DIM dövlət qurumları üçün müsahibə elan etdi — SİYAHI

DIM dövlət qurumları üçün müsahibə elan etdi
16:02
15.04.2019
1158
Ölkə
A
Dövlət İmtahan Mərkəzi (DİM) 5 dövlət orqanında inzibati vəzifələrin 3-7-ci təsnifatına uyğun olan vəzifələrin A və B növü üzrə ümumi müsahibə elan edib.

DİMdən "Ölkə.Az"a verilən məlumata görə, mərkəzi icra hakimiyyəti orqanlarının aparatı, onların tabeliyində olan qurumlar, yerli bölmələr və məhkəmələrdə olmaqla elana çıxarılan vəzifələrin 36-sı dövlət qulluğu vəzifələrinin A növünə (inzibati rəhbər) və 23-ü isə B növü vəzifələrə (inzibati icraçı) aiddir.

Ümumi müsahibəyə çıxarılan vəzifələr arasında ən yüksək vəzifələr inzibati vəzifələrin 3-cü təsnifatına uyğun olan Əmlak Məsələləri Dövlət Komitəsinin Torpaqların Dövlət İdarəetməsinin Təşkili üzrə Dövlət Agentliyinin direktor müavini, inzibati vəzifələrin 4-cü təsnifatına uyğun olan Energetika Nazirliyində şöbə müdiri, Əmlak Məsələləri Dövlət Komitəsi və Əmək və Əhalinin Sosial Müdafiəsi Nazirliyində şöbə müdirinin müavini vəzifələridir. Ümumilikdə isə, Əmlak Məsələləri Dövlət Komitəsində 4 vəzifə, Əmək və Əhalinin Sosial Müdafiəsi Nazirliyində 44 vəzifə, Energetika Nazirliyində 7, Sumqayıt Apellyasiya Məhkəməsində 1 vəzifə, Hesablama Palatasında 3 vəzifə olmaqla 59 vakant vəzifə ümumi müsahibə elanına çıxarılıb.

Ümumi müsahibə üzrə sənəd qəbulunun təkmilləşdirilməsi, vətəndaşların rahatlığının təmin edilməsi, vətəndaşların vaxt itkisinin və maliyyə xərclərinin qarşısının alınması məqsədilə Dövlət İmtahan Mərkəzi tərəfindən ümumi müsahibə üzrə sənəd qəbulu yalnız elektron qaydada həyata keçirilir.

Ümumi müsahibədə iştirak etmək istəyən namizədlər “Dövlət qulluğu üzrə müraciət Forması” vasitəsilə 15 aprel 2019-cu il tarixindən 15 may 2019-cu il saat 18:00-dək (30 gün müddətində) Mərkəzin internet portalına məlumatları daxil edərək qeydiyyatdan keçməlidir.

DİM mərkəzi icra hakimiyyəti və məhkəmə hakimiyyəti orqanları olmaqla ümumilikdə 6 dövlət orqanında inzibati dövlət qulluğu vəzifələrinin A (79 vəzifə) və B (391 vəzifə) növünə aid olan 470 vakant vəzifənin tutulması üçün müsabiqənin müsahibə mərhələsini də elan edib. 

Müsahibədə iştirak etmək üçün qeydiyyat müddəti 2019-cu il 15 may tarixinə qədər davam edəcək.
Müsabiqəyə təqdim olunmuş vakant vəzifələr üzrə vəzifə təlimatları, müsahibə proqramları Mərkəzin internet portalında yerləşdirilib.

Namizədlər əldə etdikləri sertifikata uyğun olan müsahibələrdə iştirak edə bilər. Müsahibədə iştirak üçün namizədlər 15 may 2019-cu il saat 18:00-dək (30 gün müddətində) “Dövlət qulluğu üzrə müraciət Forması”nı (https://eservices.dim.gov.az/dqq/Home/Login) doldurmaqla qeydiyyatdan keçməli və elan müddətində formaya daxil etdiyi məlumatlarda, sənədlərdə dəyişikliklər olduğu təqdirdə müvafiq düzəlişlər etməlidir.

Müsahibə proqramları ilə mərkəzin portalından və vakant vəzifənin aid olduğu dövlət orqanının internet saytından tanış olmaq olar.

