Deputat Mir Şahinin müdafiəsinə qalxdı — “O ifadənin bəlli ünvanı var”

Deputat Mir Şahinin müdafiəsinə qalxdı
12:47
13.03.2018
3533
Siyasət
A
Milli Məclisin deputatı Fazil Mustafa tanınmış telejurnalist Mir Şahin Ağayevin müdafiəsinə qalxıb.

“Ölkə.Az”ın məlumatına görə, F.Mustafa Mir Şahin Ağayevin  televiziya kanalı açmasını təqdir edib:

“Mir Şahin kimi sözün gerçək mənasında peşəkar və istedadlı bir media kapitanının televiziya kanalı açması çox müsbət haldır. Azərbaycan istedadlı və peşəkar insanların qıtlığını yaşayan ölkədir, olub-qalan az sayda istedadlıları da qaragüruhçu zehniyyətlə linç etməyə imkan tanımaq olmaz”.

Fazil Mustafa son günlər sosial şəbəkədə müzakirə mövzusuna çevrilən və Mir Şahin tərəfindən işlədilən “ananızı və bacınızı söyməyəcəm… sevəcəm” fikrinə də münasibət bildirib: 

“Mir Şahinin məlum ifadəsinə gəldikdə isə, bunu adamın şəxsiyyətini təhqir edənlərə qarşı işlətdiyni anlamaq çətindir? Anadan, bacıdan bixəbər hansısa düdəmənin biri durub adamın peşəkar fəaliyyətini tənqid etmək əvəzinə, anadan, bacıdan başlayıb adamın şəxsiyyətini təhqir edirsə, hətta Mir Şahinin bu formada cavab vermə haqqını da tanımaq istəmirsiniz?

 Burada tərbiyəli və mədəni insanlara qarşı hansısa pis ifadə işlədilməyib ki? Ünvan bəlli, daha nədən rahatsızlıq yaranır? Kimisə sevməyə borclu deyilsiniz, fikrini, çıxışını bəyənmirsiniz tənqid edin, bu tamamilə sivil bir davranışdır. İndi adamın ailəsini, şəxsiyyətini təhqir edəndə deyirsiniz cavab da verilməsin? 

Mir Şahinə yeni və dar nəfəslikdə mümkün qədər ekoloji təmiz söz havası arzulayıram”.

Vasif Həsənli
Ölkə.Az

ŞƏRH YAZ
0

Oqtay Əsədov Zurabişvilinin andiçmə mərasimində iştirak edəcək

Oqtay Əsədov Zurabişvilinin andiçmə mərasimində iştirak edəcək
20:58
15.12.2018
2421
Siyasət
A
Dekabrın 16-da Milli Məclisin (MM) sədri Oqtay Əsədovun başçılıq etdiyi nümayəndə heyəti Gürcüstanın yeni seçilmiş prezidenti xanım Salome Zurabişvilinin andiçmə mərasimində iştirak etmək üçün bu ölkənin Telavi şəhərinə səfər edəcək.

"Ölkə.Az" bildirir ki, parlamentin mətbuat xidmətindən oxu.az-a bildiriblər ki, nümayəndə heyətinin tərkibinə MM-in Gürcüstanla parlamentlərarası əlaqələr üzrə İşçi Qrupunun rəhbəri Əflatun Amaşov, qrupun üzvü, deputat Hikmət Məmmədov və digər rəsmi şəxslər daxildir.

Parlamentin sədri inauqurasiya mərasimində ölkənin yeni seçilmiş prezidentini təbrik edəcək, ona gələcək fəaliyyətində uğurlar arzulayacaq.

Səfər dekabrın 17-də başa çatacaq.

Ölkə.Az

ŞƏRH YAZ
0

"Hüquq-mühafizə orqanları bu məsələdə öz sözünü deməlidir" — Deputatdan Mübariz İbrahimovu təhqir edən psixoloqla bağlı ÇAĞIRIŞ

18:19
15.12.2018
3083
Siyasət
A
Milli Məclisin deputatı, Xocalının keçmiş icra başçısı Elman Məmmədov psixoloq Nərmin Şahmarzadənin Azərbaycanın Milli Qəhrəmanı Mübariz İbrahimovu təhqir etməsi və ermənilər haqqında söylədiyi fikirlərə sərt şəkildə cavab verib.

Deputat "Ölkə.Az"a açıqlamasında bildirib ki, Azərbaycanın hüquq-mühafizə orqanları Nərmin Şahmarzadənin hərəkətləri ilə bağlı lazımı addımlar atmalıdır:

"Bu məsələ ilə bağlı həm dövlət qurumları, həm də insanlarımız çox kəskin münasibət bildirməlidir. Mübariz İbrahimov Azərbaycanın Milli Qəhrəmanı və şəhididir. Nərmin Şahmarzadə isə həm şəhid adını, həm də Milli Qəhrəmanı təhqir edir. Ona görə də hüquq-mühafizə orqanları bu məsələdə öz sözünü deməlidir. Eyni zamanda ictimaiyyət, xalq da öz etirazını bildirməlidir, Milli Qəhrəmanımızı, şəhidimizi müdafiə etməlidir. Xalqımız kütləvi şəkildə onun üzərinə getməlidir. Fərqi yoxdur, bu sözlə, mətbuatla, ictimai qınaqla olmalıdır. Xalq, millətə xəyanət edənlər belələri olur da! Bu adam çox murdar fikirlər səsləndirir. Mübariz İbrahimov bizim qürur, fəxr yerimizdir. Mübariz İbrahimovlar tək deyil, bizim minlərlə Mübariz İbrahimov kimi qəhrəmanlarımız var. Onlar öz canlarını Vətən yolunda fəda ediblər. Bu müqəddəsliyə bundan da betər toxunmaq olmaz. Mən onun bu cür hərəkətlərini lənətləyirəm, pisləyirəm. Hesab edirəm ki, Milli Qəhrəman və şəhid adını təhqir etdiyi üçün ona qarşı hüquq-mühafizə orqanları, ictimaiyyət, xalq, millət öz sözünü deməlidir".

E.Məmmədov deyib ki, Nərmin Şahmarzadə Azərbaycan xalqının heysiyyatı ilə oynayır:

"Bu adam psixoloq deyil, o psixdir".

Vasif Həsənli
Ölkə.Az

ŞƏRH YAZ
0
BAĞLA