bunu tərkib hissəsidir. Çünki islahatların uğuru, peşəkar, savadlı, bacarıqlı kadrlardan asılıdır ki, bu da həyata keçirilməkdədir və bu proses davam edir”- deputat qeyd edib.
Deputat onu da əlavə edib ki, ölkə başçısı kadr siyasətində əsasən gənclərə üstünlük verərək, daha çox onlara etimad göstərir: “Bunu cənab Prezidentin həm gəncliyə olan diqqəti, həm də ölkənin gələcəyində, dövlət idarəçiliyində onlara verilən etimadın göstəricisi kimi dəyərləndirmək lazımdır. Elə ölkə başçısının istər rayonlara təyin etdiyi icra başçılarına, istərsə də digər vəzifələrə təyin etdiyi kadrlara nəzər salsaq bunun bariz şahidi ola bilərik. Bunu həm də yeni bir mərhələnin tələbi kimi qiymətləndirmək olar. Biz bunun ölkə başçısının təyin etdiyi yeni kadrları videokonfrans formatında qəbulu zamanı verdiyi tapşırıq və tövsiyyələrində görürük. Cənab Prezident təyin olunan kadrlardan işlərini yeni dövrün tələblərinə uyğun quraraq, fəaliyyətlərində neqativ hərəkətlərə, məmur özbaşınalığına yol verməmək, şəffaflığı, vətəndaş məmnunluğunu təmin etmək, xalqın yanında olub, problemlərini öyrənərək həllinə nail olmaq, sahibkarlığa dəstək vermək, yerli icra strukturlarına əlçatanlığı təmin etmək kimi şərtlər qarşılarına qoyur. Ölkə başçısı təyin olunan yeni kadrlarla görüşündə onlara deyib ki, fəaliyyətlərində rəhbərlik etdikləri rayonların inkişafına nail olmaq tələb olunur. Çünki bundan sonra ölkənin əsas inkişaf istiqaməti qeyri-neft sektorunun hesabına olacağından, bu sahənin inkişafına xüsusi diqqət yetiriləcək. Bunun üçün də bölgələrdə sahibkarlıq, kənd təsərrüfatı sektoru, qeyri-neft sektorunun digər sahələri inkişaf etdirilməlidir. Bu inkişaf da uğurlu kadrlardan asılıdır. Ümid edirəm ki, təyin olunan kadrlar da cənab Prezidentin onlara göstərdiyi etimadı doğruldacaq və ölkəmizin yeni inkişaf mərəhələsinə qədəm qoymasında öz xidmətlərini göstərəcəklər”.
Mürtəza
Ölkə.Az