Dəridə baş verən xəstəlik — Xüsusi pəhriz seçimi

Dəridə baş verən xəstəlik
22:42
20.01.2019
12171
Maraqlı
A
Kuperoz dəri örtüyündə qan dövranının pozulması ilə səciyyələnən damar divarının zəifliyi nəticəsində yaranan xəstəlikdir və ondan əsasən xarici təsirlərə daha çox reaksiya verən bəyaz və həssas dərili qadınlar əziyyət çəkirlər. Kapilyarlarda qan dövranının durğunluğuna səbəb olan bir sıra amillərin təsiri onun yaranması ilə nəticələnir. Həmin amillərə siqaretçəkmə, iti və çox isti qida, qızdırmanı salan preparatlar, ultrabənövşəyi şüalar və birmənalı disbalans aid edilir, -deyə Bakı şəhər 1 nömrəli dəri-zöhrəvi xəstəxanasının həkim-dermatoloqu Həsən Həsənov söhbət açır. O, xəstəliklə əlaqədar dermatoloq məlumat verərək deyib: "Həmçinin dəri örtüyündə qan dövranının pozulması genetik meyilliyin nəticəsi ola bilər. Xəstəliyin əsas əlamətləri qaşınma, yandırma, bəzən dəri qızartısı və onun iltihabı sayılır. Qızartılar şəklində təzahürlər bir qayda olaraq həmcins olur. Yanaq, burun, çənə və alın nahiyəsində yerləşir, damarlı ulduzlar, genişlənmiş kapillyarlardan ibarət torlar şəklində nəzərə çarpır. Terapevtik tədbirlərin aparılmaması xəstəliyin inkişafı və əlamətlərinin təzahürünün intensivliyi ilə səciyyələnir.

"Ölkə.Az" azərtac-a istinadən bildirir ki, dəri vəziyyətinin pisləşməsi kuperozun ağırlaşmasından xəbər verir. Xəstə dəri zaman keçdikcə daha çox nazikləşir və maye itkisi səbəbi ilə quruyur. Mayenin daxil olmasına isə qan durğunluğu mane olur. Qan dövranının pozulması oksigen və qida maddələrinin çatışmazlığı ilə nəticələnir, üzün sağlam rənginin itməsi və dərinin solğunluğu ilə təzahür edir. Adekvat müalicə aparılmadıqda prosesin sürətli inkişafı müşahidə olunur və nəticədə üz dərisinin erkən qocalması baş verir.

Kuperozun müalicəsi xəstəliyin mərhələsindən asılı olaraq təyin olunur və bəzən xüsusi kosmetik prosedurlarla məhdudlaşır. İnkişafın erkən mərhələlərində müalicə vaxtı bəzən dərinin damarlarına təsir edən və xəstəliyi aradan qaldıran maska, tonik kimi vasitələrin tətbiqi kifayət edir. Həmin tədbirlər həmçinin qan dövranı pozulmasının daha ağır mərhələlərinin müalicəsindən sonra köməkçi prosedur kimi lazım gəlir. Daha səmərəli və müasir müalicə metodlarına fototerapiya, ozonoterapiya, lazer terapiyası və kimyəvi pilinqdir.

Həmin üsullar kapilyarların divarlarının möhkəmlənməsinə imkan yaradır, qızartıları azaldır, həmçinin dəri örtüyünün elastikliyini artırır. Onlar dərinin rəngini yaxşılaşdıraraq və onu cavanlaşdıraraq vəziyyətə müsbət təsir göstərir. Prosedurlar keçiriləndən sonra müalicə effekti və tam sağalma 2-3 həftədən sonra baş verir.

