Deputat: “Vergi sahəsində aparılan istlahatlar ölkədə sahibkarlığın inkişafına gətirib çıxaracaq”

Deputat: “Vergi sahəsində aparılan istlahatlar ölkədə sahibkarlığın inkişafına gətirib çıxaracaq”
14:54
11.01.2018
15110
Siyasət
A
“Son vaxtlar Azərbaycanda vergi sahəsində aparılan istlahatlar ölkədə sahibkarlığın inkişafına gətirib çıxaracaq”.

Bunu “Ölkə.Az”-a açıqlamasında Milli Məclisin İqtisadi siyasət, sənaye və sahibkarlıq komitəsinin üzvü, deputat İmamverdi İsmayılov bildirib. 

Deputat vergi sistemində çalışan və sahibkarlarda narazılıq yaratmış şəxslərin işdən azad olunmasının ümsbət addım olduğunu söyləyib:

“Bu addımların atılması çox düzgün qərardır. İmkan verilməlidir ki, Azərbaycanda sahibkarlıq yüksək səviyyədə inkişaf etsin. Bu Azərbaycan dövlətinin müstəqilliyinin möhkəmlənməsi və iqtisadiyyatının inkişafı üçün çox vacib şərtdir. Azərbaycanda aparılan vergi islahatları ölkədə gedən mütərəqqi inkişaflara adekvat cavab verməlidir. İnanıram ki, yeni təyin olunan vergilər naziri tərəfindən də bu istiqamətdə işlər uğurla davam etdiriləcək”.

İ.İsmayılov qeyd edib ki, Mikayıl Cabbarovun vergilər naziri təyin edilməsi çox uğurlu addımdır:

“Cənab Prezident çox düzgün qərar verərək, Mikayıl Cabbarovu vergilər naziri təyin edib. İnanırıq ki, yeni nazir mövcud olan nöqsanların aradan qaldırılması üçün əlindən gələni edəcək”.

Vasif Həsənli
Ölkə.Az

ŞƏRH YAZ
0

“Belə addımlar əlaqələrimizin inkişafına kölgə salır” — Səməd Seyidovdan Fransa açıqlaması

“Belə addımlar əlaqələrimizin inkişafına kölgə salır”
23:10
Bu gün
0
Siyasət
A
Milli Məclisin beynəlxalq münasibətlər və parlamentlərarası əlaqələr komitəsinin sədri Səməd Seyidov Fransanın Alforvil, Valans və Sent-Etyen şəhərlərinin merlərinin Azərbaycanın Ermənistan tərəfindən işğal olunmuş ərazilərinə qanunsuz səfərləri ilə bağlı AzərTac-a açıqlama verib.

"Ölkə.Az"ın məlumatına görə, Azərbaycan-Fransa münasibətlərinin ölkəmiz üçün önəmini qeyd edən Səməd Seyidov bildirib ki, iki ölkə arasındakı əlaqələr həm regionda sabitlik, həm də bölgənin inkişafı üçün böyük əhəmiyyət kəsb edir. Lakin təəssüf ki, son vaxtlar Fransanın bir neçə bələdiyyə rəhbəri tərəfindən Azərbaycan Respublikasının işğal edilmiş ərazilərinə qanunsuz səfərlər həyata keçirilib və bununla da beynəlxalq hüququn norma və prinsipləri, eləcə də Azərbaycanın qanunlarını kobud şəkildə pozulub. Fransada Azərbaycana qarşı qərəzli mövqe tutan xüsusi bir qrup fəaliyyət göstərir. Qondarma “Dağlıq Qarabağ rejimi” ilə dostluq qrupu bu istiqamətdə “böyük xidmətlər” göstərir. Xüsusilə Fransa parlamentinin sabiq üzvü Fransua Roşebluan erməni lobbisi tərəfindən maliyyələşdirilən, dəstəklənən, onun faktiki ruporuna çevrilən bir şəxsdir. O, açıq-aşkar şəkildə sifarişli, Azərbaycan-Fransa münasibətlərinə xələl gətirən fəaliyyətlə məşğuldur və onun ətrafına da bir qrup insan toplaşıb. Fransa bələdiyyə başçılarının bu səfərləri işğal və azərbaycanlıların etnik təmizlənməsi əsasında qurulan status-kvonun təşviqini həyata keçirmək baxımından birbaşa təxribatdır. Bunu başqa cür qiymətləndirmək mümkün deyil.

