DİM bakalavrlara xəbardarlıq etdi

DİM bakalavrlara xəbardarlıq etdi
18:33
19.06.2017
141
Ölkə
A
Dövlət İmtahan Mərkəzi (DİM) bakalavrların xəbardarlıq edib.

DİM-dən "Ölkə.Az"a verilən məlumata görə, 2017/2018-ci tədris ili üçün ali təhsil müəssisələrinin və AMEA-nın 

magistraturalarına ixtisaslaşma seçimi bu gün saat 23:59-da başa çatır. 

Xatırladırıq ki, ixtisaslaşma seçiminə 9 iyun tarixindən start verilib və bu proses 19 iyun saat 23:59-dək davam edəcək. İxtisaslaşmaları seçib hələ təsdiq etməyən, eləcə də ixtisaslaşmaların müsabiqəsində iştirak etmək istəyən, lakin hələ ixtisaslaşma seçimi etməmiş digər bakalavrlara tövsiyə olunur ki, qeyd olunan müddətdə ərizələrinin təsdiqini təmin etsinlər.
Müsabiqəyə yalnız müəyyən edilmiş vaxt ərzində "Bakalavrın elektron ixtisaslaşma seçimi ərizəsi"ndə ixtisaslaşmaları seçmiş və təsdiq etmiş bakalavrlar buraxılacaqlar.

ŞƏRH YAZ
0

“Müsəlman Braziliya çimərliklərinə getsəydim, xoşbəxt olardım” — Hafiz Hacıyevdən QƏRİBƏ AÇIQLAMALAR

“Müsəlman Braziliya çimərliklərinə getsəydim, xoşbəxt olardım”
14:07
Bu gün
27
Ölkə
A
“Mən uzun illərdir ki, Dünya Çempionatlarında Braziliya futbol komandasına azarkeşlik edirəm. İnanıram ki, bu çempionatın qalibi Braziliya komandası olacaq”.

Bu fikirləri “Ölkə.Az”a açıqlamasında Müasir Müsavat Partiyasının sədri Hafiz Hacıyev bildirib. 

H.Hacıyev Braziliyanı “müsəlman” adlandırdığı üçün sosial şəbəkələrdə ona qarşı söylənilən fikirlərə də münasibətini açıqlayıb:

“Mən bu fikirlərimin üzərində qalıram. Braziliya müsəlman ölkəsidir, müsəlmanlara yaxın komandadır. Biz xristianlara azarkeşlik edə bilmərik. Braziliya isə xristian deyil. Brazilya müsəlman dininə sitayiş edir. Mən də fikirlərimi bu baxımdan söyləmişəm”.  

H.Hacıyev Braziliyanın Rio-de-Janeyro şəhərində çimərliyinin olması barədə sosial şəbəkələrdə yazılanlara da cavab verib:

“Bu yalan məlumatdır. Mənim Rio-de-Janeyroda heç bir istirahət yerim və ya çimərliyim yoxdur. Əgər kimsə mənim Braziliyada obyektimi görübsə, sübut etsin, oranı ona bağışlayım! Mən çox çətinliklə yaşayan adamam. Yarı ac, yarı tox dolanıram. Azərbaycan xalqı kimin necə yaşadığını yaxşı görür. Biz əziyyətlə yaşayan insanlarıq. Mənim nə xaricdə, nə də ölkədə otelim, istirahət mərkəzim yoxdur. Ümumiyyətlə, mən heç vaxt Braziliya çimərliklərində olmamışam. Olsaydım, xoşbəxt olardım. Bizim ora getmək üçün təyyarə bileti almağa belə imkanımız yoxdur. Mənim pulum olsaydı, xaricə səfər edəndə avtobusla getməzdim. Mən başqaları kimi xarici kəşfiyyata işləmirəm ki, milyonlarım olsun. Çox təəssüf ki, hələlik qədrim bilinmir”.

