Deyingən qadını əri bıçaqladı
Qanlı hadisə Kürdəxanı qəsəbəsi, Məşədi Adil küçəsi ev 23 ünvanında qeydə alınıb.
“Ölkə.Az”-ın xəbərinə görə, 1983-cü il təvəllüdlü İmamverdiyeva Rəna Əfqan qızı həyat yoldaşı 35 yaşlı Səbuhi İmamverdiyevlə uşaqları düzgün tərbiyə etmədiyinə görə mübahisə edib.
Bu zaman qadının tənqidlərini qəbul etməyən Səbuhi mətbəxt bıçağı ilə Rənaya bir neçə zərbə endirib.
Yaralı döş qəfəsinin sağ yarısının kəsilmiş-deşilmiş yarası xəsarəti ilə 3 saylı Kliniki Tibbi Mərkəzə yerləşdirilib. Əməliyyat olunan yaralı qadın reanimasiya şöbəsinə yerləşdirilib, vəziyyəti ağırdı.
Faktla bağlı Sabunçu Rayon Polis İdarəsi 15-ci polis bölməsinə məlumat verilib.
S.İmamverdiyev könüllü olaraq polis bölməsinə gələrək təslim olub.
2004-cü ildə ailə həyatı quran İmamverdiyevlər ailəsinin 3 azyaşlı övladı var. Araşdırmalar zamanı məlum olub ki, Səbuhi əvəllərdə mütəmadi olaraq həyat yoldaşını döyüb.
Fərdi əməklə məşğul olan S.İmamverdiyevin ailə üzvlərinin sözlərinə görə, ərlə arvadın arasında mübahisələr əsasən dolanışıq üstündə düşüb.
Bu dəfə isə uşaqların tərbiyəi ilə bağlı başlanan mübahisə qanla nəticələnib.
Faktla bağlı Sabunçu RPİ-də cinayət məcəlləsinin 126.1-ci maddəsi ilə cinayət işi başlanıb.
Ölkə.Az
***
"Ölkə.Az" "Report"a istinadən xəbər verir ki, hadisə Sabunçu rayonunda baş verib.
Kürdəxanı qəsəbəsi, Məşədi Adil küçəsi ev 23 ünvanında 1983-cü il təvəllüdlü İmamverdiyeva Rəna Əfqan qızı həyat yoldaşı ilə mübahisə edib. Mübahisə zamanı o, əri tərəfindən bıçaqlanıb.
Yaralı 3 saylı Kliniki Tibbi Mərkəzə yerləşdirilib.
Faktla bağlı Sabunçu Rayon Polis İdarəsi tərəfindən aparılır.