Qeyd edək ki, müsahibəyə çıxarılması üçün dövlət orqanları arasında ən çox vakant vəzifə Kənd Təsərrüfatı Nazirliyi (432 vəzifə) tərəfindən təqdim olunub. Ümumilikdə, müsahibəyə çıxarılmış 470 vakant vəzifənin 1-i 4-cü təsnifata, 38-i 5-ci təsnifata, 2-si 6-cı təsnifata, 429-u isə 7-ci təsnifata aid olmaqla, 79-u AC, 37-si BA, 354-ü isə BB vəzifə qrupuna aiddir.

Ölkə.Az

ŞƏRH YAZ
0

Space TV-nin efirində Üzeyir Mehdizadəyə görə dava düşdü — VİDEO

Space TV-nin efirində Üzeyir Mehdizadəyə görə dava düşdü
04:28
Bu gün
479
Ölkə
A
Elçin Əlibəylinin "El bizim, sirr bizim" proqramında qalmaqal yaşanıb.

"Ölkə.Az" baku.ws-ə istinadən xəbər verir ki, bayağı mahnı sözlərinə həsr olunan verilişdə şair İlhamə Elşadqızı Üzeyir Mehdizadənin dinləyici kütləsini müdafiə edib:

"Mən özüm poeziyaya 20 yaşımdan gəlmişəm. 1994-cü ildən yazıram. Sözlərimə respublikanın xalq artistləri Eldar Mansurov, Cavanşir Quliyev, Şəfiqə Axundova və oğlu Taleh Hacıyev kimi bəstəkarlar mahnılar bəstələyib. Mikayıl Müşfiq, Nüsrət Kəsəmənli Vahid Əziz, Bəxtiyar Vahabzadə kimi dahilərin sözlərinə nə qədər mahnılar yazılıb. Mən Zeynəb Xanlarovanı, Müslüm Maqomayevi, Şövkət Ələkbərovanı sevirəm. Çünki mən uşaqlıqda onları görmüşəm, eşitmişəm. İndi "O mənim olmalıdır," oxuyan Üzeyir Mehdizadəni dinləyən kütləyə bir söz deyə bilmərəm. Sevirlər də onu".

Verilişin digər qonağı yazar Orxan Saffari şairin Ü.Mehdizadənin dinləyicilərini müdafiə etməsinə etiraz edib: "Üzeyirə qulaq asmaq zövqdür? Dediniz ki, yaxşı oxuyub". 

İlhamə Elşadqızı sualın ona ünvanlanmasına qəzəblənib: 

"Mən bura imtahan verməyə gəlmişəm? İlhamə xanımdan başqa adam yoxdur? Bütün suallar, zənglər mənə gəlir. Veriliş mənə aiddir, yoxsa bayağı mahnılara? Bu veriliş mənim həyat və yaradıcılığıma həsr olunmayıb. Şair doğulursan, olmursan. Ana bətnində veriləən istedaddır. Kim kimin sözünə mahnı yazır, mən nə deyə bilərəm axı? Məndən niyə soruşursuz? Mənim 15 yaşım yoxdur! Cavan oğlansan, yavaş danış!

Mən Üzeyiri dinləmirəm. Bəlkə sən dinləyirsən? Məm elə söz deməmişəm. Deyəsən qulağın yaxşı eşitmir. Həkimə get!"

ŞƏRH YAZ
0

Mariya Stadnik Rəşad Atakişiyevdən YAZDI — FOTO

Mariya Stadnik Rəşad Atakişiyevdən YAZDI
23:59
21.08.2019
5642
Ölkə
A
Dünya və Avropa çempionu Mariya Stadnik bu gün dəfn edilən MiQ-29 qırıcısının pilotu Rəşad Atakişiyev haqqında status yazıb.

“Ölkə.Az” xəbər verir ki, belə igid oğulu itirməyin çox məyusedici olduğunu qeyd edib.

Qeyd edək ki, iyulun 24-də plana uyğun olaraq gecə vaxtı təlim-məşq uçuşları keçirən zaman qəzaya uğrayan Hərbi Hava Qüvvələrinin "MiQ-29" təyyarəsinin pilotu polkovnik-leytenant Atakişiyev Rəşad Saləddin oğlunun nəşi və təyyarənin qalıqları dünən tapılaraq dənizdən çıxarılıb.

Ölkə.Az

ŞƏRH YAZ
0
BAĞLA