Fransa bələdiyyə başçılarının Azərbaycanın işğal olunmuş ərazilərinə qanunsuz səfərləri ölkələrimiz arasındakı münasibətlərin ruhuna ziddir

“Burada ən xoşagəlməz məqam ondan ibarətdir ki, bu bələdiyyə başçıları işğal olunmuş ərazilərə, xüsusilə Şuşaya, Laçına gedərək həmin ərazilərin qondarma rəhbərləri ilə “bəyannamələr”, “bəyanatlar” imzalayırlar. Belə sənədlərin imzalanması o deməkdir ki, Fransanın bələdiyyə başçıları Azərbaycan torpaqlarının işğalını, azərbaycanlıların əzəli, tarixi torpaqlarından etnik təmizlənmələrini qəbul edir, faktiki etnik təmizləmələri dəstəkləyirlər. Bu, öz-özlüyündə bir cinayətdir. Onu xüsusi qeyd etmək lazımdır ki, həmin yerli özünüidarəetmə orqanları Fransa və Azərbaycan arasında imzalanmış sazişlərə, sənədlərə zidd olaraq hərəkət edir, eyni zamanda, Fransanın özünün milli qanunvericiliyinə zidd və tam qanunsuz addımlar atırlar. Belə ki, Fransanın xarici işlər və Avropa məsələləri üzrə naziri və daxili işlər naziri tərəfindən bir neçə ay bundan əvvəl - 2018-ci il mayın 24-də “Yerli özünüidarəetmə orqanlarının xarici fəaliyyətinin hüquqi çərçivəsi” haqqında imzalanmış təmimi təlimat bu qurumları, yəni bələdiyyələri Fransanın beynəlxalq öhdəliklərinə hörmət etməyə çağırır və Fransa tərəfindən tanınmamış ərazi vahidlərinin separatçı qurumları ilə hər hansı şəkildə müqavilələrin bağlanmasını, səfərlərin həyata keçirilməsini və birgə tədbirlərin təşkilini qəti qadağan edir. Bu, Fransanın Xarici İşlər və Avropa Məsələləri üzrə Nazirliyi ilə Daxili İşlər Nazirliyi arasında imzalanmış bir sənəddir. Yəni, bu sənədə əsasən, Fransada fəaliyyət göstərən yerli özünüidarəetmə orqanları ölkənin xarici siyasətinə zidd olan bəyanatlar, səfərlər və digər bu kimi addımlardan çəkinməlidirlər. Fransa Konstitusiyasının 73-cü maddəsinə və yerli özünüidarəetmə qurumlarının ümumi kodeksinin L.1115-1 maddəsinə uyğun olaraq, qəbul edilmiş təmimi təlimat bu kimi, hərəkətləri qadağan edir. Ancaq təəssüflər olsun ki, biz Fransa qanunlarına, beynəlxalq hüququn norma və prinsiplərinə, həmçinin Azərbaycan-Fransa münasibətlərinin ruhuna zidd hərəkətlərin şahidi oluruq. Milli Məclisin beynəlxalq münasibətlər və parlamentlərarası əlaqələr komitəsinin sədri kimi, təəssüflə deməliyəm ki, Fransa hökuməti Azərbaycanın suverenliyi və ərazi bütövlüyü məsələlərinə dair bu sənədin müddəalarını dərhal yerinə yetirilməsi üçün müvafiq addımların atılması istiqamətində qətiyyət göstərmir. Hesab edirəm ki, Fransa hökuməti bu məsələ ilə bağlı qətiyyətli mövqe nümayiş etdirməlidir”,-deyə Səməd Seyidov vurğulayıb.

