DGK bu gün mətbuatda gömrük işçiləri ilə bağlı yayılan videotəsvirlərə münasibət bildirib

DGK bu gün mətbuatda gömrük işçiləri ilə bağlı yayılan videotəsvirlərə münasibət bildirib
00:01
19.04.2019
3292
Ölkə
A
Dövlət Gömrük Komitəsi (DGK) aprelin 18-də mətbuatda gömrük işçiləri ilə bağlı yayılan videotəsvirlərə münasibət bildirib.

"Ölkə.Az" bildirir ki, aprelin 18-də bəzi internet resurslarında Cənub Ərazi Baş Gömrük İdarəsinin qarşısında bir qrup şəxsin gömrük orqanlarına qarşı əsassız ittihamlara söykənən etirazlarının əks olunduğu videotəsvirlər yayımlanıb. Həmin görüntülərdəki şəxslər konkret fakt və ya dəlil olmadan gömrük orqanlarını və onun əməkdaşlarını qanunlara əməl etməməkdə günahlandırır.

Dövlət Gömrük Komitəsi bildirir ki, etiraz edən şəxslər mütəşəkkil şəkildə İran İslam Respublikasından müxtəlif adda məhsullar alaraq Nazirlər Kabinetinin 305 saylı qərarı ilə müəyyən edilən məhdudiyyətlərdən yan keçmək məqsədilə qarşı tərəfdə əvvəlcədən razılığa gəldikləri şəxslərə paylayır, ölkənin gömrük sərhədindən keçirdikdən sonra malları həmin şəxslərdən toplayaraq satışını həyata keçirir.

Gömrük orqanlarının apardığı müşahidə və araşdırmalar nəticəsində bu şəbəkələr və İran İslam Respublikasından gətirilən malları müəyyən məbləğdə pul vəsaiti qarşılığında daşıyan və gömrük sərhədindən keçirən şəxslər müəyyənləşdirilib və qanunvericiliyin tələblərinə uyğun şəkildə müvəqqəti saxlanca götürülüb.

Lakin gömrük orqanlarının bu tələbi ilə razılaşmayan şəbəkə üzvləri qanunsuz şəkildə etiraz edərək gömrükçülərin iş rejiminə mane olur, gömrük xidmətinin fəaliyyətinə kölgə salan əsassız iddialar irəli sürürlər.

Dövlət Gömrük Komitəsi bir daha bəyan edir ki, gömrük orqanları ölkənin iqtisadi təhlükəsizliyini təmin edən strateji dövlət qurumlarından biridir və öz işini qanunvericiliyin tələblərinə uyğun, şəffaf şəkildə həyata keçirir. Konkret Cənub Ərazi Baş Gömrük İdarəsinin qarşısında qeydə alınan videotəsvirlərdəki iddialar isə tamamilə əsassızdır.

Ölkə.Az

ŞƏRH YAZ
0

Bu ərazilərdə su olmayacaq — XƏBƏRDARLIQ

Bu ərazilərdə su olmayacaq
11:37
Bu gün
525
Ölkə
A
Bakının iki qəsəbəsində suyun verilişində məhdudiyyətlər olacaq.

“Azərsu” ASC-dən "Ölkə.Az"a verilən məlumata görə, “+ 98 Qaraçuxur” su anbarında aparılan yenidənqurma işləri ilə əlaqədar 26 avqust 2019-cu il tarixində gün ərzində Qaraçuxur qəsəbəsinə və Suraxanı qəsəbəsinin bir hissəsinə içməli suyun verilməsində məhdudiyyətlər olacaq. 

Yaranmış narahatlıqla əlaqədar “Azərsu” ASC abonentlərdən üzr istəyir. 

ŞƏRH YAZ
0

Leyla Əliyeva klassik avtomobillərin yürüşündə — FOTOLAR

Leyla Əliyeva klassik avtomobillərin yürüşündə
10:46
Bu gün
2709
Ölkə
A
Azərbaycan Avtomobil Federasiyasının təşkilatçılığı ilə Bakıda növbəti dəfə klassik avtomobillərin yürüşü və sərgisi təşkil olunub.

Heydər Əliyev Fondunun vitse-prezidenti Leyla Əliyevanın və bir çox tanınmış şəxslərin izlədikləri yürüşdə 1980-ci ilədək istehsal olunmuş avtomobillər iştirak edib. Onların arasında yürüş üçün qeydiyyatdan keçmiş şəxsi nəqliyyat vasitələri, eləcə də Heydər Əliyev Mərkəzində nümayiş etdirilən klassik avtomobil sərgisinin eksponatları sırasında olan nəqliyyat vasitələri də yer alıb. 

Heydər Əliyev Mərkəzinin qarşısından start götürən yürüşdə 100-dən çox klassik avtomobil iştirak edib. Bu avtomobillərin hamısının olduqca maraqlı tarixi var. Həmin avtomobillər dövrünün müasiri olsa da, zaman keçdikcə onların tarixi dəyəri daha da artır. 

Yürüşə gələn tamaşaçılardan Dadaş Ağalarov doğma Bakıda belə tədbirlərin keçirilməsindən məmnun qaldığını bildirib. “Yürüşə kiçik oğlumla gəlmişəm. Oğlum da, mən də avtomobilləri, xüsusilə də retro avtomobilləri çox sevirik. Bu maraqlı tədbirdə ilk dəfədir ki, iştirak edirəm. 

