AXTAR

Axtarışın nəticələri

Bütün nəticələr
28 İyun 2017

Deputat Rövşən Rzayevdən sərt ittiham: “Avropa Parlamentinin qətnaməsi araşdırılacaq”

Milli Məclisin Hüquq siyasəti və dövlət quruculuğu komitəsinin sədr müavini, deputat Rövşən Rzayev Avropa Parlamentinin Əfqan Muxtarlı ilə bağlı qəbul etdiyi qərəzli qətnaməyə münasibət bildirib.

16.06.2017 17:40 Bölmə: Siyasət Oxunma sayı: 731
A- A A+

R.Rzayev “Ölkə.Az”-a açıqlamasında deyib ki, bu qərar Azərbaycan əleyhinə qarayaxma kampaniyası aparan bir qrup insanın təşəbbüsü ilə qəbul edilib. 

Onun sözlərinə görə, hər hansı bir məsələ barədə dərindən araşdırma aparılmadan, məsələni öyrənmədən qərar qəbul etmək düzgün hərəkət deyil: 

“Çox təəssüf ki, Azərbaycana qarşı növbəti dəfə qondarma və əsası olmayan bir qərar qəbul edilib. Hesab edirəm ki, sözügedən qətnamə araşdırılacaq və Avropa Parlamentində ədalətli mövqe səsləndiriləcək”. 

Deputat qeyd edib ki, bu cür qərarların arxasında birmənalı olaraq erməni lobbisi dayanır: 

“Azərbaycana qarşı qəbul edilən bu cür qərarlar erməni lobbisinin apardığı siyasət nəticəsində baş verir. Bunun da əsas səbəbi odur ki, ermənilər özlərinin işğalçılıq siyasətini gizlətməyə və Dağlıq Qarabağ münaqişəsinin vaxtını uzatmağa çalışır. Ona görə də ermənilər bu cür çirkin əməllərə əl atırlar. Ancaq bütün bunlarla erməni lobbisi heç nəyə nail olmayacaq. Azərbaycan müstəqil və güclü demokratik dövlətdir. Azərbaycan dövləti öz xalqının və ərazisinin bütövlüyü uğrunda bundan sonra da ədalətli mübarizəsini davam etdirəcək”.

Vasif Həsənli
Ölkə.Az

Partner Xəbər