Dərslər sentyabrın 18-də başlayır? — Nazirlik açıqladı

Dərslər sentyabrın 18-də başlayır?
11:07
14.09.2017
120
Ölkə
A
Təhsil Nazirliyinin mətbuat xidmətinin rəhbəri Cəsarət Valehov təhsil müəssisələrində dərslərin sentyabrın 18-də başlamasıyla bağlı yayılan xəbərlərə münasibət bildirib.

"Ölkə.Az"ın məlumatına görə, o, "Bilik günü"nün hər il olduğu kimi sentyabrın 15-də qeyd ediləcəyini diqqətə çatdırıb:

"Bir çox saytlarda dərslərin 18 sentyabrda başlaması ilə bağlı yanlış xəbərlər yer alır. Ölkəmizdə hər il olduğu kimi "Bilik günü" sentyabrın 15-də qeyd ediləcək. Və əlavə olaraq, qeyd edim ki, bu il məktəblərə bütün siniflər üzrə 1.445.049 şagir gedəcək".

Ölkə.Az

ŞƏRH YAZ
0

Bakıda keçmiş məhkum tapança ilə tutuldu

Bakıda keçmiş məhkum tapança ilə tutuldu
16:25
Bu gün
215
Ölkə
A
Qaradağ Rayon Polis İdarəsi Cinayət Axtarış Şöbəsinə rayon ərazisində Cəlal adlı şəxsdə silah-sursat olması barədə məlumat daxil olub.

Daxili İşlər Nazirliyindən "Ölkə.Az"a bildirilib ki, həyata keçirilən əməliyyat-axtarış tədbirləri nəticəsində həmin şəxs, Bakı şəhər sakini Cəlal Nurəddin oğlu Əliyev saxlanılıb.

Onun üzərinə baxış keçirilən zamanı sandıqçasında 2 ədəd patron olan “TT” markalı tapança aşkarlanaraq götürülüb.

Qeyd edək ki, C. Əliyev əvvəllər də üzərində qanunsuz olaraq odlu silah-sursat gəzdirdiyinə görə məhkum olunub.

Faktla bağlı Cinayət Məcəlləsinin müvafiq maddəsi ilə cinayət işi başlanılıb, araşdırmalar davam etdirilir. 
 

ŞƏRH YAZ
0

DİN-dən Milli Şuranın iddialarına — MÜNASİBƏT

DİN-dən Milli Şuranın iddialarına
16:21
Bu gün
197
Ölkə
A
Daxili İşlər Nazirliyi (DİN) Milli Şura üzvlərinin yanvarın 20-də Şəhidlər Xiyabanını ziyarəti zamanı polis əməkdaşlarının onlara maneə yaratması barədə iddialarına münasibət bildirib.

"Ölkə.Az" xəbər verir ki, Nazirliyin Mətbuat Xidmətinin rəis müavini, polis polkovniki Orxan Mansurzadə APA-nın sorğusuna cavab olaraq bildirib ki, özünü Demokratik Qüvvələrin Milli Şurası adlandıran qurumun və digər radikal müxalifət partiyaların rəhbərlərinin 20 Yanvar -Ümumxalq Hüzn Günündə Şəhidlər Xiyabanını ziyarət edərkən guya onlara süni əngəllərin yaradılması barədə sosial şəbəkələrdə paylaşdıqları statusların, verdikləri bəyanatların heç bir hüquqi və məntiqi əsası yoxdur.

Rəis müavini qeyd edib ki, daim öz hüquqlarının pozulduğunu iddia edən, bu zəminində hakimiyyət orqanlarının, xüsusən də polisin ünvanına iftira atmağa, onlar barəsində yeri gəldi-gəlmədi “qara piar”, böhtan kampaniyası aparmağa adət etmiş, özünü Milli Şura adlandıran qurumun bir qrup üzvü öz ənənələrinə bu dəfə də sadiq qalıblar, onların guya Şəhidlər Xiyabanını ziyarət etməsinə maneə yaradılması barədə açıqlamalar verməyə başlayıblar: “Bu qüvvələrin bilərəkdən təxribata getmək, ən müqəddəs hisslərdən, xalqımızın qəhrəmanlıq tarixinin ən şanlı səhifələrindən olan 20 Yanvar hadisələrindən də ucuz siyasi məqsədləri üçün istifadə etməklə hər birimiz üçün ağrılı olan bu mövzuda da şou düzənləmək niyyəti həm də ondan bəlli idi ki, bu bədnam qurumun başbilənləri qabaqcadan edilmiş xəbərdarlıqlara məhəl qoymayaraq, müəyyənləşdirilmiş vaxtdan da təqribən bir saat yarım əvvəl ziyarətə gəliblər.

Bu şəxslərin Ümumxalq Hüzn Günündə qarşıdurma, qarışıqlıq yaratmaq niyyətlərini önləyən asayiş keşikçiləri radikal müxalifətçilərin həmin təxribatçı planının da qarşısını alaraq, onlara hamıdan qabaq ziyarətə başlamaq imkanı yaradıblar. Guya tərəfdarlarının toparlanacağı bəhanəsi ilə bu müqəddəs məkanda ümumi ziyarətçi axınını da qısa müddət süni şəkildə dayandırmış Milli Şura təmsilçilərinin məlum provokasiyasına özlərinin məhdud bir qrupundan başqa kimsə uymayıb, ümumxalq hüzn günündə, millətin birləşdiyi bir tarixdə təşkil etdikləri ucuz siyasi şouda özlərindən savayı kimsə iştirak etməyib. Bir daha qeyd edirik ki, yanvarın 20-də insanların Şəhidlər Xiyabanını maneəsiz və sərbəst şəkildə ziyarət etmələri üçün aidiyyəti dövlət qurumları tərəfindən hər cür şərait yaradılıb”.

ŞƏRH YAZ
0
BAĞLA