Deputat pulun azlığından gileyləndi — “100 min manat bəs eləmir”

Deputat pulun azlığından gileyləndi
15:28
14.11.2017
4659
Siyasət
A
“2018-ci ildə neftin qiyməti 45 dollardan hesablanacaq. Neftin qiyməti 65 dollar olduğu halda, niyə belə olmalıdır. Biz bundan qorxmamalıyıq. Beynəlxalq təşkilatların əksəriyyəti neftin qiymətini 50 dollardan hesablayırlar”.

"Ölkə.Az" azvision.az-a istinadən xəbər verir ki, bunu Milli Məclisdə 2018-ci il üzrə dövlət və icmal büdcəsi layihələrinin müzakirəsi zamanı çıxış edən deputat Tahir Kərimli deyib. Deputat bildirib ki,neftin qiymətinə uyğun bir sıra sahələrə ayrılan vəsaitlər artırılmalıdır.

T.Kərimli Milli Məclisdə təmsil olunan siyasi partiyalara ayrılan vəsaitin artırılmasını da təklif edib: “Bir nümayəndəsi Milli Məclisdə təmsil olunan siyasi partiyaya il ərzində 100 minə yaxın vəsait ayrılır. Bu da aya, təxminən, 8 min manat edir. Siyasi partiyaların hər rayonda şöbələri fəaliyyət göstərməlidir, indi siz deyin, bu vəsait onların saxlanılmasına yetərmi?”.

ŞƏRH YAZ
0

Diasporla İş üzrə Dövlət Komitəsinin nümayəndə heyəti Vaşinqtonda növbəti görüşlərini keçirib — FOTO

Diasporla İş üzrə Dövlət Komitəsinin nümayəndə heyəti Vaşinqtonda növbəti görüşlərini keçirib
13:25
Bu gün
725
Siyasət
A
Amerikada səfərdə olan Diasporla İş üzrə Dövlət Komitəsinin nümayəndə heyəti Vaşinqtonda növbəti görüşlərini keçirib.

"Ölkə.Az"ın məlumatına görə, komitədən report-a verilən xəbərə görə, səfər çərçivəsində daha bir görüş Avrasiya Yəhudilərinə Dəstək üzrə Milli Koalisiyanın rəhbəri Mark Levinlə olub. 

Görüşdə diaspor təşkilatlarının fəaliyyəti, təcrübə mübadiləsi və əməkdaşlıq istiqamətləri müzakirə edilib. Dövlət Komitəsi tərəfindən son aylar görülən işlər, Koordinasiya Şuralarının formalaşması, yəhudi diasporu və digər təşkilatlarla əməkdaşlıq barədə fikir mübadiləsi aparılıb. Azərbaycanda yəhudi icmasının vəziyyəti, Azərbaycan-İsrail münasibətləri barədə danışan tərəflər gənclərlə bağlı həyata keçirilən layihələrdən də söhbət açıb. Sonda tərəflər əməkdaşlıq barədə müəyyən razılığa gəliib.

Vaşinqtonda növbəti görüş Türkiyə-Amerika Təşkilat Komitəsinin (TASC- Turkish-American Steering Committee) həmsədri Günay Evinç və Komitə üzvləri ilə keçirilib. Görüşdə Türk və Azərbaycan diasporları arasında əməkdaşlıq müzakirə edilib, Azərbaycan Respublikasının Diasporla İş üzrə Dövlət Komitəsi ilə Türkiyə Respublikasının Xaricdə Yaşayan Türklər və Əqrəba İcmalar İdarəsi arasında diaspor siyasəti sahəsində əməkdaşlığa dair Anlaşma Memorandumunun imzalandığı vurğulanıb. Memoranduma əsaslanaraq gələcəkdə əməkdaşlığı daha da dərinləşdirmək, vahid strategiya üzrə fəaliyyət göstərmək, xüsusilə Vaşinqton kimi dünyanın siyasi mərkəzləri olan şəhərlərdə birgə fəaliyyətin zəruriliyi vurğulanıb. Qərara alınıb ki, türk və Azərbaycan diasporlarının fəaliyyəti təhlil edilsin, problemlər müəyyənləşdirilsin və vahid strategiya hazırlansın. 

Nümayəndə heyəti Vaşinqtonda daha bir görüşü Amerika Yəhudi Komitəsinin icraçı direktorunun siyasət məsələləri üzrə müavini Jason İsaacson ilə keçirib. Görüşdə Azərbaycan-İsrail münasibətlərindən söhbət açılıb, Azərbaycanda yəhudi icmasının və İsraildə Azərbaycan icmasının vəziyyəti müzakirə edilib, əməkdaşlıq istiqamətləri barədə fikir mübadiləsi aparılıb. Gələcəkdə Azərbaycan həqiqətlərinin Amerika ictimaiyyətində daha geniş yayılımasına Amerika Yəhudi Komitəsi tərəfindən dəstək göstərilməsi istiqamətində əməkdaşlığa dair razılığa gəlinib. 