Kuperozun müalicəsinin mümkün və müasir üsullarından biri də incə iynəni genişlənmiş damarlara daxil etməklə elektrik cərəyanı vasitəsilə elektrokoaqulyasiya edilməsidir. Həmin təsir nəticəsində funksiyaları pozulmuş damarın dağıdılması baş verir. Xəstəlik çox geniş yayılmayanda həmin üsul daha münasib sayılır. Hər hansı narahatlığın olmaması ilə səciyyələnən səmərəli prosedur xüsusi klinikalarda aparılan lazer sklerozlaşmasıdır. Kuperozun müalicəsi həyat tərzinin dəyişilməsi, qidalanmanın normallaşması və xüsusi pəhriz seçimi ilə bərabər aparılmalıdır. Həkimin peşəkarlığı, xəstənin bütün müalicə və profilaktik tövsiyələrə riayət etməsi müsbət nəticəyə aparıb çıxarır. Maksimal səmərə üçün xəstəliyin müalicəsini ixtisaslaşmış mütəxəssisə etibar etmək son dərəcə əhəmiyyətli məsələdir.

Ölkə.Az

ŞƏRH YAZ
0

Xəzərdə müəmmalı məkan, intim münasibət üçün qaçırılan qızlar — ŞOK FAKTLAR (MÜSAHİBƏ)

Xəzərdə müəmmalı məkan, intim münasibət üçün qaçırılan qızlar
14:04
Bu gün
197
Maraqlı
A
Yadplanetlilər hər zaman planetimizin sakinləri üçün maraqlı olub. Son aylar isə onlar barəsində Yerdə daha çox danışılır.

Gah yaralı yadplanetlinin tapıldığı deyilir, gah da Çində yadplanetlilərin şəhərinin görüldüyü iddia edilir. Finlandiyada yaşayan tədqiqatçı Mark Savala Ayda yadplanetlilərin bazasını tapdığını deyir.


Bu xəbərlərə hər zamankı kimi yanaşmalar fərqlidir. Bunu insanların uydurması hesab edənlərlə yanaşı, yadplanetlilərin varlığına inanan, onların Yerdə bizimlə birlikdə yaşadığını düşünənlər də az deyil.


"Ölkə.Az" xəbər verir ki, mövzu ilə bağlı şair, publisist, ufoloq Nazim Əhmədli yadplanetlilər barədə Publika.az-ın suallarını cavablandırıb.


- Yadplanetlilər Yerə haradan gəlir, onların konkret məkanları varmı?


- Yadplanetlilər bəşəriyyətdən kənar sivilizasiyaların nümayəndələridir. Onlar bizim Günəş sistemində və kənar qalaktikalarda milyon illərdir mövcud olan və bəşəriyyətin dərk etmədiyi səviyyədə yüksək inkişaf mərhələsinə çatan, yüksək ağıllı varlıqlardır. Onlar müxtəlif qalaktikalardan gəlirlər. Alimlərin hesablamalarına görə isə, 7-8 trilyon qədər qalaktikanın olduğu güman edilir. Qalaktikada da milyardlarla planetlərin və sivilizasiyaların olduğu qaçılmazdır.


- Yadplanetlilərin müxtəlif növ olduqları deyilir. Onların hər biri istədikləri vaxt Yerə gələ bilirmi, yoxsa bunun üçün şərtlər varmı?


- Əvvəla, min illərdir onlar buradadır - dənizlərin, okeanların, dağların altındadırlar və bəşəriyyətin də inkişaf mərhələlərinə nəzarət edirlər. Onların çox da məlum olmayan növləri də var. Bozlar, yəni boz yadplanetlilər. (Grey aliens),iri başlı, gözləri böyük, Reptiloidlər- yaşıllar, Pleyadesli - tam insana oxşayırlar (Nordiklər) onların iddia edilən növlərindəndir. Həmçinin kainatda onların da kosmik birlikləri var.


- Onların Yerə marağı nə ilə bağlıdır?


- Günəş sistemi onlar tərəfindən süni şəkildə yaradılıb. Bu sistem yeddi milyard il üçün nəzərdə tutulub. Yəni Günəş sisteminin ömrü 7 milyard ildir. Onlar yaratdıqlarına nəzarət edirlər.

 


- Gələcəkdə onlar Yerdə insanlarla birlikdə yaşayacaqmı?


- Əslində indi də yaşayırlar. Bəşəriyyətin inkişaf mərhələlərində onların istədikləri olacaqsa, onlarla daha geniş əlaqələr ola bilər. Qeyd etdiyimiz kimi, indi də aramızda olanlar var. Əlbəttə, gizli olaraq.