Çox xoşuma gəldi və sərgi də yüksək səviyyədə təşkil olunub. Düşünürəm ki, retro avtomobillər hər kəsin maraq dairəsindədir. Bu avtomobillər insanda nostalji hisslər yaradır. Belə tədbirlərin təşkili avtomobil həvəskarlarının bir yerə toplaşaraq fikir mübadiləsi aparmaları, asudə vaxtlarını səmərəli keçirmələri üçün çox əhəmiyyətlidir”, - deyə D.Ağalarov söyləyib. 

İştirakçı Rauf Əzizov deyib: “Retro maşınlara 15 ildən çoxdur ki, həvəs göstərirəm. Bu həvəs məndə artıq bir hobbiyə çevrilib. Sərgiyə özümün yığdığım iki maşınla - “Zaporejts” və “Moskviç”lə gəlmişəm. Hazırda Volqa “Qaz-21” avtomobilinin üzərində işləyirəm. Sərgidə nümayiş olunan “Zaporejts” 1965-ci ilin istehsalıdır. “Moskviç” 427 furqon isə bağ həvəskarlarının ən çox sevdiyi maşın idi. Retro avtomobillərin sərgisi və yürüşünün təşkilinin gənclərimizin zərərli vərdişlərdən uzaqlaşaraq sağlam həyat tərzinə cəlb edilməsində böyük rolu var”. 

Azərbaycanda klassik avtomobillərə çox böyük maraq var 

Yürüş iştirakçısı Vaqif Quliyev tədbirə 1958-ci il istehsalı olan “Zapojets” markalı maşınla qatılıb. “Həmişə Azərbaycan Avtomobil Federasiyasının təşkil etdiyi tədbirlərdə fəal iştirak edirəm. Bu tədbiri alqışlayıram. Klassik avtomobillərin sərgisi və yürüşü zamanı retro avtomobil sahibləri bir araya gəlir, fikir mübadiləsi aparırlar. Avtomobilimdən ancaq belə sərgi və yürüşlərdə istifadə edirəm. Hazırda dostumun xahişi ilə “Moskviç-403” modeli üzərində işləyirəm. Bir sözlə, retro avtomobillər mənim hobbimdir”, - Vaqif Quliyev belə deyib. 

Klassik avtomobil sahibi olan Zaqatala rayon sakini Azər İmamov 1958-ci il istehsalı olan və babasından ona yadigar qalan “SMZ S-3A” markalı avtomobili üç ilə yığdığını və tədbirə bu avtomobillə qatıldığını bildirib. O qeyd edib ki, avtomobilin detallarını Rusiya, Gürcüstan və başqa ölkələrdən əldə edib. “Tədbir möhtəşəmdir və insanlar böyük həvəslə buraya maşınlara baxmağa gəlirlər”, - deyə A.İmamov qeyd edib. 

Sərgi gənclər üçün də maraqlıdır 

“Moskviç” klubunun rəhbəri Əlirza Əliyev avtomobillərin yürüşü və sərgisinin böyük bayrama çevrildiyini deyib. “İnsanlar böyük maraqla avtomobillərə yaxınlaşıb tarixi ilə maraqlanırlar. Düşünürəm ki, bu tədbir yaşlı nəslin nümayəndələri ilə yanaşı, gənclər üçün də çox maraqlıdır. Gənclər bu tədbirə böyük həvəslə qatılırlar. Klubumuz bu yaxınlarda fəaliyyətə başlayıb. Gələcəkdə sərgiyə daha çox avtomobillə qatılmağı planlaşdırırıq”. 

Bu tədbirə şəhər sakinləri ilə yanaşı, paytaxtımıza gələn turistlərin də marağı böyük idi. Klassik avtomobillərin yürüşü və sərgisi şəhərimizin qonaqlarında unudulmaz təəssüratlar yaradıb. Moskvadan gəlmiş Nikolay Timofeyev sərgidə sovet istehsalı olan çoxsaylı retro avtomobillərin olmasından məmnun olduğunu bildirib: “Yürüş, eləcə də burada iştirak edən avtomobillər çox xoşumuza gəldi. Həm bu tədbirdə, həm də ümumiyyətlə, şəhərdə çox səmimi münasibət görürük. Çox yüksək səviyyədə təşkil olunan sərgi klassik avtomobillərə yeni həyat verir”. 

Paytaxt sakinləri deyirlər ki, bu sərgi və yürüş Bakının həyatında əsl bayramdır. Bu avtomobillər xüsusən onları görməyən gənclərdə daha çox maraq doğurur. Avtomobillər şəhərin müasirliklə qədimiliyin vəhdət təşkil etdiyi mərkəzi küçələri və prospektləri ilə yürüşdən sonra Heydər Əliyev Mərkəzinin parkında nümayiş olunub. 

Yürüş-sərgidə “Ford Model A” (1930), “Fiat Balilla” (1933), “Mercedes Benz 220 B Cabrio” (1952), “Chevrolet Corvette” (1960), “Cadillac Eldorado” (1974), “VAZ 21011” – milis (1973), “Qaz 13”- Çayka (1975) və sair kimi nadir nümunələr iştirak edib. Bakı sakinləri və qonaqlar nadir avtomobil modellərini maraqla izləyiblər. 

Tədbir çərçivəsində keçirilən klassik geyimlərin müsabiqəsi də tamaşaçılar tərəfindən coşqu ilə qarşılanıb. Klassik avtomobillər və ötən illərin libasları modern Bakıda nostalji ovqat yaradıb. 

 

 

Ölkə.Az

 

 

ŞƏRH YAZ
0
BAĞLA