Deputat Milli Məclisdə maaşların artırılmasını təklif etdi

Deputat Milli Məclisdə maaşların artırılmasını təklif etdi
13:39
21.05.2019
3300
Siyasət
A
Azərbaycanda islahatlar getdiyindən, bu islahatlar yeni çağırışlara səbəb olur və buna cavab vermək lazımdır.

“Ölkə.Az” xəbər verir ki, bunu deputat Əli Məsimli Milli Məclisdə çıxışı zamanı deyib.

 Onun sözlərinə görə,  ancaq Vergi və Gömrük Komitəsi həyata keçirilən islahatlardan irəli gələn çağırışlara cavab verməyə çalışır. 

“İslahatların effektivliyini təmin etmək üçün islahatlar tələbindən irəli gələn çağırışlara uyğun həyata keçirilməlidir. Bu qurumlar ölkədə kölgə iqtisadiyyatının daraldılması, şəffaflığın təmin edilməsi istiqamətində ciddi işlər görməlidir”- deputat bildirib.

O, eyni zamanda əlavə edib ki, büdcənin formalaşdırılmasında  və büdcə vəsaitlərinin xərclənməsi məsələsinə yeni fəlsəfə ilə yanaşmalıdır: 
“İslahatlar o zaman xalq tərəfindən dəstəklənəcək ki, bu islahatlar sosial sahədə həyata keçirilsin. Sosial sahədəki islahatlar xalq tərəfindən o zaman dəstəklənəcək ki, bu islahatlar xalqın güzəranına təsir etsin”.

 Deputat Maliyyə Nazirliyinə sosial təşəbbüslərlə çıxış etməsini təklif edib: “Maliyyə Nazirliyi sosial problemlərin həlli ilə bağlı  təşəbbüslə çıxış etməlidir. Nazirliyin buna imkanları var”.

Ə.Məsimli onu da  bildirib ki, azad bazar iqtisadiyyatına, xüsusən də kiçik biznesə dəstək verməlidir: “Əgər  kiçik biznesə dəstək verilsə, büdcənin xərclərinin kəskin azalmasına gətirib çıxara bilər. Ona görə də istər büdcənin formalaşdırılmasına, istərsə də  islahatlara yeni baxış olmalıdır”.
 Ə. Məsimli həmçinin maaşların artırılması təklifi ilə çıxış edib.

Mürtəza
Ölkə.Az

ŞƏRH YAZ
0

Quterreş ehtiyatlı danışdı: “Dәqiq mәlumat verәnlәri dәstәklәyәcәyik”

Quterreş ehtiyatlı danışdı: “Dәqiq mәlumat verәnlәri dәstәklәyәcәyik”
21:54
15.06.2019
708
Siyasət
A
Birlәşmiş Millәtlәr Tәşkilatının baş katibi Antonio Quterreş Әrәb Dövlәtlәri Liqasının baş katibi Әhmәd Aboul Geitlә BMT-nin Nyu-Yorkdakı mәrkәzi qәrargahında keçirdiyi görüşdәn sonra jurnalistlәrә bәyanat verib.

“Ölkə.Az” TRT-yə istinadən xəbər verir ki, Antonio Quterreş Oman körfәzindә neft tankerinә tәşkil edilәn hücumdan sonra ABŞ ilә İran arasında vəziyyətin gərginləşməsindən danışıb.

O bildirib ki, hücumla bağlı dәqiq mәlumat verәnlәri dәstәklәcəklər.

Qeyd edәk ki, dünәn Oman körfәzindә hücuma mәruz qalan iki tanker ABŞ donanmasından kömәk istәyib. ABŞ isә hücuma görә İranın mәsuliyyәt daşıdığını bildirib.

Ölkə.Az

ŞƏRH YAZ
0

Qubalı alpinistdən Prezidentə Milli Qurtuluş Günü münasibətilə HƏDİYYƏ

Qubalı alpinistdən Prezidentə Milli Qurtuluş Günü münasibətilə HƏDİYYƏ
17:12
15.06.2019
839
Siyasət
A
Quba rayon sakini Elnur Zeynalov ölkə başçısına olan sevgi və hörmətini özünəməxsus şəkildə nümayiş etdirib.

"Ölkə.Az" Report-a istinadən xəbər verir ki, o, 15 iyun – Milli Qurtuluş Günü münasibətilə Böyük Qafqaz dağlarının Babadağ zivəsində Prezident İlham Əliyevin rəsmini qaya üzərinə çəkib.

10 ildir alpinizmlə məşğul olan Elnurun sözlərinə görə, bu, onun çoxdankı arzusu olub. Bundan əvvəl isə o, ümummili lider Heydər Əliyevin məşhur “Mən fəxr edirəm ki, Azərbaycanlıyam” sözlərini zirvəyə qeyd etmişdi.

Həvəskar dağ rəssamı gələcək fəaliyyətini ölkə xaricində yerləşən zirvələrdən birində davam etdirməyi hədəfləyir. Lakin növbəti dəfə çəkəcəyi rəsmi hələ ki, sirr olaraq saxlayır.

Ölkə.Az

ŞƏRH YAZ
0
BAĞLA