- Xəzər dənizində Yadplanetlilərin məkanı olduğu doğrudurmu?


- Xəzərdə, Tibetdə, Bermud üçbucağında və dünyanın bir çox yerlərində onların məskənləri (bazaları deyək) var. Və son vaxtlar da onların tez-tez görünməsinin səbəbi Yer kürəsində bəşəriyyətin şıltaqlığı ilə bağlıdır. Yəni mənasız müharibələrin olması, ekoloji tarazlığın son dərəcə pozulması və s. ilə bağlıdır.


- Bəzi ölkələrdə onların insanları oğurlamaları barədə müxtəlif iddialar var. Onların insanları oğurlamaqda məqsədləri nədir?


- ABŞ-da 51-ci zona deyilən bir yer var. Məndə olan məlumata görə, yadplanetlilərin onlarla işbirliyi var. Bəzi mənbələrdə Adolf Hitlerin də onlarla görüşü olub. ABŞ hökumətinin sabiq müşaviri, britaniyalı alim, ufoloq, Pentaqonun keçmiş məsləhətçisi Timoti Qud Amerikanın o vaxtkı prezidenti Duayt Eyzenhauerin də yadplanetlilərlə görüşünün olduğunu deyib. Onun sözlərinə görə, ABŞ-a rəhbərlik etdiyi dövrdə (1953-1964) Eyzenhauer Amerika Hərbi Hava Qüvvələrinin Nyu-Meksikada yerləşən hərbi bazasında yaşıl rəngdə olan yadplanetlilərlə bir neçə dəfə görüşüb. Onların arasında müqavilə də bağlanıb. Yeni texnologiyalar qarşılığında Amerikada insanların 2 faizini oğurlanması məsələsi qoyulub..


"Yadplanetlilərlə imzalanmış müqavilədə qeyd olunur: Yadplanetlilər bizim işlərimizə qarışmayacaq, həmçinin ABŞ onların işlərinə müdaxilə etməyəcək. Onların dünyada qalması isə gizli saxlanılacaq. Yadplanetlilər dünyada texnologiyanın inkişafına kömək edəcək. Bundan əlavə, Yer planetində başqa bir ölkə ilə müqavilə imzalamayacaqlar. Həmçinin müəyyən vaxtlarda tibbi müayinələrdə istifadə etmək və inkişafı izləmək üçün insanlar "oğurlanacaq". Lakin onlara heç bir zərər verilməyəcək. İnsanlar aparıldıqları yerə qaytarılacaqlar və heç bir şeyi xatırlamayacaqlar. Bundan əlavə, ABŞ və yadplanetli hökuməti bir-birini öyrənmək üçün 16 nəfərin mübadiləsini edəcək". ("Bizim yol" qəzetindən.)


- Onları insanları oğurlayıb, insanla yadplanetlini cütləşdirib yeni varlıqlar yaratdıqları deyilir. Bu nə qədər realdır?


- Yadplanetlilərin insanları oğurlamaları haqqında versiyalar var. Mənim şahid olduğum bir hadisə də maraqlıdır. Moskvada M.Qorki adına Ədəbiyyat institutunda oxuyanda bir müəllimimiz var idi, adı Georgi İvanoviç Kunitsın idi. O, qəribə əhvalatlar danışırdı və həm də ufoloq idi. Bir qrup tələbələrə ayrıca mühazirələr oxuyurdu, yadplanetlilər haqqında. Mən də həmişə o qrupda olurdum. Onunla çox söhbətim olurdu. Bir dəfə mənə dedi ki, gedək Moskva ətrafındakı Solneçnoqorsk şəhərinə səni bir adamla tanış edəcəm. O adamı yadplanetlilər oğurlamışdı. Mənim üçün bu, çox maraqlı oldu və Georgi İvanoviçlə getdik. Məndən başqa on nəfərə yaxın başqa tələbələr də var idi. Biz Malışevlə tanış olduq. O, rəssam idi. Meşənin açıq yerində peyzaj çəkərkən başlarında nimp olan üç nəfər insan qiyafəsində, ucaboylu skandinav tipli, uzun saçlı məxluqlar ona yaxınlaşıb, bizimlə gedək deyirlər, Malışev onların telepatiya ilə etdikləri müraciəti qeyri ixtiyari olaraq qəbul edir və bir az aralıda dayanan dairəvi kosmik gəmiyə sarı gedərək, içəriyə daxil olurlar. Uçuşdan sonra çox az şeylər xatırladığını qeyd edən Malışev cəm 15 dəqiqə onların süni planetində olduğunu dedi. Qayıdanda isə Yerdə 3 gün keçmişdi. Mənə məlum olan mənbələrə istinad edərək deyə bilərəm ki, yadplanetlilər insanları təcrübə məqsədi ilə, intim əlaqələrə görə də oğurlayırlar. Təbii ki, yadplanetlilər hər cür eksperimentlərdən istifadə edə bilərlər. Əvvəla onların şüuru və inkişaf dərəcəsi bizdən qat-qat çox olduğu üçün ağlımıza gələn bütün fantaziyaları reallaşdıra bilərlər.

