KORONAVİRUSA YOLUXANLARIN SAYI - CANLI STATİSTİKA

Deputat Vahid Əhmədovdan əhaliyə — ÇAĞIRIŞ

Deputat Vahid Əhmədovdan əhaliyə
23:15
04.06.2020
3403
Siyasət
A
"Dünyanı cənginə alan koronavirus epidemiyası təəssüf ki, bizim ölkəmizdən də yan keçmədi. Cari ilin fevral ayından yoluxma hallarının müəyyən edilməsi və tibbi personalın epidemiyaya qarşı səfərbər edilməsinə başlanıldı".

"Ölkə.Az" bildirir ki, bu barədə Modern.az-a danışan Milli Məclisin İqtisadi siyasət, sənaye və sahibkarlıq komitəsinin üzvü Vahid Əhmədiv bildirib ki, çox qısa müddət ərzində başda  ölkə prezidenti İlham Əliyev olmaqla, görülən  tədbirlər nəticəsində virusun  ölkəmizdə geniş yayılmasının qarşısı alınıb:

"Ölkə rəhbərliyi tərəfındən düşünülmüş  və ciddi adımlar atıldı. Operativ şəkildə xəstəxanalar müəyyənləşdirildi və onlara lazım olan  avadanlıqlar respublikaya gətirildi. Mart aprel aylarında virusun yayılmasının hərəkəti nəzarət altına alındı, yoluxma halları minimiuma endirildi. Bu  vəziyyət  Nazirlər  Kabineti  yanında  yaradılmış  qərargaha  imkan  verdiki  karantin  rejimi  yumşaldılsın. Yumşaldılmadan  keçən müddət ərzində təəssüf ki, yenidən  yoluxma hallarının sayı artmağa  başladı. Bu vəziyyətdə yeganə düzgün qərar karantin rejiminin sərtləşdirilməsidir. Bu əhalinin risklərdən qorunması üçün yeganə düzgün qərardır".

Parlamentari bu vəziyyətdə əhalini qəbul  edilən yeni karantin qaydalarına ciddi  riayət etməyi, özlərinin, ailə üzvlərinin və ətrafdakıların həyatını riskə atmamalarını tövsiyə  edib.

ŞƏRH YAZ
0

Rusiya ilə Ermənistan arasında yeni qalmaqal — Moskva Yerevandan izahat tələb etdi

Rusiya ilə Ermənistan arasında yeni qalmaqal
06:10
Bu gün
1296
Siyasət
A
Rusiya ilə Ermənistan arasında uçurum dərinləşir. İndi Ermənistanın İctimai Televiziyasında rusiyalı müxalifətçi Aleksey Navalnının yayımlanan videosu fonunda yeni qalmaqal yaranır. Yerevanın “Qraparak” qəzetinin məlumatına görə, “Azadlıq” radio stansiyasının erməni redaksiyasının müxbiri Aza Babayan Rusiyadan qovula bilər.

"Ölkə.Az" bildirir ki, “Armenia Today”ın iddiasına görə, radiostansiyanın erməni müxbiri Aza Babayan Ermənistanın Rusiya Federasiyasındakı səfirliyinin diplomatik arayışına (başqa bir versiyaya görə, ərinin sənədlərindən istifadə edib) sahibdir. Nəşr qeyd edir ki, jurnalistin həyat yoldaşı səfirliyin işçisidir.

Bildirildiyinə görə, “Azadlıq” radio stansiyasının jurnalisti müxtəlif tədbirlərdə maneəsiz iştirak edib, onun jurnalist kimi daxil olması qadağan olan müxtəlif qurumlara girişi olub. Qeyd olunur ki, müxbirlə əlaqədar hazırda “proses” başladılıb, hətta Rusiyadan qovulması da gündəmdədir. Rusiya tərəfi radiostansiyanın müxbirinin dövlət səviyyəsində himayəsi ilə əlaqədar Ermənistandan izahat tələb edib.

Ümumiyyətlə, burada qeyri-adi heç nə yoxdur. Yerevanda müntəzəm olaraq etiraz etməyə öyrədilən “narıncı" fəalların yığıncaqları keçirilir. Rusiyada buna çoxdan diqqət yetiriblər.

