Dərs bölgüsü diaqnostik qiymətləndirmənin nəticələrinə əsasən aparılacaq — Nazirlik

Dərs bölgüsü diaqnostik qiymətləndirmənin nəticələrinə əsasən aparılacaq
18:12
21.08.2017
874
Ölkə
A
Təhsil Nazirliyi sentyabr ayından etibarən bütün müəllimlərin dərs bölgüsü prosesinə nəzarət həyata keçirəcək.

"Ölkə.Az" xəbər verir ki, bu barədə APA-ya Təhsil Nazirliyinin İnsan resurları şöbəsinin müdir müavini Eşqi Bağırov bildirib.Yeni tədris ilindən ərazi maliyyə mərkəzləri tərəfindən dərs bölgüsü aparılarkən onların diaqnostik qiymətləndirmədə göstərdikləri nəticələr nəzərə alınacaq. Onun sözlərinə görə, bu proses bölgünü aparmaq imkanı olan məktəblərdə həyata keçiriləcək: “Əgər bir məktəbdə 1 fənn müəllimi varsa, nəticə burada nəzərə alına bilməz. Ümumi təhsil müəssisələrində müəllimlərə tələbatın müəyyənləşdirilməsi, pedaqoji kadrların işə qəbulu və yerdəyişməsi qaydalarına əsasən də müəllimlərin dərs bölgüsündə diaqnostik qiymətləndirmənin nəticələri nəzərə alınmalıdır”.

Nazirlik rəsmisi qeyd edib ki, 2014-cü ildən etibarən keçirilən diaqnostik qiymətləndirmə həmişə könüllülük prinsiplərə əsaslanıb: “Heç vaxt müəllimin qiymətləndirməyə cəlb olunmasını məcburi etməmişik. Buna baxmayaraq, istənilən qiymətləndirmədə davamiyyət 99%-dən aşağı düşməyib. Öz üzərində işləmək, nəticəsini artırmaq istəyən müəllimlər növbəti illərdə keçirilən diaqnostik qiymətləndirmədə iştirak edə bilər. Müəllimlər qiymətləndirmədə iştirak edərək yüksək nəticə göstərsələr, bu, növbəti dərs bölgüsündə nəzərə alına bilər”.

ŞƏRH YAZ
0

Zöhrə Abdullayeva: "Mənimçün həyat bitdi"

Zöhrə Abdullayeva:
11:25
Bu gün
153
Ölkə
A
Əməkdar artist Zöhrə Abdullayeva bu gün vəfat edən yeganə oğlu barədə ürək parçalayan sözlər yazıb.

"Ölkə.Az"ın məlumatına görə, sənətçi sosial şəbəkədə dərdini izləyiciləriylə bölüşüb:

"Yeganə oğlumu bu gün son mənzilə yola salıram. Mənimçün həyat bitdi. Həyatıma nöqtə qoyan balam, məkanın cənnət olsun".

Qeyd edək ki, Z.Abdullayevanın bir oğlu var idi.

İntiqam VALEHOĞLU 
Ölkə.Az

ŞƏRH YAZ
0

Mübariz Qurbanlı: "Azanı vaxtında verməyənlər cəzalandırılacaq"

Mübariz Qurbanlı:
10:53
Bu gün
1584
Ölkə
A
"Ramazan ayında məscidlərdə azanın müxtəlif vaxtlarda səslənməsi ilə bağlı bizə bu günə qədər müraciət daxil olmayıb".

"Ölkə.Az" xəbər verir ki, bunu Dini Qurumlarla İş üzrə Dövlət Komitəsinin sədri Mübariz Qurbanlı deyib. 

Onun sözlərinə görə, Qafqaz Müsəlmanları İdarəsinin (QMİ) təsdiq etdiyi təqvim var: "Rəsmi təvqimdən kənara çıxan məscid olarsa bununla bağlı tədbir görüləcək. Yerlərdə olan nümayəndələrimiz azanı QMİ-nin təqvimindən fərqli vaxtda verən imam və ya naiblər haqqında protokol tərtib edə bilərlər".  

ŞƏRH YAZ
0
BAĞLA