Minsk qrupunun həmsədri olan Fransa Ermənistan-Azərbaycan Dağlıq Qarabağ münaqişəsi ilə bağlı konkret mövqe ortaya qoymalıdır

Milli Məclisin komitə sədri qeyd edib ki, Fransanın ATƏT-in Minsk qrupunun həmsədri olduğunu nəzərə alsaq, bu ölkənin yerli özünüidarəetmə orqanları rəhbərlərinin hərəkətləri Ermənistan-Azərbaycan Dağlıq Qarabağ münaqişəsinin sülh yolu ilə həllinə də əngəllər yaradır, Fransanın vasitəçilik missiyasına ciddi xələl gətirir. Fransa ATƏT-in Minsk qrupunun həmsədri, həm də BMT-nin Təhlükəsizlik Şurasının üzvü olaraq Ermənistan qoşunlarının Azərbaycanın işğal olunmuş ərazilərindən dərhal çıxarılması ilə bağlı bəyanatlarla çıxış etməlidir. Konkret mövqe ortaya qoymalı, bu istiqamətdə işlər aparmalıdır. Təəssüflər olsun, biz bunu görmürük.

Azərbaycanın AŞPA-dakı nümayəndə heyətinin rəhbəri kimi Fransanın Strasburq şəhərinə səfərlər etdiyini bildirən Səməd Seyidov deyib: “Bu gün Fransada özünü mühacir adlandıran bir qrup şəxslər var və onlar terrora, zorakılığa çağırış edən bəyanatlar səsləndirirlər, faktiki terrorun təbliği ilə məşğuldurlar. Əfsus ki, biz Fransa hökuməti tərəfindən bu cür hərəkətlərin də qarşısının alınması ilə bağlı qətiyyətli addımlar atılmır.

Bu yaxınlarda Ermənistanda Frankofoniya adlı sammit keçirildi. Frankofoniya humanitar təşkilatdır, onun sammiti humanitar cinayəti törədən ölkədə keçirilib. Yəni, Xocalı soyqırımını törədən, Azərbaycan torpaqlarını işğal edən, həmin ərazilərdə qondarma rejim quran ölkənin paytaxtında humanitar tədbir təşkil olunur. Bu, bizdə çox ciddi narahatçılıq doğurur”.

Belə addımlar əlaqələrimizin inkişafına kölgə salır

Fransa-Azərbaycan münasibətlərinin yalnız mədəni əlaqələri, elmi mübadilələri və bu kimi məsələləri əhatə etmədiyini diqqətə çatdıran Milli Məclisin komitə sədri Səməd Seyidov bildirib ki, bu gün iki ölkə arasında güclü iqtisadi əlaqələr də mövcuddur. Azərbaycanda Fransa şirkətlərinin fəaliyyəti üçün çox yüksək səviyyədə şərait yaradılıb. Fransa şirkətlərinin ölkəmizdə həyata keçirdikləri layihələrin ümumi dəyəri 2 milyard dollardan çoxdur. Onların arasında “Total”, “Suez”, “Thales International” kimi böyük şirkətlər də var. Bu şirkətlər Azərbaycanda fəaliyyət göstərərək pul qazanırlar. Bu nöqteyi-nəzərdən, belə addımların əlaqələrimizin inkişafına kölgə salması göz qabağındadır.

“Hesab edirəm ki, belə səfərlər və Fransa hökuməti tərəfindən bu səfərlərə lazım olan qiymətin verilməməsi iqtisadi əlaqələrimizə ciddi xələl gətirə bilər. Biz bir vətəndaş, parlament üzvləri olaraq fikirləşməliyik ki, Azərbaycanın ərazi bütövlüyünə hörmət etməyən, qondarma rejimlə qeyri-qanuni sənədlər imzalayan, faktiki cinayəti dəstəkləyən, onu tanıyan, bələdiyyələrə lazım olan qiyməti verməyən ölkənin iş adamları ilə əlaqə qurmaq lazımdırmı?