Bir çox erməni siyasi xadimləri Rusiyada hakimiyyət dəyişikliyini xəyal etdiklərini gizlətmirlər. Öz ölkəsində deyil, məhz Rusiya Federasiyasında... Beləliklə, “Sasna Tsrer” ümumerməni partiyasının liderlərindən olan Jirayr Səfilyan tezliklə “hazırkı rejimi” əvəz edəcəyini düşündüyü “Rusiyanın gələcək hakimiyyəti”nə müraciət edib.

Jirayr Səfilyanın hesab etdiyinə görə, “Ermənistanın şərq hissəsində iki yüz ildən də əvvəl qurulmuş Rusiyanın strateji hökmranlığı mərhələsi” başa çatır. Ermənistan artıq Rusiyanın forpostu və kolonial qarnizonu olmayacaq.

Erməni siyasətçi əmindir ki, Ermənistan “Rusiya üçün Rusiyanın Ermənistan üçün olduğundan 10 qat daha vacibdir. Bu baxımdan Ermənistanın alternativi var, Rusiyanın isə yoxdur”. Belə bir nəticənin nəyə görə çıxarıldığı çox aydın deyil. Uzaqdan isə tam əksi görünür.

Erməni fəal Samvel Aslikyan, öz növbəsində, məşhur rusiyalı jurnalist Vladimir Solovyovun Ermənistanın İctimai Televiziyasında rusiyalı müxalif lider Aleksey Navalnının videosunun nümayişinə verdiyi reaksiyaya münasibət bildirib:

“Navalnı kimdir - armenofob (yalnız Solovyovun dediyinə görə. Bu barədə başqa mənbələr görmədim), seksopatoloq və ya hindli – vecimə də deyil. Bu, sadəcə, siyasi anons idi. Ermənistanın qlobal problemləri olduğu halda, oturub bu barədə yazmaqdan mən özüm də şokdayam. Bu axmaq düzəlişlərə səs verən ermənilər mənim üçün Navalnıdan qat-qat aşağıdır”.media.az

ŞƏRH YAZ
0

Qarabağ müharibəsi əlilinə ev verilməməsi iddiasına nazirlikdən — MÜNASİBƏT

Qarabağ müharibəsi əlilinə ev verilməməsi iddiasına nazirlikdən
01:16
Bu gün
1264
Siyasət
A
Əmək və Əhalinin Sosial Müdafiəsi Nazirliyi II qrup Qarabağ müharibəsi əlili Rəhman Həsən oğlu Əzizzadənin mənzillə təmin edilməməsi ilə bağlı məsələyə münasibət bildirib.

"Ölkə.Az" xəbər verir ki, Nazirliyin İctimaiyyətlə əlaqələr və kommunikasiya şöbəsinin müdiri Fazil Talıbov bununla bağlı “Facebook”da paylaşım edib.

O qeyd edib ki, şəhid ailələri və Qarabağ müharibəsi əlillərinin mənzillə təminatı yerli icra hakimiyyəti orqanlarının məktubları əsasında növbəlillik qaydasında həyata keçirilir:

“Qaradağ rayon İH-dən Nazirliyə təqdim edilmiş mənzil növbəliliyi siyahısına əsasən, R.Əzizzadə 3 may 2016-cı il tarixdən mənzil növbəsinə dayanıb.

Hazırda qanunvericiliyə uyğun olaraq, Nazirlik 2014-cü il yanvarın 1-dək olan dövrdə mənzil növbəsinə dayanmış şəhid ailələri və Qarabağ müharibəsi əlillərinin mənzil və ya fərdi evlə təmin edilməsi işlərini aparır. Bu səbəbdən Rəhman Əzizzadənin mənzillə təminatı Nazirliyin səlahiyyəti xaricindədir.

Dövlət başçısının tapşırığına əsasən, şəhid ailələri və müharibə əlillərinin mənzillə təminatı proqramı ildən-ilə genişlənir. Buna misal olaraq, ötən il 934 mənzil verilibsə, cari ildə bu göstəricinin azı 1500 mənzil və fərdi ev olması nəzərdə tutulub”.oxu.az

ŞƏRH YAZ
0
BAĞLA