Fazil Mustafa: “Şəhid ailələrinə qan pulu verilməsində problemlər yaranıb”

Fazil Mustafa: “Şəhid ailələrinə qan pulu verilməsində problemlər yaranıb”
12:34
16.10.2018
2244
Siyasət
A
Prezidentin şəhid ailələrinə 11 min manat sığorta haqqının ödənilməsi barədə sərəncamı çox yüksək addımdır. Biz, hər birimiz buna görə sevindik. Amma əksər şəhid ailələri bu imkandan yararlana bilmir. Müvafiq qurumlar onlara deyir ki, 90-cı illərdə “Azərisığorta”dan 50 min manat kompensasiya verilib. Şəhid ailələrinin üzvləri isə bu pulu almadıqlarını deyirlər.

“Ölkə.Az” xəbər verir ki, bu fikirləri Milli Məclisdə çıxışı zamanı deputat Fazil Mustafa deyib.

Deputat əlavə edib ki, dövlət qurumları elə vəziyyət yaradıb ki, bu vəsaitlərin vətəndaşlar tərəfindən alıb-almadığını vətəndaş özü sübut etməlidir:

“Bu doğru yanaşma deyil. Həmin qurumların özünün arxivi olmalıdır. Dövlət qurumları funksiyalarını yerinə yetirmirlər və şikayətçiləri Milli Məclisə yönəldirlər. Bəlkə də, bu insanların sayı çox deyil, amma bu insanların narazılığına cavab verməlidir. Ola bilərlər ki, onların arasında kimlərsə haqsızdır, lakin hər bir halda vətəndaşların müraciətləri dövlət tərəfindən araşdırılmalıdır”. F. Mustafa qeyd edib ki, zamanında Daxili İşlər Nazirliyi tərkibində döyüşlərdə iştirak edən şəxslər olub, lakin indi onların ailə üzvlərinə deyirlər ki, bu şəxslər şəhid statusuna malik deyil: “Bunu əsas gətirərək bildirilər ki, sizə kompensasiya verilə bilməz. Ancaq bu ailələr şəhid ailəsi kimi güzəştlərə malikdir. Qeyd edim ki,1990-cı illərdə verilən 50 min manat o dövrün şərtlərinə görə böyük pul olmayıb. Hesab edirəm ki, şəhid ailələrinə bu kompensasiya verilməlidir”. Qeyd edək ki, deputat Zahid Oruc, Qənirə Paşayeva və Aqil Abbas bu fikirləri müdafiə edib.

Vasif Həsənli 
Ölkə.Az

ŞƏRH YAZ
0

Moskvada Leyla Əliyevanın təşəbbüsü ilə açıq havada 28 May Respublika günü qeyd edilib

Moskvada Leyla Əliyevanın təşəbbüsü ilə açıq havada 28 May Respublika günü qeyd edilib
23:45
26.05.2019
580
Siyasət
A
Moskvada Leyla Əliyevanın təşəbbüsü ilə açıq havada 28 May Respublika günü qeyd edilib.

Moskvada 28 May Azərbaycanın dövlət bayramı – Respublika Günü münasibətilə Rusiyanın Azərbaycanlı Gənclər Birliyi tərəfində velotur təşkil edilib.

"Ölkə.Az" "Report"-a istinadən xəbər verir ki, Heydər Əliyev fondunun vitse-prezidenti, Rusiyanın Azərbaycanlı Gənclər Birliyinin rəhbəri Leyla Əliyevanın təşəbbüsü ilə keçirilən tədbir M.V Lomonosov adına Moskva Dövlət Universitetindən başlayaraq Qorki bağına kimi davam edib.

Rusiyanın müxtəlif universitetlərində təhsil alan 100-ə yaxın tələbə Azərbaycan və Rusiya bayraqları ilə 10 km-ə yaxın məsafəni qət edərək, Qorki bağında rusiyalılara Azərbaycan musiqisini və milli rəqslərini nümayiş etdiriblər.

Rusiyanın Azərbaycanlı Gənclər Birliyinin idarə heyətinin üzvü Ceyhun Hüseynov çıxışında Leyla Əliyevaya təşəkkürünü bildirərək, veleturun mahiyyətinin Azərbaycan həqiqətlərinin Rusiya cəmiyyətinə çatdırılması və gənclərdə vətənpərvərlik hissinin artırılması olduğunu qeyd edib.

Açıqlamasında isə Ceyhun Hüseynov 28 May Respublika gününün açıq havada təşkil olunmasında məqsədin moskvalıların və şəhərin qonaqlarının milli bayramımızla daha yaxından tanış olmamaları və gənclərə sağlam həyat tərzini aşılamaq olduğunu bildirib.

Ölkə.Az

ŞƏRH YAZ
0

Rusiyanın Perm vilayətində Respublika Günü qeyd edildi

Rusiyanın Perm vilayətində Respublika Günü qeyd edildi
23:05
26.05.2019
388
Siyasət
A
28 May – Respublika Günü münasibətilə Rusiyanın Perm şəhərində Azərbaycan diasporu bir araya gəlib.

"Ölkə.Az" xəbər verir ki, mərasim Azərbaycan və Rusiya dövlət himnlərinin ifası ilə başlayıb.
Tədbirdə ilk öncə çıxış edən Perm vilayətində Azərbaycan diasporunun rəhbəri Çingiz İsayev tədbir iştirakçılarını salamlayaraq bu bayramın bütün azərbaycanlılar üçün əziz və müqəddəs olduğunu vurğuladı və Müsəlman Şərqində ilk respublika olmuş Azərbaycan Xalq Cümhuriyyətinin xalqımızın demokratik əsaslarda qurulmuş müstəqil milli dövlətçiliyinin şanlı səhifəsi olduğundan bəhs etdi.
Daha sonra tədbirdə iştirak etmək üçün Permdə səfərdə olan Azərbaycan Diasporu İnformasiya Mərkəzi (ADİM) sədri Toğrul Allahverdili qeyd edib ki, Azərbaycanda dövlət müstəqilliyimizin əldə edilməsi və qorunması yolunda şəhid olan bacı və qardaşlarımızın qəhramanlığını qeyd edib. T. Allahverdili qeyd edib ki, “Bütün tarixi sınaqlardan keçmiş Azərbaycanın hal-hazırda Prezident İlham Əliyevin rəhbərliyi altında yeni-yeni uğurlara doğru irəlilədiyini söyləyən Səfir, ölkəmizin dünyada artan nüfuzunu qeyd etdi və dövlətimizin milli mənafelərə söykənən müstəqil çoxşaxəli xarici siyasətinin prioritetləri sistemində Rusiya Federasiyası ilə strateji xarakterli tərəfdaşlığın xüsusi yer tutduğunu vurğuladı.

Tədbirdə Gənclər Birliyinin sədri Rəşad Əkbərov və digər hənclər çıxış edərək xalqımızı Respubilka günü münasibəti ilə təbrik ediblər. 

Tədbir daha sonra Respubilka günü və Nəsiminin 650 illiyi münasibəti ilə filmlərin nümaişi ilə davam edib.

Ölkə.Az

ŞƏRH YAZ
0
BAĞLA