 


- Yadplanetlilər neçə illərdir Yerə gəlib-gedir? Yerdə hansı dəyişikliklərə səbəb olublar?


- Bəlkə də milyon illərdir onlar yerə gəlib-gedirlər. Son yüzilliklərdə bəşəriyyət texnogen inkişafı planetimiz, bütövlükdə qalaktikamıza vurduğu ziyan, ekoloji tarazlığın pozulması, Yer kürəsinin eləcə də insanların aurasında yaranan mənfi enerji çox qorxuludur. Məhz son illərdə onların tez-tez görünməsi bir xəbərdarlıq mesajıdır. Dünyanın çox yerlərində taxıl zəmilərində, otlaqlarda, əkin yerlərində sirli işarələrin peyda olması da onların mesajıdır. Demək istəyirlər ki, özünüzü yaxşı aparın. Bu, yüksək ağılın bizə xəbərdarlığıdır. Onları dərk eləmək üçünsə Yer üzərində mənasız müharibələr, ekoloji çirkləndirmələr, acgözlüklər, insanlığa yaraşmayan adətlərə son qoyulmalıdır...


- Misirdəki Xeops ehramı kimi bir çox dünyaca məşhur tikililərin məhz yadplanetlilər tərəfindən, yaxud da onların köməyi ilə tikildiyi iddia edilir? Bu, nə qədər doğru yanaşmadır?


- Belə güman edilir ki, Misir ehramları eramızdan əvvəl XXX əsrdə Qədim Xanədanlıq dövründə inşa edilib. Lakin bunun bir güman olduğunu düşünürəm. Deyə bilərəm ki, bütün dünyada olan ehramların çoxu bir niyyətlə tikilib və həm də burada kainatdan gələn yüksək ağılların müdaxiləsi mütləqdir. Şumer tarixinə, nəzər salsaq bəsdir. Bu ehramlar kainata antena rolunu oynayıb və Yerin təhlükəsizliyi məsələlərinə xidmət edib. Müxtəlif müharibələr zamanı isə bəşəriyyətin gerizəkalıları ehramların çoxuna ciddi zərər verib. Misir fironu Exnaton da anunukilərin( Kainatdan gəlmə allahlar adlandırılırdı onlar) nəslindən olub. Bu yaxınlarda "İki Sahil" qəzetində bu ehram haqqında oxudum. Axı bir fironun qəbri üçün bu qədər möhtəşəm bir ölçü nəyə lazımdır. Deməli bu ehramlar xüsusi bir layihənin nəticəsi olaraq inşa edilib və həm də qədim misirlilər tərəfindən yox.

ŞƏRH YAZ
0

Qupquru, saman saçlar — Hansı xəstəlikdən xəbər verir?

Qupquru, saman saçlar
09:14
Bu gün
1394
Maraqlı
A
Quru, saman kimi, cansız və qırılan saçlar bu gün çox insanı narahat edir. Nə şampun, nə maska, nə balzamlar kömək etmir. Siz buna sadəcə saçların vəziyyəti, materialı kimi baxırsız. Amma əslində dərində səbəblər var.