Mən istərdim, Fransa tərəfi və bizim həmkarlarımız, tərəfdaşlarımız başa düşsünlər ki, Azərbaycan sülh, inkişaf istəyir. Biz Fransa-Azərbaycan münasibətlərinin ən yüksək səviyyədə inkişafını arzulayırıq. Ancaq beynəlxalq hüquq, Birləşmiş Millətlər Təşkilatının qəbul etdiyi qətnamələr, Avropa Şurasının, Avropa Parlamentinin, ATƏT-in sənədləri əsasında, ərazi bütövlüyümüz çərçivəsində, dünyanın heç bir ölkəsi tərəfindən tanınmayan qondarma rejimə dəstəyin verilməməsi istiqamətində aparılan işləri görmək istəyirik. Həm bələdiyyələrin, həm parlamentin, həm də hökumətin hiss olunan mövqeyini görmək istəyirik.

Ölkə.Az

ŞƏRH YAZ
0

Azərbaycan KTMT-yə daxil olacaq? — Məmmədyarovun Rusiya mətbuatına müsahibəsi

Azərbaycan KTMT-yə daxil olacaq?
21:29
Bu gün
1190
Siyasət
A
Azərbaycan Respublikasının xarici işlər naziri Elmar Məmmədyarov RİA Novosti-yə müsahibə verib.

"Ölkə.Az" xəbər verir ki, nazir Bakının Kollektiv Təhlükəsizlik Müqaviləsi Təşkilatına (KTMT) daxil olub-olmayacağı, Xəzərin hüquqi statusu haqqında Konvensiyanın nə vaxt ratifikasiya ediləcəyi, habelə Qarabağ münaqişəsinin nizamlanmasına dair danışıqlar prosesini kimin ləngitməsi barədə sualları cavablandırıb.

-Cənab nazir, biz sizinlə Aktauda Xəzər sammiti ərəfəsində söhbət etmişdik. Azərbaycan Xəzər dənizinin hüquqi statusu haqqında Konvensiyanın imzalanmasından iqtisadi sahədə hansı dividendlər əldə edəcək? Sazişin nə vaxt ratifikasiya edilməsi planlaşdırılır?

-İlk növbədə, vurğulamaq istəyirəm ki, Xəzər dənizinin hüquqi statusu haqqında Konvensiyanın imzalanması həqiqətən beş sahilyanı dövlətin xoş məramının əlaməti olan tarixi hadisədir. Ölkəmiz üçün bu sənədin əsas əhəmiyyəti sahilyanı dövlətlərin dənizin təbii ehtiyatlarından istifadə etmək üçün suveren və müstəsna hüquqlarını müəyyənləşdirməsindən ibarətdir. Beləliklə, Konvensiya neft-qaz sənayesi sahəsində müxtəlif layihələrin reallaşdırılmasının, habelə dənizdə digər təsərrüfat-iqtisadi fəaliyyətin həyata keçirilməsinin ardıcıllığını və təhlükəsizliyini təmin edir. Bundan əlavə, Konvensiya sahilyanı dövlətlərin suverenliyinin və müstəsna hüquqlarının şamil edildiyi ərazi sularını və balıq ovu zonalarını müəyyənləşdirir. Dəniz gəmiçiliyin sərbəstliyi və təhlükəsizliyi təmin olunur. Bu, Xəzər dənizində ticarətin və ölkələrimizin iqtisadiyyatının inkişafı baxımından müstəsna rol oynayır.

Konvensiyanın ratifikasiyası məsələsinə gəldikdə isə, ümid edirik ki, onu imzalamış ölkələr yaxın vaxtda zəruri dövlətdaxili prosedurları icra edə biləcəklər.

-Xəzərə dair işçi qrupun birinci görüşünün nə vaxt keçirilməsi gözlənilir? Danışıqların gündəliyindəki əsas məsələlər nədən ibarətdir?

-Məlum olduğu kimi, Konvensiyanın səmərəli şəkildə yerinə yetirilməsi və Xəzər dənizində əməkdaşlığın icmalı məqsədilə Aktau sammitində dövlət başçıları Xəzəryanı dövlətlərin səlahiyyətli nümayəndələri – xarici işlər nazirlərinin müavinləri səviyyəsində işçi qrup yaradılmasını qərara alıblar. Həmin qrupun ilk görüşünü bu il noyabr ayında Bakıda keçirmək planlaşdırılır. Bundan əlavə, dövlət başçıları sahilyanı ölkələrin ərazi sularının müəyyən edilməsi üçün ilk növbədə, Xəzər dənizində ilkin düz xətlərin müəyyən edilməsi metodikasına dair beştərəfli sazişin razılaşdırılmasına başlamaq barədə tapşırıq veriblər. Beştərəfli formatda danışıqların yeni mərhələsinin əsas gündəliyi bu məsələ olacaq.

