Deputatdan pensiyalarla bağlı TƏKLİF

Deputatdan pensiyalarla bağlı TƏKLİF
12:58
12.07.2019
4032
Siyasət
A
Deputat pensiyaların indeksləşməsinin ildə bir dəfə deyil, hər ay aparılmasını təklif edib.

“Ölkə.Az” xəbər verir ki, belə bir təkliflə millət vəkili Qüdrət Həsənquliyev Milli Məclisin bu gün keçirilən  növbədənkənar sessiyasında  çıxış edib.

“Əmək pensiyaları haqqında” qanuna dəyişikliyə uyğun olaraq “Sığortaolunanların fərdi hesabının sığorta hissəsində qeydə alınan pensiya kapitalı ildə bir dəfə müvafiq icra hakimiyyəti orqanı tərəfindən müəyyən  olunan istehlak qiymətləri indeksinin illik səviyyəsinə uyğun olaraq müvafiq icra hakimiyyəti orqanının qərarına əsasən indeksləşdirilir.

“Mən isə təklif edirəm ki, indeksləşmə ildə bir dəfə deyil, hər aya həyata keçirilməlidir. Bu pensiyaçıların marağına xidmət etmir. Pensiyaçı gözləyə bilməz ki, onun pensiyası ildə bir dəfə indeksasiya olduqdan sonra artacaq. Hesab edirəm ki, bu il ərzində həyata keçirilməlidir. Müvafiq icra hakimiyyəti qurumlarının işi nədən ibarətdir, qoy işləsinlər və aylıq indeksasiyanı həyata keçirsinlər”, - deputat bildirib.

Milli Məclisin sədr müavini Valeh Ələsgərov isə deyib ki, bu qeyri-realdır: “Çünki elə aya infilyasiya yuxarı, elə ay isə aşağı olacaq. Onda hər ay pensiyanın həcmi dəyişməlidir. Elə ən optimal variant indeksasiyanın  ildə bir dəfə aparılmasıdır”.

Mürtəza
Ölkə.Az

ŞƏRH YAZ
0

Gürcüstan XİN-dən Keşikçidağ açıqlaması — “Təəssüfedicidir”

Gürcüstan XİN-dən Keşikçidağ açıqlaması
01:05
Bu gün
1441
Siyasət
A
Gürcüstanın Xarici İşlər Nazirliyi (XİN) Azərbaycanla sərhəddə yerləşən Keşikçidağ Məbədi-Kompleksində iyulun 14-də baş verən insidentlə bağlı məlumat yayıb.

“Ölkə.Az” report-a istinadən xəbər verir ki, XİN yerli sakinlər və azərbaycanlı sərhədçilər arasında yaşanan insidenti təəssüfedici adlandırıb.

Məlumatda qeyd olunub ki, Gürcüstanın müvafiq qurumlarının təxirəsalınmaz reaksiyasından sonra insident tezliklə aradan qaldırılıb və faktla bağlı araşdırma başlayıb:

“Bu cür insidentlər Gürcüstan və Azərbaycan arasında strateji tərəfdaşlıq münasibətlərinə uyğun deyil. Buna görə də hesab edirik ki, ekspert qurpları və delimitasiya üzrə komissiyanın iclasları vaxtında davam etdirilməlidir. Gürcüstan tərəfi bu görüşlərə tam hazırlığını ifadə edir”.

Gürcüstan XİN ictimaiyyəti təxribatlardan çəkinməyə çağırıb:

“Vətəndaş qruplarının danışıqların sakit mühitdə aparılmasını dəstəkləməsi uğurun mütləq şərtlərindən biridir”.

Ölkə.Az

ŞƏRH YAZ
0

Əli Əhmədov BMT-yə ikinci Milli Məruzə təqdim edib

Əli Əhmədov BMT-yə ikinci Milli Məruzə təqdim edib
22:23
15.07.2019
1239
Siyasət
A
“Azərbaycan ərazisinin 20 faizi hələ də Ermənistan tərəfindən işğal olunub, Ermənistan tərəfindən BMT-nin 4 məlum qətnaməsinin yerinə yetirilməməsi Dayanıqlı İnkişaf hədəflərində qarşıya qoyulan vəzifələrin həllini əngəlləyir”.

“Ölkə.Az” report-a istinadən xəbər verir ki, bu barədə Baş Nazirin müavini, Azərbaycan Respublikasının Dayanıqlı İnkişaf üzrə Milli Əlaqələndirmə Şurasının sədri Əli Əhmədov Nyu-Yorkdakı BMT qərargahında keçirilən Yüksək Səviyyəli Siyasi Forumda ikinci Könüllü Milli Məruzəni təqdim edərkən bildirib.

Sülhsüz inkişaf olmadığını vurğulayan Ə.Əhmədov beynəlxalq ictimaiyyəti münaqişələri həll edərək sülhü bərqərar etməyə səsləyib. Baş Nazirin Ə.Əhmədov Qarabağ münaqişəsi həllini tapmasa belə, Azərbaycanın Dayanıqlı İnkişaf hədəflərilə bağlı təhsil, səhiyyə, sosial təminat, məşğulluq, xüsusilə də qaçqın və məcburi köçkünlərin məşğulluğu sahəsində bir sıra tədbirləri həyata keçirə bildiyini qeyd edib.

Bununla yanaşı, ölkənin iqtisadi inkişafı, orta və kiçik sahibkarlığın dəstəklənməsi, dövlət xidmətlərinin təkmilləşdirilməsi, ekoloji vəziyyətin yaxşılaşdırılması sahəsində də mühüm islahatların həyata keçirildiyini diqqətə çatdıran natiq 2025-ci ilədək sosial-iqtisadi inkişaf, təhsil kimi sahələrdə əlavə tədbirlər görüləcəyini bildirib.

Xatırladaq ki, BMT-yə ikinci milli məruzəni təqdim etməyə yalnız 14 ölkənin haqqı var.

Ölkə.Az

ŞƏRH YAZ
0
BAĞLA