“Ölkə.Az” medicina.az-a istinadən saçların qurumasın, qırılmasına səbəb olar orqanizmdəki problemləri təqdim edir. Bu xəstəliklərdən şübhələnə bilərsiniz.

Saçlar və su

Saçlar üzdən hansısa balzam, nəmləndirici, yuyulma ilə suyu özünə çəkmir, o suyu köklərindən alır, daha doğrusu piy vəzilərindən. Bir sutka ərzində baş dərisində olan vəzilər 50 qr dəri piyi ifraz edir. Bu piy dərinin üst səthində əmələ gələrək, çıxan və uzanan saçların su-lipid mantiyasını əhatə edərək, onu UBV şüalardan, ətraf mühit təsirindən qoruyur, əmələ gələn ölü hüceyrələrdən təmizləyir, saçlara yumşaqlıq, parıltı verir, bir sözlə qurumağa qoymur.

Bu piyli maddənin tərkibində su, xolesterin, yağ turşuları, vitaminlər, mum və s. vardır.  Məhz piy vəzilərinin hasil etdiyi bu zəngin qoruyucu maddə pozulduqda, az olduqda saçlar quruyur. Bu isə insanın qidası, işi, həyat tərzi, sağlıq durumundan asılıdır.

Hər bir saç tükü kutikula ilə örtülüb. O da şəffaf keratindən ibarət olub, saçı qurumaqdan qoruyur.

Saç qurumasının səbəbləri

Əgər piy vəziləri müdafiə elementi olan sebumini az hasil edirsə, zəifdirsə, saçlar quru, solğun, cansız olacaq. Bu yaşlanma ilə əlaqədar ola bilər. Uşaq saçı ilə 30 yaşlı insanın saçı bir deyil.

Dəridə piy ifrazı nə qədər azdırsa, baş dərisində quruma sahələri bir o qədər çox olur, kəpək, qaşınma, quruma başlayır.

İkinci səbəb kutikulun zədələnməsidir. Bu saçların suyu özündə saxlamasını pozur.

İnsan özü səbəbkardır:

Çox zaman insan özü zərərli davranışı ilə bu maddələri pozur. Məsələn tez-tez saçları uyğun olmayan kobud, qatı, kimyəvi şampun, sabunla yumaq, saçlara kimyəvi qatqılı sprey, lak, jele, krem vurmaq,saçları rəngsizləşdirmək, burmaq, isti fen,rənglər və s.

Eləcə də peşə ilə əlaqədar küləkdə, quru havada, gün altında olmaq, göldə, dənizdə çox çimmək, xlorlu su, kimyəvi maddələr çox olan sahələrdə çalışmaq insanın saçlarını korlaya bilər.

Qadınlarda hormonal səbəb

45 yaşdan sonra saçlar menopouza, klimaks, hamilələrdə hormonal dəyişiklik, doğuşdan sonra, hormonal pozuntular. zob xəstəlikləri, hormonal dərmanlar qəbul etdikdə də saçlar quruyur, tökülür.

Xəstəliklər

Sinir anoreksiyası, doymuş turşu və zülal defisiti, vegeterianlıq, orqanizmin susuzlaşması, hipotoniya, qalxanvari vəzin hipoteriozu, Haşimoto, dəmir defisitli anemiya zamanı da saç follikulları ölür, saçlar qidalanmır, müdafiə maddələri azalır.

Mədə-bağırsaq xəstəlikləri – lazımlı mikro makro elementlərin pozulması, ferment çatışmazlığı zamanı saçlar quruyur

Bir sıra genetik xəstəliklər – Menkes sindromu, Neterton sindromu və s.

Əgər saçlarınız çox qurudursa, yuxarıdakı səbəblərdən sizə aid olanını azaldın, qida və su, vitamin qəbuluna diqqət ayırın.

Bir müddət saçlara istirahət edin, rəng, fen, kimyəvi müdaxilə və s. Ən azı 3 ay.

Saç kökləri, baş dibi, follikulların vəziyyətini öyrənmək üçün trixoloqa müraciət edin.

Daha sonra isə endokrinoloqa müraciət edərək, qalxanvari vəz və hormonları yoxladın.

Ölkə.Az

ŞƏRH YAZ
0
BAĞLA