“Dərhal hərəkətə keçin!” — Deputatdan Vidadi İsgəndərli ilə bağlı hüquq-mühafizə orqanlarına ÇAĞIRIŞ

“Dərhal hərəkətə keçin!”
17:12
16.05.2018
82255
Siyasət
A
“Hüquq-mühafizə orqanları Vidadi İsgəndərlinin tərbiyəsiz hərəkətlərinin qarşısını almaq üçün lazımı addımlar atmalıdır”.

Bu fikirləri “Ölkə.Az”a açıqlamasında Ana Vətən Partiyasının (AVP) sədri, Milli Məclisin deputatı Fəzail Ağamalı bildirib. 

Deputat hüquq-mühafizə orqanlarını Vidadi İsgəndərlinin təcili cəzalandırılması ilə bağlı lazımı addımlar atmağa çağırıb:

“Azərbaycan vətəndaşlarının, o cümlədən ölkə prezidentinin və onun ailə üzvlərinin, Milli Məclis deputatlarının təhlükəsizliyi və hüquqları Azərbaycan Konstitusiyası ilə qorunur. Ona görə də Vidadi İsgəndərli kimi adamlar əslində mənəvi terrorla məşğul olur. Bunun başqa adı yoxdur. Bir var ki, güllə ilə insanları məhv edəsən, bir də var ki, söyüşlərlə, əxlaqsız hərəkətlərlə insanları mənəvi terrora məruz qoyasan və onu ölüm həddinə gətirib çıxarasan. Fiziki terrorla mənəvi terrorun heç bir fərqi yoxdur. Bu baxımdan da mən hüquq-mühafizə orqanlarını Vidadi İsgəndərlinin hərəkətlərinə qarşı tezliklə lazımı addımlar atmağa çağırıram. Milli Məclisin deputatı kimi də nə tələb olunursa, qanun çərçivəsində atmağa hazırıq!”.   
F.Ağamalı deyib ki, Vidadi İsgəndərli atasının məzarı ilə bağlı hadisələrə doğru olmayan yanaşma sərgiləyir:

“O, buna görə hər kəsə təhqirlər yağdırdığı dövrdə mən “Yeni Müsavat” qəzetində xüsusi yazı ilə çıxış etmişəm. Həmin yazıda mən Vidadi İsgəndərlini söyüş və təhqir dolu ifadələr işlətməkdən çəkinməyə dəvət etmişəm, söyüşün, təhqirin və bu cür əxlaqsızlığın Azərbaycan ictimai rəyinə gətirlməsinin əleyhinə olduğumu söyləmişəm. Mən bu gündə o fikirdəyəm ki, Vidadi İsgəndərli kimi adamlar tərbiyəsizliyini və əxlaqsızlığını öz dünya görüşündə ortaya qoyur. Ona görə də bunun qarşısı mütləq alınmalıdır. Bu cür halların qarşısının alınması üçün Azərbaycanın hüquq-mühafizə orqanları qəti olaraq hərəkətə keçməlidir. Bu istiqamətdə tələb olunan bütün hüquqi prosedur qaydaları da öz həllini tapmalıdır”. 

Vasif Həsənli
Ölkə.Az

ŞƏRH YAZ
0

İlham Əliyev banqladeşli həmkarını təbrik etdi

İlham Əliyev banqladeşli həmkarını təbrik etdi
11:21
Bu gün
131
Siyasət
A
Azərbaycan Prezidenti İlham Əliyev Banqladeş Xalq Respublikasının Prezidenti Md. Əbdül Həmidə təbrik məktubu göndərib.

"Ölkə.Az" xəbər verir ki, məktubda deyilir: 

"Hörmətli cənab Prezident,

Ölkənizin milli bayramı – Müstəqillik Günü münasibətilə Sizə və xalqınıza öz adımdan və Azərbaycan xalqı adından ən səmimi təbriklərimi yetirirəm.

Ümidvaram ki, Azərbaycan ilə Banqladeş arasındakı münasibətlər daim inkişaf edəcək və genişlənəcəkdir.

Belə bir xoş gündə Sizə möhkəm cansağlığı, işlərinizdə uğurlar, dost Banqladeş xalqına əmin-amanlıq və tərəqqi arzulayıram".

Ölkə.Az

ŞƏRH YAZ
0

Tramp Azərbaycan vasitəsilə qaz ixracına ümid edir

Tramp Azərbaycan vasitəsilə qaz ixracına ümid edir
10:23
Bu gün
198
Siyasət
A
ABŞ Prezidenti Donald Tramp Xəzərin statusunun müəyyən edilməsi ilə əlaqədar Türkmənistanın Qərbə qaz ixrac etmək imkanından yararlanacağına ümid etdiyini bildirib.

"Ölkə.Az" Trend-ə istinadən xəbər verir ki, bu barədə D.Trampın Novruz bayramı münasibətilə Türkmənistan Prezidenti Qurbanqulu Berdiməhəmmədova ünvanladığı təbrik məktubunda deyilir. 

Təbrikdə qeyd olunur: "Ümid edirəm ki, Türkmənistan bir müddət əvvəl Xəzər dənizinin hüquqi statusunun müəyyən edilməsi ilə əlaqədar öz qazını Qərbə ixrac etmək üçün yeni imkanlardan istifadə edə biləcək". 

Xatırladaq ki, Xəzər dənizinin hüquqi statusu haqqında Konvensiya 2018-ci il avqustun 12-də Qazaxıstanın Aktau şəhərində Xəzəryanı dövlətlərin dövlət başçılarının V Zirvə toplantısında imzalanıb. 

Ölkə.Az

ŞƏRH YAZ
0
BAĞLA