-Qarabağ münaqişəsinin nizamlanmasına dair Azərbaycan və Ermənistan liderlərinin görüşü hazırlanırmı? Bu ilin sonunadək onların əlaqələri mümkündürmü?

-Azərbaycan münaqişənin mərhələli şəkildə nizamlanması prosesinə başlamaq məqsədilə substantiv danışıqları davam etdirməyə hazırdır. Bundan əlavə, əgər siz son zamanlar danışıqların gedişini izləyirsinizsə, görmüş olarsınız, məhz Bakı nəticə əldə edilməsinə - Azərbaycanın ərazilərinin işğalına son qoyulmasına, məcburi köçkünlərin, o cümlədən Dağlıq Qarabağın Azərbaycan icmasının nümayəndələrinin öz evlərinə təhlükəsiz və layiqli şəkildə qayıtmaları, daha sonra Azərbaycanın Dağlıq Qarabağ regionunun erməni və azərbaycanlı icmalarından ibarət əhalisi üçün geniş özünüidarə hüquqlarının təmin edilməsi üçün şərait yaradılmasına yönəlmiş məsuliyyətli dialoqu davam etdirməyin zəruriliyi barədə mövqeyini dəfələrlə səsləndirib.

MDB-nin Düşənbədə keçirilmiş sonuncu sammiti çərçivəsində Azərbaycan Respublikasının Prezidenti İlham Əliyev ilə Ermənistan Respublikasının Baş naziri arasında yüksək səviyyədə söhbət Azərbaycanın məzmunlu dialoqa hazır olduğunu göstərən əyani nümunədir. Təəssüf ki, Yerevanda hakimiyyətin dəyişməsi və hələ də müşahidə olunan siyasi turbulentlik bu prosesi müəyyən dərəcədə ləngidib. Ümidvarıq ki, Ermənistan rəhbərliyi yaxın vaxtlarda mövcud format çərçivəsində və məlum gündəlik əsasında danışıqlar prosesini davam etdirmək üçün siyasi iradə nümayiş etdirə biləcək.

-ABŞ Prezidentinin müşaviri Bolton bu həftə Azərbaycana gələcək. Amerikalı siyasətçinin sizin respublikanıza səfərinin gündəliyi nədən ibarətdir, hansı əsas mövzuları müzakirə etmək planlaşdırılır?

-Kifayət qədər çoxşaxəli xarici siyasi əlaqələr sisteminə malik olan Azərbaycan dünyada çox aktorlarla əlaqə saxlayır. BMT Təhlükəsizlik Şurasının beş daimi üzvündən biri və ATƏT-in Minsk qrupunun üç həmsədrindən biri olan Birləşmiş Ştatlar həm də o dövlətlər sırasına aiddir ki, Azərbaycanın onlarla dialoq üçün geniş məkanı var.

-Hazırda Azərbaycanın KTMT-yə daxil olmasının mümkünlüyü məsələsi mətbuatda fəal müzakirə edilir. Doğrudanmı sizin respublika hazırda həmin təşkilatın üzvü olan ölkələrlə danışıqlar aparır?

-Biz dəfələrlə qeyd etmişik ki, Azərbaycan balanslaşdırılan xarici siyasət yürüdür. Bu baxımdan biz KTMT-nin üzvü olan bütün dövlətlərlə fəal ikitərəfli dialoqu və qarşılıqlı faydalı, bərabərhüquqlu əməkdaşlığı inkişaf etdiririk. Təbii ki, Ermənistan istisna olmaqla, çünki Ermənistan Azərbaycana qarşı hərbi təcavüzü, ölkəmizin beynəlxalq miqyasda tanınmış ərazilərinin işğalını davam etdirir, orada azərbaycanlı əhaliyə qarşı qanlı və total etnik təmizləmələr aparıb.

Ölkə.Az

ŞƏRH YAZ
0
BAĞLA