Günün ikinci yarısında isə, nümayəndə heyəti Corc Vaşinqton Universiteti nəzdində Tekstil muzeyində təşkil edilən “Azərbaycan Mədəniyyət Günü”nə qatılıb. Muzeydə ölkəmizin mədəni dəyərlərini özündə əks etdirən sərgi təşkil edilib, Azərbaycan mədəniyyətinə aid nümunələr təqdim olunub. Tədbirdə Azərbaycanın ABŞ-dakı səfiri Elin Süleymanov və Diasporla İş üzrə Dövlət Komitəsinin sədri Fuad Muradov çıxış edib. Səfirin açılış nitqindən sonra çıxış edən Komitə sədri soydaşlarımızı salamlayaraq ölkəmiz haqqında, son illər Azərbaycanda əldə edilən inkişaf dinamikası barədə məlumat verib və tədbirin əhəmiyyətindən danışıb. Belə tədbirlərin milli-mədəni irsin yaşadılması və təbliği baxımından zəruri olduğunu bildirib. Komitə sədri Azərbaycan həqiqətlərinin yayılması, milli-mədəni irsimizin qorunması və təbliğində gənclərin üzərinə düşən vəzifələri qeyd edib. Tədbir kiçik yaşlı soydaşlarımızın rəqslərindən ibarət bədii proqramla davam edib.

Tədbirdən sonra Azərbaycan Mədəniyyət Mərkəzində icma nümayəndələri ilə görüş keçirilib. Görüşdə soydaşlarımız, diaspor təşkilatlarının rəhbərləri və nümayəndələri, eləcə də digər dost xalqların diaspor nümayəndələri iştirak edib. Görüşdə Diasporla İş üzrə Dövlət Komitəsinin fəaliyyətinə dair videoçarx nümayiş edilib. Komitə sədri diaspor sahəsində görülən işlər barədə məlumat verərək, qarşıya qoyulan hədəflərdən söhbət açıb, birliyin, birgə fəaliyyətin zəruri olduğunu bildirib. Soydaşlarımızın, diaspor təşkilatlarının fikirləri və problemləri dinlənilib. 
Komitə sədri vurğulayıb ki, Azərbaycan dövləti hər zaman diasporun, soydaşlarımızın yanındadır. Xaricdə yaşayan soydaşlarımıza diqqət və qayğı hər zaman prioritet məsələdir. Görüşdə ABŞ-da yaşayan soydaşlarımızla Dövlət Komitəsi arasında əlaqələrin intensivləşdirilməsi istiqamətində də müzakirələr aparılıb. 

Görüşlərdə Azərbaycanın ABŞ-dakı səfiri Elin Süleymanov da iştirak edib.

Ölkə.Az

ŞƏRH YAZ
0

“Bako Saakyanın səfəri rəsmi Parisin Dağlıq Qarabağ münaqişəsində mövqeyini dəyişə bilməz“ — Fransalı ekspert

“Bako Saakyanın səfəri rəsmi Parisin Dağlıq Qarabağ münaqişəsində mövqeyini dəyişə bilməz“
13:07
Bu gün
337
Siyasət
A
“Fransa Ermənistan tərəfindən işğal olunmuş 20 faiz torpaqlar da daxil olmaqla, BMT-nin Azərbaycanın ərazi bütövlüyünü təsdiqləyən qətnamələrini dəstəkləyir və bu münaqişənin sülh yolu ilə həllinə çalışır“.

"Ölkə.Az" bildirir ki, bunu “Report“un Qərbi Avropa bürosuna açıqlamasında Fransanın Avropada Prospektiv və Təhlükəsizlik İnstitutunun prezidenti Emmanüel Düpüy (Emmanuel Dupuy) bildirib.

“Azərbaycanın işğal edilmiş ərazilərində yaradılmış qondarma rejimin rəhbəri kimi özünü təqdim edən Bako Saakyanın Fransaya səfəri heç bir əhəmiyyət daşımır. Bu qondarma respublikanın nümayəndə heyəti hər 6 aydan bir Fransadadır. Bu, Fransanın 1992-ci ildən ATƏT-in Minsk qrupunun həmsədri kimi böyük əhəmiyyətə malik tərəfdaş olduğunu sübut edir. Lakin səfərlərə xüsusi əhəmiyyət verməyin mənası yoxdur, çünki onlar Fransanın bu məsələdə mövqeyini dəyişə bilməzlər. Fransa hökuməti Xarici İşlər Nazirliyi vasitəsilə dəfələrlə bu məsələdə öz mövqeyini birmənalı şəkildə bildirib. Fransa Ermənistan tərəfindən işğal olunmuş 20 faiz torpaqlar da daxil olmaqla, BMT-nin Azərbaycanın ərazi bütövlüyünü təsdiqləyən qətnamələrini dəstəkləyir və bu münaqişənin sülh yolu ilə həllinə çalışır", - deyə o bildirib.

Ekspert bu səfərlərin Fransa ilə Azərbaycan arasındakı ikitərəfli münasibətlərə də təsir edəcəyini düşünmür: "Lakin Fransa bu qondarma respublikanın nümayəndələrinin Parisə gəlmələrinə heç nə deyə bilmir. Çünki səfərlər Fransanın dəvəti ilə baş tutmayıb və bu səfərlər zamanı heç bir Fransa dövlətinin rəsmisi ilə görüşlər keçirilməyib".

Ölkə.Az

ŞƏRH YAZ
1
BAĞLA