Vasif Həsənli
Ölkə.Az

ŞƏRH YAZ
0

“Bandotdel”in keçmiş əməliyyat müvəkkili azadlığa çıxmaq istəyir

“Bandotdel”in keçmiş əməliyyat müvəkkili azadlığa çıxmaq istəyir
13:54
Bu gün
96
Ölkə
A
Valyutadəyişmə məntəqələrinə və digər obyektlərə basqınlarda təqsirli bilinərək 15 il azadlıqdan məhrum edilən keçmiş polis zabiti azadlığa çıxmaq üçün məhkəməyə müraciət edib.

“Ölkə.Az”ın xəbərinə görə, Ədliyyə Nazirliyi Penitensiar Xidmətin 9 saylı Cəzaçəkmə Müəssisəsində cəza çəkən məhkum Nəsrullayev İrac İsababa oğlu “Azərbaycan Respublikasının Cinayət Məcəlləsində dəyişikliklər edilməsi haqqında” 20 oktyabr 2017-ci il tarixli Qanunun tətbiq edilməsi barədə ərizəsinin Xəzər Rayon Məhkəməsi təmin etmədiyi üçün Bakı Apellyasiya Məhkəməsinə müraciət edib.  Apellyasiya şikayətinə 21 iyun tarixində hakim Həsən Əhmədovun sədrliyi ilə baxılacaq. 

Xatırladaq ki, 2009-cu ilin oktyabr ayında Ağır Cinayətlərə Dair İşlər üzrə Məhkəmənin hökmü ilə valyutadəyişmə məntəqələrinə və digər obyektlərə basqınlar edərək cinayət törətməkdə ittiham olunan keçmiş polis əməkdaşlarından ibarət 6 nəfərlik dəstənin üzvlərinə- Mehdi Əmirəliyev və İrac Nəsrullayevin hər birinə 15 il, İsmayıl Feyziyevlə Ceyhun Qarayevin hərəsinə 12, Rauf Rzayevə 4 və Seyran Bağırova 10 il müddətinə azadlıqdan məhrumetmə cəzası verilib.

Təqsirləndirilənlər - Daxili İşlər Nazirliyi (DİN) Baş Mütəşəkkil Cinayətkarlıqla Mübarizə İdarəsinin (BMCMİ), Nərimanov rayon Polis İdarəsinin keçmiş əməkdaşı və 18-ci Polis Bölməsinin keçmiş rəisi Mehdi Əmirəliyev, DİN Şuşa şəhər Şöbəsində və BMCMİ-də əməliyyat müvəkkili işləmiş İrac Nəsrullayev və polis əməkdaşları Ceyhun Qarayev, Rauf Rzayev, Seyran Bağırov və İsmayıl Feyziyev dəstə yaradaraq, 1998-2008-ci illərdə valyutadəyişmə məntəqələrinə basqınlar edərək, külli miqdarda maddi vəsait ələ keçirmək üçün cinayət törədiblər. Dəstə Bakının müxtəlif rayonlarında 32-dən artıq belə cinayət törədib. Dəstə üzvləri 2008-ci il sentyabrın 30-da Milli Təhlükəsizlik Nazirliyinin keçirdiyi əməliyyat nəticəsində saxlanılıblar. 

Təqsirləndirilənlər Azərbaycan Cinayət Məcəlləsinin 29.120.2.1-ci (bir qrup şəxs, qabaqcadan əlbir olan bir qrup şəxs, mütəşəkkil dəstə və ya cinayətkar birlik (təşkilat) tərəfindən adam öldürməyə cəhd), 180-ci (soyğunçuluq), 217-ci (banditizm), 228-ci (qanunsuz olaraq odlu silah, onun komplekt hissələrini, döyüş sursatı (yivsiz odlu ov silahı və həmin silah üçün döyüş sursatı istisna olmaqla), partlayıcı maddələr və qurğular əldə etmə, başqasına vermə, satma, saxlama, daşıma və ya gəzdirmə) və digər maddələri ilə ittiham olunurlar.

 

ŞƏRH YAZ
0
BAĞLA