Diasporla İş üzrə Dövlət Komitəsinin sədri: ÜAK-ın ləğvi Rusiya azərbaycanlılarının narazılıgına səbəb oldu

Diasporla İş üzrə Dövlət Komitəsinin sədri: ÜAK-ın ləğvi Rusiya azərbaycanlılarının narazılıgına səbəb oldu
12:05
21.08.2017
27
Siyasət
A
"Ümumrusiya Azərbaycan Konqresinin qeydiyyatının ləğvi Rusiyada azərbaycanlılar arasında narazılıqla qarşılanıb".

"Ölkə.Az"ın APA-ya istinadən məlumatına görə, bunu Diasporla İş üzrə Dövlət Komitəsinin sədri Nazim İbrahimov deyib. 
 
N. İbrahimov bildirib ki, sentyabrda Rusiyada bununla bağlı məhkəmənin müvafiq qərarı gözləmək lazımdır: "Bu istiqamətdə müvafiq iş aparılır. Qərardan sonra müəyyən fikirlər söyləmək olar. ÜAK-ın hər hansı bir məhkəmə qərarı ilə ləğvi heç də yaxşı hal deyil. Bu, Rusiyada yaşayan milyonlarla azərbaycanlının narazılığına səbəb olub. Düşünürük ki, bu məsələni yumşaq yolla həll etmək mümkündür. Hər bir təşkilatın idarə olunmasında müəyyən nöqsanlar ola bilər. İstək olduğu halda bu çatışmazlıqları aradan qaldırmaq və məsələni həll etmək mümkündür. Belə radikal qərarların verilməsi azərbaycanlılar arasında narazılığa səbəb olur. Güman edirəm ki, sentyabrda düzgün qərar veriləcək. Hər hansı neqativ qərar olarsa, fikrimizi bildirəcəyik".

ŞƏRH YAZ
0

“Regionu yenidən bölürlər” — ŞOK AÇIQLAMA

“Regionu yenidən bölürlər”
23:06
22.11.2017
1015
Siyasət
A
Livan və İsrail arasında son günlər böyük gərginlik yaşanıb.

“Ölkə.Az” xəbər verir ki, Livanın ordu baş qərargah rəisi general Jozef Avn yeni açıqlama verib. Açıqlamalarda “İsrailin təhdidlərinə qarşı hazırıq” ifadəsindən istifadə edilib.

Avn İsrail-Livan arasında davam edən gərginliklə bağlı “İsrailin təhdid və hədələrinə qarşı hər zaman hazırıq. Lazım olsa, BMT Təhlükəsizlik Şurasının 1701 saylı qərarına uyğun olaraq sabitliyimizi qorumaq üçün hərəkət edərik”-açıqlamasını verib.

Politoloqların fikirincə, Yaxın Şərqdə baş verənlər bölgədəki gərginliyi daha da ağırlaşdırır. Politoloq İlqar Altay “Ölkə.Az”a açıqlamasında bildirib ki, Yaxın Şərqdə böyük güclərin qarşılaşması var. Onun sözlərinə görə, həmin güclər üzdə bir-birilərinə xoş münasibət göstərirlər.

“Guya Yaxın Şərqdə sülh yaratmaq istəyirlər. Əslində isə onlar mübarizə aparırlar. Yaxın Şərqdə mövqeləri qorumaq, torpaq ələ keçirtmək uğrunda mübarizə aparırlar. Burada söhbət Rusiya ilə Amerika arasında yaranmış mübarizədən gedir. Bu iki güc dövlətinə tərəf ölkələr də, oyunun oyunçusu kimi bir-birilərilə mübarizə aparırlar”, - deyə politoloq bildirib.

İlqar Altay bildirib ki, İraqda məsələlər həll edildi, kürd dövləti qurdular: “Qətərdə problemlər başlandı. İranla İraq arasında qarşıdurma qızışıb. Yaxın Şərqdə torpaqların bölünməsi prosesi gedir. Yəni bu bölgədə dinc dövlət qalmamalıdır. Bütün ölkələr qarışmalıdır. Bir dondurulmuş münasibət də İsrail ilə Livan arasında qalmışdı. Uzun müqddət idi ki, bu münasibət dondurulmuş şəkildə qalmışdı. Görünür Yaxın Şərqin “yarası elə qaşınıb”, iki ölkə arasında 10 ildən çoxdur dondurulmuş ziddiyətlər ortaya çıxıb. Sakitləşmiş Livan artıq hardansa dəstək alır. Bu da ümumi baxışda Yaxın Şərqin silkələnməsi deməkdir”.

İlqar Altay əlavə edib ki, Yaxın Şərqdə dövlətlərin ərazilərinin bölgüsü gedir: “Yeni dünya xəritəsi hazırlanacaq. Yəni müharibələrin nəticəsi həmişə budur. Sərhədlər dəyişir, yeni dövlətlər yaranır. Dünya xəritəsi yenilənir”.

Ziya Səccad
Ölkə.Az

ŞƏRH YAZ
0

Ramiz Mehdiyev MDB dövlətləri təhlükəsizlik şuraları katiblərinin görüşündə iştirak edib

Ramiz Mehdiyev MDB dövlətləri təhlükəsizlik şuraları katiblərinin görüşündə iştirak edib
18:08
22.11.2017
1435
Siyasət
A
Prezident Administrasiyasının rəhbəri Ramiz Mehdiyev Moskvada şəhərində keçirilən MDB dövlətlərinin təhlükəsizlik şuraları katiblərinin beşinci görüşündə iştirak edib.

"Ölkə.Az"ın APA-ya istinadən məlumatına görə, görüşdə MDB məkanında radikal dini cərəyanların yayılmasının qarşısının alınması məsələləri, habelə Əfqanıstan İslam Respublikasında vəziyyət və Orta Asiya regionu dövlətlərinin təhlükəsizliyinin təmin edilməsi tədbirləri müzakirə edilib, beynəlxalq terrorçuluğa qarşı mübarizənin bəzi aspektləri ilə bağlı məruzələr dinlənilib.
 
R. Mehdiyev tədbirdə məruzə ilə çıxış edib. Çıxışda dini radikalizmin, ekstremizmin və terrorçuluğun qarşısının alınması sahəsində Azərbaycanın müsbət təcrübəsi, o cümlədən müvafiq qanunvericiliyin təkmilləşdirilməsi, ölkəmizin hüquq mühafizə orqanları və xüsusi xidmətlərinin səmərəli fəaliyyəti barədə ətraflı məlumat verilib.
 
Tədbir çərçivəsində R. Mehdiyev Rusiya Federasiyası Təhlükəsizlik Şurasının katibi Nikolay Patruşev və katibin müavini Rəşid Nurqaliyev, habelə Belarus Respublikası Təhlükəsizlik Şurasının dövlət katibi Stanislav Zas ilə ikitərəfli görüşlər keçirib. Görüşlərdə təhlükəsizlik şuraları xətti üzrə əməkdaşlığın inkişafı məsələləri müzakirə edilib, həmçinin Rusiya Federasiyası Təhlükəsizlik Şurasının Aparatı ilə 2018-2019-cu illər üçün Əməkdaşlıq Planı imzalanıb.

ŞƏRH YAZ
1
BAĞLA