Deputat: “Vergi sahəsində aparılan istlahatlar ölkədə sahibkarlığın inkişafına gətirib çıxaracaq”

Deputat: “Vergi sahəsində aparılan istlahatlar ölkədə sahibkarlığın inkişafına gətirib çıxaracaq”
14:54
11.01.2018
14725
Siyasət
A
“Son vaxtlar Azərbaycanda vergi sahəsində aparılan istlahatlar ölkədə sahibkarlığın inkişafına gətirib çıxaracaq”.

Bunu “Ölkə.Az”-a açıqlamasında Milli Məclisin İqtisadi siyasət, sənaye və sahibkarlıq komitəsinin üzvü, deputat İmamverdi İsmayılov bildirib. 

Deputat vergi sistemində çalışan və sahibkarlarda narazılıq yaratmış şəxslərin işdən azad olunmasının ümsbət addım olduğunu söyləyib:

“Bu addımların atılması çox düzgün qərardır. İmkan verilməlidir ki, Azərbaycanda sahibkarlıq yüksək səviyyədə inkişaf etsin. Bu Azərbaycan dövlətinin müstəqilliyinin möhkəmlənməsi və iqtisadiyyatının inkişafı üçün çox vacib şərtdir. Azərbaycanda aparılan vergi islahatları ölkədə gedən mütərəqqi inkişaflara adekvat cavab verməlidir. İnanıram ki, yeni təyin olunan vergilər naziri tərəfindən də bu istiqamətdə işlər uğurla davam etdiriləcək”.

İ.İsmayılov qeyd edib ki, Mikayıl Cabbarovun vergilər naziri təyin edilməsi çox uğurlu addımdır:

“Cənab Prezident çox düzgün qərar verərək, Mikayıl Cabbarovu vergilər naziri təyin edib. İnanırıq ki, yeni nazir mövcud olan nöqsanların aradan qaldırılması üçün əlindən gələni edəcək”.

Vasif Həsənli
Ölkə.Az

ŞƏRH YAZ
0

Hindistan və Azərbaycan enerji sahəsində əməkdaşlığı genişləndirir

Hindistan və Azərbaycan enerji sahəsində əməkdaşlığı genişləndirir
19:31
Bu gün
150
Siyasət
A
Hindistanın Azərbaycandakı səfiri Sanjay Rana iki ölkə arasında enerji sahəsində, o cümlədən bərpa olunan enerji sahəsində əməkdaşlıqla bağlı məsələləri müzakirə etmək məqsədilə Energetika Naziri cənab Pərviz Şahbazovla görüşüb.

Bu barədə Hindistanın Azərbaycandakı Səfirliyindən AzVision.az-a daxil olan məlumatda bildirilir. 

Səfir Rana qeyd edib ki, Hindistan Azərbaycanın "Azəri-Çıraq-Günəşli" layihəsi üzrə məhsulun pay bölgüsündə Hindistanın ONGC Videsh Ltd neft şirkətinin iştirakından məmnundur. Səfir Hindistan şirkətlərinin energetika və neft-kimya sahələrində apstrim və daunstrim layihələrində iştirak etməkdə maraqlı olduqlarını bildirib. 
Nazir Şahbazov Hindistan şirkətlərinin Azərbaycandakı layihələrə marağını alqışladığını bildirdi. O, həmçinin Hindistan şirkətlərini bərpa olunan enerji layihələrinə, xüsusilə Azərbaycanda külək və günəş enerjisinə investisiya yatırmağı nəzərdən keçirməyə dəvət etdi və hökumətin bu sahədə yerli və xarici investorların iştirakını asanlaşdırmaq üçün yeni qaydalar hazırladığını qeyd etdi.

Səfir Rana Hindistanın bilik və bacarıqların artırılması sahəsində Azərbaycan Respublikasının Alternativ və Bərpa Olunan Enerji Mənbələri üzrə Dövlət Agentliyi (ABOEMDA) ilə əməkdaşlığı daha da inkişaf etdirmək niyyətində olduğunu və ABOEMDA-nin bir çox əməkdaşlarının Hindistanın Texniki və İqtisadi Əməkdaşlıq (ITEC) proqramı çərçivəsində Hindistanda keçirilən təlim kurslarında iştirak etdiklərini bildirdi. Hindistan və Azərbaycan gələcək illərdə iki ölkə arasında ticarət və investisiya üçün daha çox imkanlar yaradacaq Beynəlxalq Şimal-Cənub Nəqliyyat Dəhlizinin inkişafında tərəfdaşlıq edirlər. Qeyd olunub ki, 2015-ci ilin noyabr ayında Hindistan, Fransa və Birləşmiş Millətlər Təşkilatı tərəfindən iki tropik qurşaq arasında yerləşən günəş işığı ilə zəngin ölkələrin birliyi olan və bu ölkələrin enerji ehtiyaclarının həlli yollarının birgə tapılması, birgə səylər vasitəsilə günəş enerjisinin istifadəsinin genişləndirməsi və iş yerlərinin yaradılması məqsədilə Beynəlxalq Günəş İttifaqı (BGA) təşkil olunub. 2018-ci ilin mart ayında Nyu Dehlidə BGA-nın Təsis Sammitinə ev sahibliyi edən Hindistan iki tropik qurşaq arasında yerləşməyən, lakin zəngin günəş işığına malik olan Azərbaycanı İttifaqa tərəfdaş ölkə kimi qoşulmağa dəvət edib.

ŞƏRH YAZ
0

Koreya Respublikasının prezidenti İlham Əliyevi tıbrik etdi

Koreya Respublikasının prezidenti İlham Əliyevi tıbrik etdi
18:08
Bu gün
486
Siyasət
A
Koreya Respublikasının prezidenti Mun Ce-in İlham Əliyevi Azərbaycan prezidenti seçilməsi münasibəti ilə təbrik edib.

"Ölkə.Az"ın məlumatına görə, təbrikdə deyilir:

“Hörmətli cənab Prezident. Yenidən Azərbaycan Respublikasının Prezidenti seçilməyiniz münasibətilə Sizi Koreya Respublikasının hökuməti və xalqı adından ürəkdən təbrik edirəm. Yüksək səviyyəli liderliyinizin Azərbaycanın davamlı inkişafına öz töhfəsini verəcəyinə inanıram. 1992-ci ildə ölkələrimiz arasında diplomatik münasibətlər qurulduqdan sonra müxtəlif sahələrdə dostluq və əməkdaşlıq əlaqələri inkişaf etdirilib. Ümid edirik ki, qarşılıqlı faydalı və işgüzar əməkdaşlığımızı Zati-alinizlə birlikdə gələcəkdə də genişləndirəcəyik. Sizə cansağlığı, işlərinizdə müvəffəqiyyətlər, ölkənizə isə davamlı inkişaf arzulayıram”.

ŞƏRH YAZ
0
BAĞLA